كسروا ازاز عربيتي و سرقوا كل حاجة تحذير خطير لكل الأعضاء

أنا من سكان المنيل و بركن في حتة هادية شوية على كورنيش فاتن حمامة

امبارح الساعة 5 صباحا الباب خبط لقينا البواب اللي بيمسح العريية قالي ألحق الأزاز مكسور

نزلت بسرعة في حالة يرثى لها ألاقي الازاز بتاع الباب الخلفي يمين كله مكسور بزلطة كبيرة و الازاز مالي العربية

أهم المسروقات:

1- طبنجة 9 ميللي صوت ب 1200 جنيه
2- نضارة ريبان أصلي ب 800 جنيه
3- شاشة lcd ب 700 جنيه

الكاسيت حاولو يسرقوه معرفوش كسرو الاطار بتاعه حتى الفلاشة خدوها

وأنا بشيك على العربية لقيت بوكس دورية معدي قولتلهم عربيتي اتسرقت قالولي مسكنا واحد معانا و التاني نط بالحاجة في النيل

وفعلا لأن شنطة العربية كانت هتتسرق بس ملحقوش يفتحوها و الحمد لله كنت حاطط كلبش على الدركسيون و الا كانوا طلعوا بيها

......................................

استناني فرد أمن معاهم علشان نروح قسم مصر القديمة في الفسطاط طلعت غيرت و رحت على القسم علشان أعمل محضر

الواد خد علقة تمام معهوش بطاقة و معاه حشيش وبرشام بس معترفش على اللي معاه

المحضر اتعمل و خدت رقمه و الواد اتحجز

روحت للحاجة عملت الازاز بأرخص سعر بعد لف كتير ب 250 جنيه بعد ما التوكيل قالي 1400 !!!

أنا منمتش من ساعتها أنا عارف اني غلطان اني سايب حاجات ذات قيمة في العربية بس هي بقالها أكتر من سنة فيها

المهم احنا في بلد وسخة بلد ميتعش فيها و الفترة الجاية دي صعبة جدا ,أنا خلاص اتقفلت من البلد ديه

تحذير لكل الأعضاء أرجوكم محدش يسيب حاجة خالص ذات قيمة في العربية

أنا منمتش من ساعة الموضوع دة و سؤالي هل المسروقات ممكن ترجع ؟

و في حوار جانبي كدة عايز أقولكوا عليه أن الأمناء و الظباط قالولي الأمن مش هيرجع الا لما شفيق يمسك و لو الاخوان مسكوا هنسيبهالهم بزرميط عرفتوا ليه شفيق قال أنه هيرجع الأمن في 24 ساعة !!!

ونفس الحكاية تنطبق على أزمة البنزين المفتعلة علشان شفيق برده

للأسف البلد ديه عايزة ألف عادلي مش عادلي واحد , أنا عرفت ليه كانوا بيضربوا تعظيم سلام للعادلي
وهو في السجن

لقد قمت بمخالفه القاعده 12 من قواعد المنتدى
لذا استحققت انذار و اسبوع وقف
الساعه 11:15 م
التاريخ 31 / 5 / 2012
1ب

قدر الله و ما شاء فعل. ربنا يعوض على حضرتك بس دى سرقه عملها ناس متعاطيه مخدرات يا فندم ملهمش دعوة بالانتخابات و لا فارقه معاهم اى حاجه و لا اعتقد ان فى حد أعطاهم فلوس علشان يسرقوا يا فندم . هو بس زى ما حضرتك قلت ما ينفعش حد يسيب اى حاجه قيمه و لا حتى شكلها قيم علشان دى بتغرى الحراميه لكى يقوموا بالسرقه و خاصه و انهم عارفين ان مفيش حد هيطاردهم و أيا كان اللى هينجح الشرطه هتنفذ كلامه و مفيش حاجه اسمها ما يسمعوش كلام رئيس الجمهوريه لان الوضع هيبقى مختلف ساعتها و أمامه مليون حل

مكنش في حاجة بينة في العربية العربية كلها ستاير ورا و أربع أبواب و بحط شماسة قدام كمان عند الركن , العربية كحل تماما

هما كسروا الازاز و خلاص يمكن يطلعوا بأي حاجة

و حضرتك أنا مش بقولك أنهم مدفوعين أو عيال مأجورة أنا قصدي في استرخاء للشرطة بأوامر عليا علشان الشعب يختار شفيق لعودة الأمن زي ما هيختاره لعودة البنزين

و حضرتك غلطان طبعا جهاز الشرطة مش هياخد أوامره من الاخوان مستحيييييييل اللي كانوا بيقبضوا عليهم يبقوا أسيادهم فهمت حضرتك؟ِ

ربنا يعوضك خير
معلش الحمد الله علي كل شئ ..

