يا ريت يا شباب حد يكون معاه لانسر 1300 اوتوماتيك و يحكى لنا شوية عن السحب و التكييف و استهلاك البنزين و كدا لانى مش عارف هل اللى عندى مظبوطة ولا ايه الحكاية ؟
عرض للطباعة
يا ريت يا شباب حد يكون معاه لانسر 1300 اوتوماتيك و يحكى لنا شوية عن السحب و التكييف و استهلاك البنزين و كدا لانى مش عارف هل اللى عندى مظبوطة ولا ايه الحكاية ؟
ال 1300 الأوتوماتيك على كلام الأخوة هنا سيئة جدا فى السحب
فية اخ معانا حسبها جابت منعاة من 0-100 فى 21 ثانية
طيب ايه اللي عندك .. و مانيوال و اللا اوتوماتيك .. و ايه الملاحظة بالظبط ..
عموما ..
*اللانسر ( حتكلم علي الاوتوماتيك ) من العربيات المستهلكة للبنزين .. معنديش علم الكتالوجات بتقول ايه .. انا باتكلم علي الواقع العملي ..
* الاستهلاك لم اقوم بقياسه بالضبط .. لكنها تكاد تكون قريبة من السيارات ال 1600 المانيوال ( مع التكييف داخل البلد )
* استهلاكها اسوأ من سيارات نفس الفئة كالسيتي و الياريس و السيريون
* العربيبة وزنها تقيل شوية .. يكاد يكون اثقل العربيات ال 1300 .. اضف لذلك الفتيس الاوتوماتيك + التكييف = :wheelchair:
*طول ما انت ماشي في طريق عادي .. العربية زي الفل .. و لا توجد عليها ملحوظة .. تظهر مشكلتها( و انت مشغل التكييف ) في مطالع الكباري - خاصة و انت طالع من سرعة ضعيفة او من الثبات - او اذا كانت العربية فيها اوزان تقيلة ....عندها حتلاقي العربية بقت غلسة شوية .....
--------------
* كل اللي انا بقوله ده .. لا ينفي انها عربية كويسة جدا .. اعتمادية جدا ...متينة هيكل و صاج ( مقارنة بمثيلاتها من نفس الفئة ).. واسعة .. اتزان محترم جدا ..تمنها فيها .. قابلة بشدة للعب و الترويش .. لو حبيت تبيعها ممكن تبيعها بعد الفجر في الصحراء و حتلاقي الشاري في 5 دقائق.. و لو عايز قطعة غيار .. ممكن تلاقيها في اولاد رجب ..
********
العربية بقالها في مصر اكتر من 12 سنة 1300 اوتوماتيك .. و شغالة و زي الفل
---------------
شخصيا .. بحب جدا العربية دي .. مع التيدا .. و شوية عربيات تانية كمان :)
*
انا زيك فى كل اللى قلته بالظبط استهلاكها عالطريق مفيش لكن اول ما تبقى فى الزحمة تلاقى العداد نزل كتيييير بس هى لو بتعمل 230 كيلو فى الصفيحة تبقى كويسة ولا مستهلكة ؟ و انا على طوول بشغل التكييف و الشمس دايما بتعاكس التكييف مفيش حل نمنع ان الشمس تدخل العربية ؟
واحد قالى على حاجة بتتحط على القزاز زى الفيمية بس شفاف خالص و قال مش بيدخل شمس و سعره 120 للعربية كلها هل حد جربه و هل فعلا مش بتدخل شمس و بالتالى تريح التكيف ولا لا ؟
دة حاجة اسمها V-kool و دة غالى جدا و فية منة انواع ممكن يوصل ل 7000 جنية و فية حاجات ب 2000 و ب 3000اقتباس:
واحد قالى على حاجة بتتحط على القزاز زى الفيمية بس شفاف خالص و قال مش بيدخل شمس و سعره 120 للعربية كلها هل حد جربه و هل فعلا مش بتدخل شمس و بالتالى تريح التكيف ولا لا ؟
