العربية محتاجة شوية حاجات كتير ... ساعدوني في الأختيارات

العربية فعلا مستحملاني الفترة اللي فاتت
جاابت مساعدين
وتقريبا كدة الجلب كمان باظت تاني
بوجيهات وعايز أغير سلوك
هاجيب جنبين نوبيرا 2000 عشان أخلي الفرامل ورا ديسكات
التكييف في الزحمة أداؤه ضعيف ... لما أتحرك بيجيب تلج
العربية بقت بطة بلدي ومخنوقة جدا !
مش عارف السوست عاملة أيه
كتير الصراحة وانا بهدلتها كدة
عايز أحسب هاجيب أيه بالظبط وساعدوني في الأختيارات لو في أي حاجة تانية
طقم مساعدين مونرو تقريبا ب 1400
جنبين الديسكات ب 400
أجيب مقصات ولا أصلح الجلب تاني وأعمل فيها أيه ؟
التكييف أعمل فيه أيه ؟
السوست أجيب أيه ؟ ولا أخليهم ؟
بوجيهات وسلوك ؟
في كذا حاجة بس انا مش فاكر دلوقتي

بالنسبة للعفشة , يا ريت لو تخلى عفشجى كويس يركب العربية و يشوفها و يقوللك اللى فيها

اما بالنسبة للديسكات الخلفية انا مش عايز افتى , بس انا مش عارف هيكون ايه تأثيره على نسب توزيع الفرامل على الامام و الخلف , انت صحيح غيرت الماستر ولا لسة , لو لسة حاسس الفرامل ضعيفة شوف التيل و الطنابير حالتهم ايه.

بالنسبة للتكيف , شوف الفلتر بتاعه ( لو فيه فلتر ) غيره , لو مفيهاش فلتر زى اللانوس احتمال تكون السربنتينة اللى من جوه ( المبخر) عايز يتنضف و هتحتاج تروح لبتاع تكييف يشوفلك فيه تسريب ولا لأ.

بالنسبة لخنقة العربية ناس كتير قالت لى ان الفلتر الاسبور ممكن يخنق العربية على السرعات البطيئة , و طبعا شوف البوجيهات حالتها ايه .

و لو عايز اى حاجة قوللى و سلملى على BiRa :)

اقتباس:

---

المشاركة الأصلية كتبت بواسطة truss

بالنسبة للعفشة , يا ريت لو تخلى عفشجى كويس يركب العربية و يشوفها و يقوللك اللى فيها

اما بالنسبة للديسكات الخلفية انا مش عايز افتى , بس انا مش عارف هيكون ايه تأثيره على نسب توزيع الفرامل على الامام و الخلف , انت صحيح غيرت الماستر ولا لسة , لو لسة حاسس الفرامل ضعيفة شوف التيل و الطنابير حالتهم ايه.

بالنسبة للتكيف , شوف الفلتر بتاعه ( لو فيه فلتر ) غيره , لو مفيهاش فلتر زى اللانوس احتمال تكون السربنتينة اللى من جوه ( المبخر) عايز يتنضف و هتحتاج تروح لبتاع تكييف يشوفلك فيه تسريب ولا لأ.

بالنسبة لخنقة العربية ناس كتير قالت لى ان الفلتر الاسبور ممكن يخنق العربية على السرعات البطيئة , و طبعا شوف البوجيهات حالتها ايه .

