أنا بصراحة اشتريت العربية بتاعتى الياريس 2007 فول أوبشنز مانيول من القاضى السنة اللى فاتت واللة ياجماعة واحد صاحبى قاللى انة هيجبلى العربية من القاضى أرخص 500 جنية عن أى معرض وفعلا دفعت الفلوس كلها لصاحبى وبعدين استلمت العربية زى ما وعد.
دلوقتى قريت فى الجرنان انة فتح فى العاشر ايضا صيانة معتمدة من تويوتا و هيونداى ومكانة أمام شركة أيبيكو للأ دوية وبما انى من الشرقية فكنت بعمل الصيانة فى العبور الغير مريحين بالمرة لانى فى صيانة 5000 كم لقيت العربية محكوكة من عند العتب وقعد المهندس يقنعنى انها حكة قديمة!!!!
انا دلوقتى قربت من 11000 كم و بفكر أروح أعمل الصيانة عند القاضى بس الاول هروح اشوف مكان الصيانة والخدمة وأبقى أقول لكم
لو فية حد راحة قبل كدة ياريت يقول لنا أنا عارف أنهم ليهم معرض فى اسماعيلية كمان.

م. عابر