يا جماعه انا لسه شاري لانسر 1300 اوتوماتيك موديل 2007 و كنت راكب قبلها لانسر 1300 اوتوماتيك موديل 1999 و بجد انا حاسس ان ال2007 احسن كتير من حيث السحب و التكيف و كل حاجه واكيد ال1600 احسن من حيث تجميع السرعه و السير علي سرعات عاليه .بس ال1300 بردو حلوة و عمليه في استهلاك البنزين
انا كان نفسي في ال1600 و لما وقعت قدامي لانسر 1300 لقطه قولت اشتريها ولو طلعت وحشه ابيعها و اجيب ال1600 بس فعلا لما ركبتها حبيتها ومش هغيرها دلؤتي خالص
ياااااه محدش يجيب سيرة اللانسر 1300 اوتوماتيك اصل كل ما افتكرها بضحك وبفتكر زكريات قديمه
لأ بتجيبها في 14
http://www.youtube.com/watch?v=3biM3TcvdLE
بس بعد ال 150 فرق السما والأرض بينها وبين ال 1600
وكمان تفرق عن ال 1600 ب ألف RPM عند سرعة 140
يعني ال 1300 على 4 عند 140 كم
وال 1600 على 3 عند 140 كم
:D:D:D:D:Dاقتباس:
و لو عايز قطعة غيار .. ممكن تلاقيها في اولاد رجب ..
احنا مش عاوزين لا 150 ولا 140 انا اخرى اصلا 80 :d و رضا كدا على الطرق الزفت بتاعتنا
طالما مش فارق معاك السحب ولا السرعة خليك في 1300 أما لو مهتم بيهم يبقى 1600 بس هي بشعه في إستهلاك البنزين جوه البلد أما لو طريقك سريع يعني سفر او دائر و أمثاله هتلاقي إسهلاك البنزين كويس. أما ال 1300 فأسمع غن غستهلاك البنزين فيها معقول ممكن يوصل 340 لتر في الصفيحه بس غنسى سحب العربيه . ممكن ال300 مانوال تبقى كويسهز بس بالسعر نفسه ممكن تجيب صني أوتوماتك كامله. يا رب اكون ساعدتك
أمتر حاجة بتستهلك بنزين في الأوتوماتك الكيك داون ( المفاجئ ) ، أما لو الواحد بيجري و يطلع للسرعة واحدة واحدة بيكون استهلاكها أحسن بكتييير ، أنا بقول الكلام ده عن تجربة ، و أنا على فكرة مشواري كل يوم الصبح لازم أصبح العربية بسفر 60 كم رايح و 60 كم راجع .
شوف يا سيدي الحل الوحيد انك تفيم العربية كلها فامية أسود غامق ، أنا شخصيا عامل كدة ، أما بقة بالنسبة لموضوع المرور وسحب الرخصة فتقدر انك تشيل النمر وتعملها بالكومبيوتر وتكتب عليها بالخط العريض هيئة قضائية. كدة هيبقى نادراً جدا لما حد هيوقفك ويقوللك رخصك ولو حصل وحد غلس وقفك وسألك على الرخص هتشوف الاحترام اللى هيكلمك بيه . انا عن نفسي عامل كدة في عربيتي والرخصة متسحبتش مني إلا مرة في لجنة كان واقف فيها رتب كتير وخليت صاحبي اللى انا شاري منه العربية يجيبهالي لأنه هيئة قضائية بس بجد :S_thum1[1]:-
يعنى إيه اعملهم بالكمبيوتر هيئة قضائية ؟؟؟!!
أولا ً : أنا والحمد لله من أكتر الناس احتراماً للقوانين وللقانون ، بس دة لما يبقى القانون مقنع وليه سبب وجيه ، اما بالنسبة لقانون منع الفاميه فأنا شايف ان دة قانون من القوانين اللى المفروض تتعدل ، لأنه ملوش أي سبب مقنع ، ومتهيألي إنه مش سبب كافي انه بيحجب رؤية الركاب، ما هما لو عاوزين يشوفوا الركاب ما هم بيوقفو العربية وبيشوفوا اللى هما عاوزين يشوفوه.!!!!!!!!!!!! وفيه دول كتير تانية برة الفامية دة عندهم عادي - حرية شخصية يعني. مش زي عندنا في مصر.
