سلام عليكم يا شباب
انا معايا هيونداى جيتز و المقاس اللى عندى 14/175/65 .. و عايز ازود ثبات العربيه لأن ثباتها بطيخ خالص .. ايه اكتر مقاس هيكون مناسب بس ميأثرش اى اثر غلط على العربيه
عرض للطباعة
سلام عليكم يا شباب
انا معايا هيونداى جيتز و المقاس اللى عندى 14/175/65 .. و عايز ازود ثبات العربيه لأن ثباتها بطيخ خالص .. ايه اكتر مقاس هيكون مناسب بس ميأثرش اى اثر غلط على العربيه
عندك كذا مقاس مش هيعملوا اى حاجة فى العربية :
----------------------------------
1- ال 14 ممكن تجيب 185/65
2- لو هتغير الجنط ممكن تجيب ال 195/50 على جنط 15 و جه الى اغلب الجيتزات فى العالم مركباه ... او 185/55 ..
لو عايز بقه حاجة جباره يبقى جنط 16 بكاوتش 205/45 بس العربية هتبقى لازم توطيها علشان هتعلى
طب يا استاذ مهاب ال 16 هيضر العربيه و عرض 205 ؟ ولا عادى مش هيأثر على حاجه فى العفشه و كده؟
انا معايا نيو اكسنت ومجنط 16 مقاس 205/45 ومفيش اى مشاكل خالص بس للعلم انا كنت حاطط نتروجين فى الكاوتش وكان فى هبد فى المطبات وكنت شكيت فى الجنط لكن غيرت الكاوتش لهواء عادى فرق كتير وبقت انعم من الاول فخليك فى الهواء العادى احسن من النتروجين لو هتركب جنط 16
متابع
سيبها زى ماهى
سيبها زى ماهى ثبات فى العربيات الصغيرة دى يعنى مينى كوبر
طب ايه:10D5C8w1107:
?????????????????????
بص انا عندي نفس مقاسك في السيريون وحاليا مركب 15 195 55 و كنت مركب الاول 15 195 50 بس 50 رفيع اوي وكان منشف العفشه اوي فخليته 55
واحد صاحبي معاه جـيتز و مركبلها جنط 15 و كاوتش 185 / 55 و بإسم الله ما شاء الله تحفه و عمره ما اشتكي و هوه اصلا بيعشق الجري
علي فكره عندي جنط 15 bbs استيراد كنت جايبه من بورسعيد لو احتجته ابقي عرفني
المقاسات دي مش صح
المقاس المظبوط للعربية 15-55/185
وده هيديك ثبـات أحسن كتير من اللي عندك ومش هيخلف معاك في عداد أو قطر ومش هايحك في عفشه أو رفرف
وعندك ال 16 أحسن طبعا بس هيحسسك بالطريق أكتر في مقابل هيديك ثبات وتحكم أحسن كتير من اللي قبله ومقاسه 16-45/195
بس البروفيل ده صغير قوي ومشهور إنه بيعمل بلالين مع النقر وكده
لو عايز نصيحتي خليك في 15
وقبل متشتري دور على الكاوتش اللي موجود فالسوق وشوف إيه الموديلات الموجودة وبص على الإختبارات بتاعتها وهات حاجة كويسة handling we-stability و road feedback و dry grip
وربنا معاك
185/60/14
195/60/14
205/55/14
205/50/15
المقاسات دي غلط
Tyre Size Calculator - Changing Tyres - Etyres
CHECK BY YOURSELF !!!!
من غير مابوص ياباشا
إزاي مقاس 60/185 و 60/195
و 50/205 و 55/205
كل 2 من دول ماينفعوش مع بعض عشان القطر حيختلف لانك بتغير في البروفيل
وأول قاعدة في تغير المقاس إن القطر مايتغيرش 1%
شوف المقاسات اللي أنا حاططها وقارن بينها وشووف الفرق وشوف المقاسات اللي إنت حاططها وأحكم
We recommend a MAXIMUM of +/- 2.5% difference
جبت منين بقي ال 1% !
يا ريت حضرتك تتعب نفسك شويه و تتأكد و تبص قبل ما تغلط حد و تقوله كلامك غلط !
انا بأحسبها بالورقه و القلم و الأله الحاسبه علي الارتفاع الكلي حضرتك و بأشوف المماثل ليه مع تغيير المقاسات !
ماليش انا في الويم خالص !
عشان ما أسوحشي حد و تتردلي بعدين !
و لو مش عارف بأقول ما عنديش علم و أسألوا أهل العلم و الخبره !
ومع ذلك
185/60/14 0.86 %-
195/60/14 1.2 % -
205/55/14 0.34%-
205/50/15 0.51%
يعني لو مشينا القاعده بتاعه حضرتك مفيش غير مقاس واحد اللي غلط ( هو مش غلط طبقا للنت و للناس اللي بتجنط بس علي راحتك )
متهدي كده شوية وخليك حلو
إيه تسوح ومتسوحش وإيه بتحسبها بالورقة والقلم دي ده مش دليل ذكاء خالص إنك بتعيد حاجة معمولة
المهم أحب أقول لحضرة العبقري إن المقاسات دي كلها تنفع مش 2 اللي إنت حاطتهم بس
55/195 - 65/165 - 60/185 - 50/225 - 55/205 - 60/195 - 65/185
ده على أساس ال recommendation اللي بتقول عليها اللي هتخلف عداد مع الراجل ولما يتلقط رادار ساعتها هيبقى هو اللي اتسوح
ولو قاريت كلامي
أنا قلت على أحسن نسبة فرق بنفس القطر من غير تغير
واللهِ عاجبه كلامي ياخد بيه معجبوش هو حر
إنما إنك تتحرق قوي كده وتخش تتكلم باسلوب زي ده
فـدي حاجة ملهاش تفسير بصراحة
النسبة المسموح بها فعلا 2.5%
والقاعدة بتقول لو سكت من لا يعلم لسقط الخلاف
إنَّ مقلتش إنك بتفتي وبتعك ومغلطش فيك ومابتدتش خناق معاكاقتباس:
طب يعني انا بأفتي و بأعك !؟
ولا بأتكلم في الهوا
و فرضا انني غلط ( و انا مش غلط) فيه أسلوب أحسن من كده في التصحيح لو فيه غلط
جل من لا يسهو حضرتك ...
أنا من الأول بأتكلم على حاجة إنت عارف إنها صح
وبأقول على أقَل فرق هو الأصح وده اللي كان فالمقاس اللي أنا قلته
رحت إنت داخل شمال معرفش ليه
أنا قلت مش هابص عشان أنا عارف إن الفرق هيبقى اكبر
بس كده
ماهو فيه قاعدة تانية بتقول متكسفش نفسك أحسناقتباس:
النسبة المسموح بها فعلا 2.5%
والقاعدة بتقول لو سكت من لا يعلم لسقط الخلاف
عشان 2.5 بتختلف من source للتاني أنا شفت سيتس بتقول لحد 3% ومش معنى كده إن ده صح
الكلام على أقَل نسبة فرق مش على اللي يمشي وخلاص