و لو عايز اى حاجة قوللى و سلملى على BiRa :)

---

انا عارف اللي في العفشة .... هي محتاجة عفشة كاملة :(
بالنسبة للفرامل ... هتبقي هي هي نفس نسب التوزيع لأنه نفس الماستر وانا هاجيب بتوع نوبيرا برضه ... لسة ماغيرتش الماستر مانت عارف الأمتحانات :) .... التيل قدام وورا كويسين ... والديسكات قدام مافيهاش عالي وواطي وسمكهم كويس وورا عادي مافيهمش حاجة
التكييف بأمانة كدة بحالات ... أوقات تلاجة ولو حطيت أيدك عالفرش هتحس انه متجمد وأي حاجة حديد جوة العربية بتبقي متجمدة ... وأوقات بيجيب هوا سخن ورخم ! ... انا بأتكلم عن نفس التوقيت يعني يومين الساعة 2 الضهر مثلا واليومين حر وأبقي واقف في زحمة ... عندي فلتر تكييف ... انا بأخلي دورة الهوا تبقي جوة العربية فالفلتر بيبقي خارج الدورة ومالوش دور أساسي ! ... بس جربت الحالتين ... لسة هاشوف حوار السربنتينة ده والتلاجة

العربية بقت بطة فعلا .... حاسس بخنقة علي ال low &mid&high ranges !
كان زمان low بس وبعد كدة بتبقي قطر !
ممكن فعلا يبقي الفلتر خصوصا اني حاطه لسة في الكبوت ومع الجوة التيت ده واني بأشغل التكييف فبقي المراوح بتجيب عليه الهوا السخن

Bira بتسلم عليك :))
انت هاتخلص التلات صح ؟

التكيف مشكلته في السربنتية الخارجية مش الداخلية عايزة تتغسل كويس وتتمشط

اقتباس:

---

المشاركة الأصلية كتبت بواسطة tarek_2005

التكيف مشكلته في السربنتية الخارجية مش الداخلية عايزة تتغسل كويس وتتمشط

---

انا فعلا لما لقيته كدة غسلتها
بالمسدس بتاع المغسلة ومحصلش أي جديد
أمشطها أزاي قصدك ؟

في طقم امشاط بيتباع في شارع نجيب الريحاني بيتمشط بيه السربنتينه علشان يعدل الزعانف المتنيه فيها ويسمح بمرور الهواء بداخلها جيداً

اقتباس:

---

المشاركة الأصلية كتبت بواسطة tarek_2005

في طقم امشاط بيتباع في شارع نجيب الريحاني بيتمشط بيه السربنتينه علشان يعدل الزعانف المتنيه فيها ويسمح بمرور الهواء بداخلها جيداً

---

شكرا يا طارق باشا هابقي أشوف الحوار ده
هو انا شفت سائل بيتباع في جراكن عشان التنضيف هابقي أجيبه وأجيب الأمشاط ده

بس خلي بالك وانتا بتستعمل السائل ميجيش علي اي حاجة كاوتش وبخاصة الجوانات

اقتباس:

---

المشاركة الأصلية كتبت بواسطة tarek_2005

بس خلي بالك وانتا بتستعمل السائل ميجيش علي اي حاجة كاوتش وبخاصة الجوانات

---

ماشي يا كبير
انا هاطلع السربنتينة والتلاجة وهاظبطهم ظبطة حلوة وهاصور وأعمل تقرير ان شاء الله
بتاع التكييف بتاعي قالي أحتمال يكون بلف الكنترول فيه مشكلة ... هو بيفتي كتير

الحكم الصح قبل الفك قيس الضغط العالي بتاع الفريون من بلف الضغط العالي لو البلف بيبرجل هيبان في الضغط العالي

اقتباس:

---

المشاركة الأصلية كتبت بواسطة tarek_2005

الحكم الصح قبل الفك قيس الضغط العالي بتاع الفريون من بلف الضغط العالي لو البلف بيبرجل هيبان في الضغط العالي

---

هو قاس وكان زيادة بس مفيش برجلة خالص
نقصه للصح وخلص علي كدة

لو كان زيادة كان لازم يكشف علي الاكسبنشن فالف الموجود قبل الثلاجة (( السربنتينة الداخلية ))

اقتباس:

---

المشاركة الأصلية كتبت بواسطة tarek_2005

لو كان زيادة كان لازم يكشف علي الاكسبنشن فالف الموجود قبل الثلاجة (( السربنتينة الداخلية ))