ثانياً : لأ مش المفروض انكو تعرفوا ان ليا واحد صاحبي عضو هيئة قضائية ، والدليل اني داخل المنتدى باسم مستعار ومحدش يعرفني من المنتدى دة خالص ، يعني مش داخل اتمنظر زي ما حضرتك تقصد أو تقصدي.
وأخيراً شكراً لذوقك البالغ في التعليق على مشاركتي يا shaiboba
شوف يا سيدي ، بداية الكلام ولا يحلى الكلام إلا بذكر النبي عليه الصلاة والسلام ،
انا لسة جايب لانسر خليجي 1300 اوتوماتيك بضمان الوكيل ، وأنا مسافر بيها اسكندرية العشرين لتر عملوا معايا 270 كيلو وكنت بشغل التكييف شوية وأطفيه شوية لأن الدنيا كانت برد أساساً بس انا كنت عاوز أحسب استهلكها بالتكييف وكنت عاوز أشوف سحبها مع التكييف ضعيف زي ما هو شائع في ثقافة الشعب المصري ولا لأ .....
وطبعاً اكتشفت إن اللى يمشي ورا كلام الناس هيخسر كتير وعلى رأي خالد عجاج كلام الناس لا بيودي ولا يأخر ....
بالذات الشعب المصري ده عليه حبة حاجت غريبة يا أخي...
العربية جميلة جدا ، سحبها مش ضعيف زي ما الناس بتصور ، انا من كتر ما سمعت من الناس عن إن سحبها ضعيف كنت حاسس إني هركب بطة مش عربية :C_laugh[1]: ....
انت ممكن تحس بإن السحب ضعيف شوية لو معاك حمل في العربية وطالع مطلع كوبري ودة انا طبيعي في أي عربية ، ودة كان نفس اللى بيحصل معايا في العربية اللى كانت معايا قبل اللانسر وكانت 1500 مانيوال .... الموضوع على فكرة مش زي الناس ما مصوراه كدة ...
العربية فوق الممتازة ، وربنا يعلم إني كنت لا أطيق العربية اللانسر دي قبل ما أجيبها من كتر ما كنت بشوفها في الشارع ، بس بصراحة بعد الجواز .... احم احم .... أسف أقصد بعد ما جبتها وركبتها حبيتها ، زي ما بيقولوا كدة الحب بيجي بعد الجواز ههههههههههههههههههههههههه . في العربيات برضة المسألة بتفرق لما بتسوق العربية :S_thum1[1]:
من الآخر اللانسر دي :S_thum1[1]::S_thum1[1]::S_thum1[1]::S_thum1[1]:
الله ينور عليك يا استاذ shabmuslim.. اخيرا واحد نصف اللانسر 1300 أوتوماتيك
احمدك يا رب
أي خدمة :E_braces[1]:
العربية ممتازة لولا بس ثقافة الشعب المصري الغريبة دي اللى موديانا ورا..... تعرف انا قبل اما اجيب العربية دي كنت بسمع قصص وحكايات عن الأوتوماتيك وبالذات الـ 1300 منه ، ولما جبت العربية لقيت كل دة كلام فارغ ، وملوش أي أساس من الصحة ودة من واقع تجربتي العملية ....
وعلى فكرة انا لسة امبارح جربت وأخدت ملطع كوبري بسرعة عالية ملقيتش أي مشاكل في السحب ولا حاجة....( دة للناس اللى كانو بيشتكوا ان سحبها ضعيف في مطالع الكوبري وانت محما معاك حمل في العربية).
