تقيييم الكاوتش

**أبو_حمزة** · 19-06-2007 08:25 PM

طب شوفو كده يا جماعه ال-لينك ده
http://www.tirerack.com/tires/survey...ireSearch=true
من اللستة بريدجستون بعد كومهو
ايه رأيكو
اللى جرب كومهو يقول لنا

**ihab** · 20-06-2007 05:31 PM

معلش يا جماعة انا اسف
انا امبارح لما نزلت بصيت على الكاتوش لقيته بريدجشتون تكنو اندونيسى
التورانزا هو اللى يابانى

**شريف** · 24-06-2007 09:41 AM

الماركة: GT (أندونيسى)
الموديل: Classiro
المقاس: 175/70 R13
السياره: لانسر 99
الكيلومترات (حتى الآن): 30000
المسك فى الأرض: تحت المتوسط. وتظهر أوى مع الفرملة تحتاج مسافة أطول عشان توقف العربية و ممكن تتزحلق
مستوى الضوضاء: أعلى صوت كوتش ممكن تسمعه.
الراحة: بالظبط زى النسر. أى حصواية تدوس عليها تحس بيها وتسمع صوت الكاتوش بوضوح
الأرض المبتله: هدىىىىىىى. و ربنا يستر من الزحاليق
ملحوظة:
لو مرة ناحية من العربية على أرض مبلولة و التانية على الناشف خد بالك و ركز أوى أوى. الفرامل تدوس عليها بهداوه. مع الكاوتش ده لو دوست على الفرامل جامد حبه العربية ممكن أوى تلاقى الناحية المبلولة عملت زحليقة و العربية تلف حوالين نفسها.

المميزات:
التحمل و طول العمر. بعد 30000كم الكاوتش ما زال بحالة الجديد وممكن يكمل كمان 30 زيهم. و طول الفترة دى مفيش ولا فردة نامت و الحمد لله.
العيوب:
مستوى ضوضاء عالى جدا. غير آمن على الأرض المبتلة

يعنى الجى تى مش قد كدة
طب اية الاحسن منة فى حدود السعر بتاعى؟

**أبو_حمزة** · 24-06-2007 02:44 PM

واحد بتاع كوتش شكر ليا جدا فى الHANKOOK
كورى
و سعر الفردة حوالى 200جنية
لو حد جربوا يا ريت يقول لنا
و كمان يا ريت حد من أهل الخبرة يجاوب على السؤال ده
لما أروح أجيب كوتش المفرض تاريخ انتاجه ما يقدمش عن.....؟
حد يقول لنا الفترة المقبولة لتخزين الحوتش قد ايه

**Migo123** · 25-06-2007 12:16 PM

ال HANKOOK كان راكب في عربيتي الكيا لما جبتها زيرو وكان تحفه ...
لما جيت اغير جبته برضه بس المره دي بقه طلع زباله .... سيئ جدا وبعاني منه بشده .... الكوتش ناشف و يخليك تحس بكل زلطه على الارض .... ده بخلاف انه الكثافات مختلفه في الاربع فرد وده بيخلي العربيه تحدف بالرغم ان الزوايا مظبوطه على الشعره بشهاده اكتر من 4 فنين زوايا ....
واضح ان النوعيه اللي بتيجي مصر مختلفه تماما عن اللي موجوده بره ...
انا دلوقتي عايز اغير الكاوتش برضه وياريت اعرف انضف الانواع اللي في السوق دلوقتي ... انا بفكر في الميشلان او الدانلوب حد عنده فكره ؟؟!!!!!

**Driver** · 25-06-2007 12:22 PM

Dunlop جامد موووووووووووت.....و قدرة رهيبة على الاحتمال...غالي سنة 13" العريض175 بيعمل 220 للفردة...بس حطه و انسى.... 8)

**h_hezzah** · 25-06-2007 12:46 PM

لما أروح أجيب كوتش المفرض تاريخ انتاجه ما يقدمش عن.....؟
حد يقول لنا الفترة المقبولة لتخزين الحوتش قد ايه

فى اوروبا والدول المتقدمة :lol: بيقولوا انه لا ينصح باستخدام كاوتش تاريخ انتاجه اكتر من 4 سنين!
لأن خواص الكاوتش بتتغير ويبدأ يضعف.
ده الكلام الرسمى. بس طبعا ممكن تستخدمه زياده شوية على حسب المسافة اللى مشيها ونوع الطرق طبعا طرقنا لا يعلى عليها فى قصف عمر الكاوتش وخاصة مع تزايد ظاهرة عيون القط)
فطبيعى كل ماتجيب كاوتش انتاجه احدث هايكون افضل.

**mina_ramsis** · 25-06-2007 01:00 PM

بيتهيألى ان hankook هو اللى بينزل مع الدايو لو هو يبقى اكثر من ممتاز حتى انا جبت بعده برجيستون تيلاندى و كان اوحش منه و انشف منه كتير

**fady** · 25-06-2007 01:26 PM

فيه ماركه اسمها NANKANG اعتقد تايواني ، كنت مركب منها في عربيتي السابقه و كان ممتاز و سعره مكانش غالي.

**أبو_حمزة** · 25-06-2007 02:13 PM

أنا نفسى الاقى كوتش يكون من غير صوت
أو على الأقل صوت بسيط
أنا اتعقدت من صوت الGT
هوا الDunlop ناعم؟؟
و الناس اللى جربوا الHankook ممكن يقولوا لنا اهى موديل
انا اعرف ان R13 فى 2 موديل 702 و 406
حد يعرف انهو فيهم كويس و انهو وحش؟

الموضوع: تقيييم الكاوتش

LinkBack

أدوات الموضوع

عرض

-

-

-

-

-

-

-

المواضيع المتشابهه

الفرق بين الكاوتش التيوبلس و الكاوتش الداخلى و ايهم افضل

الكاوتش انفجر مباشره بعد لحام الكاوتش .. الاسباب ؟؟

ايه الفرق بين الكاوتش الناشف و الكاوتش الطرى و انهى احسن للعربية؟

ايه الفرق بين الكاوتش الناشف و الكاوتش الطرى و انهى احسن للعربية؟

تقيييم للاسبيرانزا516

الكلمات الدلالية لهذا الموضوع

المفضلات

المفضلات

ضوابط المشاركة