---

ليه قلقتني !
انا دورة التكييف ده عاملالي حموضة ومش لاقي وقت أعمل سيرش وأفهماه :(

لا قلق ولا حاجة ابداء بغسل السربنتينة الخارجية جيداً وجرب الاول

اقتباس:

---

المشاركة الأصلية كتبت بواسطة tarek_2005

لا قلق ولا حاجة ابداء بغسل السربنتينة الخارجية جيداً وجرب الاول

---

تمام :)

معلش أخد رأيكوا ضروري جدا !
بالنسبة للمساعدين والجلب
عشان فعلا العربية حاسسها بتتكسر كدة
الطرق حوالين البيت كانت كويسة ومن شهرين كل الأرض أتكسرت وطلبت معاهم يسفلتوها
رموا دبش وده بقاله بتاع شهر ونص
هو ده اللي جاب أجل العربية خالص
مش عارف هيرصفوا الطريق أمتي
مسافة الدبش 4 كم
في كذا مخرج بس كلهم برضه نفس الحوار وأقصرهم هو ال 4 كم ده
أجيب المساعدين والجلب دلوقتي ولا أستني ولا أيه ؟
انا خايف أجيب يبوظوا تاني ... تبقي حاجة زبالة قوي بقي !
انا لسة عارف ان كل جيراننا عربياتها مركونة عشان خربت !
واحد معاه سبيرانزا جابت مساعدين وجلب ومقصات وكاوتشات
فيرنا مساعدين !
لانشيا ديدرا مقصات وجنط معووج
نوبيرا جلب مقصات ومساعدين
شيفروليه دبابة غير مساعدين مرتين
لو قلت عن عربية واحد واحد مش هاخلص ... بس كتير عربياتهم باظت
أعمل أيه بس :(

متغيرش حاجة الا لما الطريق يتصلح

MMamdouh

اقتباس:

---

المشاركة الأصلية كتبت بواسطة mmamdouh

متغيرش حاجة الا لما الطريق يتصلح

mmamdouh

---

مش هايتصلح ... بقاله كتير كدة :(
انا برد عليك وبجاوب نفسي
والله حاجة تلخبط وتضايق وتقرف :(
يعني مش هاعرف أمشي بالعرية ولا أسافر عشان مش عايزين يرصفوا الطريق !!!!!!

انا فضلت حوالى سنة ماشى بمساعدين العربية الاصلى و هما خفاف لان المنطقة عندنا حفروها عشان تركيب الغاز الطبيعى و فضلت مستنى لحد ما رصفوا الشوارع رحت غيرت و جبت المونرو

MMamdouh

اقتباس:

---

المشاركة الأصلية كتبت بواسطة MMamdouh

انا فضلت حوالى سنة ماشى بمساعدين العربية الاصلى و هما خفاف لان المنطقة عندنا حفروها عشان تركيب الغاز الطبيعى و فضلت مستنى لحد ما رصفوا الشوارع رحت غيرت و جبت المونرو

MMamdouh

---

سنة بحالها !
يا صبرك :waaaht:
انا هاعمل الفرامل وبس مؤقتا
ديسكات وماستر

https://fbcdn-sphotos-a.akamaihd.net...47171033_n.jpg

وكن حريص جداً في السير مسافة ال 4 كم دول علشان متشرخش الكارترات بتاعة العربية

انا رايح أجيب جنبين الفرامل الديسكات بكرة من الحرفيين
هل من نصائح ؟

مبروك

MMamdouh

اقتباس:

---

المشاركة الأصلية كتبت بواسطة mmamdouh

مبروك

mmamdouh

---

الله يبارك فيك يا ممدوح :))))
عايز أقولكوا حاجة كمان
انا لقيت عربيات الأسفلت وصلت وسفلتوا حتة ... أي نعم هي بعيدة شوية بس في أمل
ومغرقين الأرض زفت :)