بصراحة انا لو كنت جبت ال1600 كنت هندم لأنه كان هيبقى استهلاك بنزين عالفاضي ، يعني انت مش هتحرق حاجة من ال 1600 دول في بلد زحمة ومخنوقة زي مصر :36_1_31:
والله يا باشا انا معايا لانسر 1300 مانيول مش اوتو
العربية سحبها حلو جدا
وبصراحة الفرق بينها وبين ال 1600 فى السرعات العالية مش هتشوفو خالص (زى ما عضو قال قبل كدة)
العربية سحبها حلو جدا من غير تكييف مش مطلوب اكتر من كدة على موتور 1300 ووزن تقيل زيها
مع التكيف السحب بيقل ودا بيحصل حتى فى عربيات 1600 عادى جدا
الاوتو انا سمعت عنها كلام مش حلو لكن مجربتهاش بس اعتقد من انتشارها ان مش كل الناس اتخدعت
اه فيه ناس بتموت فى السحب والجرى (زيي للاسف) لما هيركب ال 1300 الاوتو ويلاقى سحبها وحش وكمان مع التكيف هيقول العربية ضايعة ومش بتمشى
كل واحد ليه طريقة سواقة واللى من الاول بيحب يجرى هات 1600 مانيول بقى واسحب براحتك يا برنس
او 1600 اوتو بس ابعد عن ال 1300
واسف للتطويل
انا من بنها مش من القاهرة
وكمان كليتى فى الزقازيق وبسافر بالعربية كتير (تقريبا كل ما بروح الكلية)
طريق بنها الزقازيق كل 3 او 4 كيلو فيه مطب
وطبعا بتهدى وبعدين بتجمع
بس عشان كدة بلاقى اماكن اسحب فيها
انا لو فى القاهرة كنت جبت عريبة 1100 سى سى
بس فعلا انا كان نفسى فى حتة 1600 بس الحمد لله على كل شىء
تمنها كام دلوقت؟؟
يا بشمهندس طارق ، انا لسة جايب العربية بتاعتي الشهر اللى فات من الرواس اللى في أول شارع رمسيس - خليجي أوتوماتك بالضمان.
من كام يوم كدة لقيت الولاعة مش شغال فيها أي حاجة لا شاحن ولا أي بود ولا أي حاجة ، رحت التوكيل - دا على اساس انها لسة في الضمان - البني آدم اللى قابلني قال لي الولاعة خارج الضمان - انا مش قادر أفهم دا على اساس انها مش جزء من العربية ولا أية - بصراحة انا قلت قبل ما أتسرع وأروح أعملهم محضر في القسم قلت أرجع لك الأول، قال اية بيقول لي ان ضمان الولاعة 1000 كيلو بس !!!!! طب ومساحة الزجاج عليها ضمانها كام كيلو هيا كمان ؟؟؟!!!!!!! انا مسكت نفسي بالعافية .. واتصلت بعد كدة ب أ.أحمد شفيق - مدير الفرع اللى انا اشتريت منه العربية ، قال لي أرجع لمدير الصيانة اسمه البشمهندس طارق ....
وبعدين لو كلام البني آدم اللى قابلني هناك دة صح ان الولاعة ضمانها ألف كيلو بس ، يبقى لازم الكلام دة يكون مكتوب كدة في شهادة الضمان ، وإلا فأنا من حقي أرفع على توكيل ميتسوبيشي قضية وهتهمهم فيه بالنصب على الناس إذ أين ذلك الضمان المزعوم عندما أذهب لإصلاح عيب حادث بالسيارة فيقولون لي إن الولاعة ضمانها ألف كيلو والمساحات ألفين والكهربا تلاتة ،،، وكلام لا يدخل إلا على عقل إنسان متخلف.....
بشهمندس طارق أرجو إفادتي ، هل من سبيل آخر أتبعه قبل أن أسلك المسك القانوني ضد هذا التوكيل الغير مشرف ؟؟؟؟؟
وشكرا
هو الاكيد ان الاوتوماتيك سحبو ضعيف شوية واتوقع ان مصروف البانزين حلو