ما هو افضل نوع تكيف يمكن تركيبة للاوبل كورسا 95
ما هو افضل مكان للشراء من الاسكندرية والتركيب ايضا ؟ والسعر للشراء والتركيب ان امكن بعض الزملاء خارج المنتدي يقولون ركب يباني الاخرون ركب تكيف النوبيرا او الفيرنا
شكرا
ما هو افضل نوع تكيف يمكن تركيبة للاوبل كورسا 95
ما هو افضل مكان للشراء من الاسكندرية والتركيب ايضا ؟ والسعر للشراء والتركيب ان امكن بعض الزملاء خارج المنتدي يقولون ركب يباني الاخرون ركب تكيف النوبيرا او الفيرنا
شكرا
اعتقد ان عربيه حضرتك كورسا 1200 سي سي اللي هي مش مكيفه ,لو ده صح يبقي
حضرتك هتشتري حاجه التكييف (شجره سفليه -علويه-سربنتينه-كويلر-مواسير-ردياتير بالمروحه...) استيراد لانها بتنزل مع اكورسا ال1000 سي سي ويبقي فاضل كباس التكييف قدامك حل من 2
-اما تشتريه بالمره مع الحاجه اللي جبتها اللي هو بتاع الاوبل وهو علي فكره بيبقي صناعه امريكي
-او تشتري كباس جديد زيرو وتعدل في القواعد بتاعته عند خراط ويركب عادي واحسن نوع اسمه(ساندن) ياباني
-بس خلي بالك الموضوع ده مكلف ماديا
شكرا hellboy بس لو سمحت تعرف مكان شراء وتركيب في الاسكندرية يكون محترم ويدي ضمان , العربية هي 1200 cc
بص يا باشا انا كان عندى كورسا 98 ايكو تك كاملة بالتكييف وكان التكييف كويس فعلا بس بالنسبة لل1200 سى سى هدى حضرتك معلومتين وانتى تكمل .
اولا مقار الاسكندرية كانت بتنزلهم عربيات موديل 97 ال1200 وهما كانو بيركبولها التكييف ودى معلومة من فنى التكييف اللى عندهم. فمممكن لو حضرتك عايز تعمل نضيفة وبالضمان عليك وعلى مقار تسالهم(مكانهم خلف مركز شباب الشلالات)
ثانيا لو عربية حضرتك ماتورها تعبان او عايز حاجة اشد يبقى تسقط الماتور ال1400 سى سى كامل بالتكييف وفى ناس شفت عربيتهم عامله كدة والشغل 100|100.
انا حبيت اديك المعلومات اللى عندى وحضرتك بقى تكمل ويا ريت تفيدنا باى معلومات جديدة عن كدة حتى تعم الفائدة.
شكرا alnmr79 انا اللي محيرني ان لي بعض الزملة عندهم نفس العربية البعض يقول ده بتنزل بالتكيف وااخرين يقولو مبتنزلش بتكيف المهم حضرتك اكدت نفس الاقوال بالمواقع الاجنبية انها اصلا بدون تكيف اللي محيرني هل تاثير التكيف علي المحرك كبير هيقصر عمر الموتور لانها غير مصممه لتحمل ذلك الحمل الميكانيكي الموتور الحمد لله تمام وانا خايف اضعفه بالحمل الذائد الغير مصمم علي العموم ان شاء الله هروح مقار قريبا وهكتب اللي حصل لتعم الفائده
انا العربييه ديه معايا و راكبلها تكييف بس تعبان الصراحه
و التكييف تعبان اكتر مع الصيف فعايز اشوف محتاج ايه
انا بحس الكومبريسور تقيل على العربيه ...
كمان مش حاسس ان فيه اى عزل حرارى على اى خرطوم
اسالتى:
1- اعرف ازاى نوع الكباس اللى راكب؟
2- اجيب منين خراطيم معزوله؟
شباب الكورسا اللى مركبين تكييف .... محتاجين المشوره