قدر الله ماشاء فعل ويعوضك خير ان شاء الله

[ALIGN=CENTER][TABLE....="width:70%;"][CELL="filter:;"][ALIGN=center]ربنا يعوض عليك إن شاء الله
بس بالله عليك بلاش موضوع شفيق ده
كفاية السواد اللي بلدنا بقت فيه من 52 لغاية دلوقتي هنعيده من الأول؟!
أما بالنسبة لموضوع الأمن آسف يعني هو كان فيه أمن قبل الثورة! لا و الله ما كان فيه أمن كان كل شغل وزارة الداخلية تأمين النظام فقط و لما اتحطوا تحت ظعط حقيقي كلنا شفنا اللي حصل و ازاي الوزارة انهارت في 3أيام.
أدي صوتك لمرسي و قول لكل اللي تعرفهم يدوا صوتهم لمرسي مش علشان الأخوان حلوين لأ علشان شفيق هيرجع نظام مستوحش يريد الانتقام من كل من عاداه أما الأخوان فمهما كان لا يوجد ورائهم جيش و داخلية و أمن دولة و حزب وطني يدعمهم بل يوجد معارضة قوية لهم تقومهم و تأخذ على أيديهم..
على فكرة أنا جارك من ميدان الباشا.
[/ALIGN][/CELL][/TABLE....][/ALIGN]

ليه الوقف اللي مكتوب ده مش فاهم أبقا مسروق ودمي محروق و عايزين توقفوني كمان ده أنا مكتبتش الموضوع امبارح و فضلت انهردة عشان أسيطر على ألفاظي

أرجو من الادارة رفع الوقف لو هيتعمل راعوا شعور الناس و هي في حالة صعبة

اقتباس:

---

المشاركة الأصلية كتبت بواسطة hondawy_2008

أنا من سكان المنيل و بركن في حتة هادية شوية على كورنيش فاتن حمامة

امبارح الساعة 5 صباحا الباب خبط لقينا البواب اللي بيمسح العريية قالي ألحق الأزاز مكسور

نزلت بسرعة في حالة يرثى لها ألاقي الازاز بتاع الباب الخلفي يمين كله مكسور بزلطة كبيرة و الازاز مالي العربية

أهم المسروقات:

1- طبنجة 9 ميللي صوت ب 1200 جنيه
2- نضارة ريبان أصلي ب 800 جنيه
3- شاشة lcd ب 700 جنيه

الكاسيت حاولو يسرقوه معرفوش كسرو الاطار بتاعه حتى الفلاشة خدوها

وأنا بشيك على العربية لقيت بوكس دورية معدي قولتلهم عربيتي اتسرقت قالولي مسكنا واحد معانا و التاني نط بالحاجة في النيل

وفعلا لأن شنطة العربية كانت هتتسرق بس ملحقوش يفتحوها و الحمد لله كنت حاطط كلبش على الدركسيون و الا كانوا طلعوا بيها

...............................................

استناني فرد أمن معاهم علشان نروح قسم مصر القديمة في الفسطاط طلعت غيرت و رحت على القسم علشان أعمل محضر

الواد خد علقة تمام معهوش بطاقة و معاه حشيش وبرشام بس معترفش على اللي معاه

المحضر اتعمل و خدت رقمه و الواد اتحجز

روحت للحاجة عملت الازاز بأرخص سعر بعد لف كتير ب 250 جنيه بعد ما التوكيل قالي 1400 !!!

أنا منمتش من ساعتها أنا عارف اني غلطان اني سايب حاجات ذات قيمة في العربية بس هي بقالها أكتر من سنة فيها

المهم احنا في بلد وسخة بلد ميتعش فيها و الفترة الجاية دي صعبة جدا ,أنا خلاص اتقفلت من البلد ديه

تحذير لكل الأعضاء أرجوكم محدش يسيب حاجة خالص ذات قيمة في العربية

أنا منمتش من ساعة الموضوع دة و سؤالي هل المسروقات ممكن ترجع ؟

و في حوار جانبي كدة عايز أقولكوا عليه أن الأمناء و الظباط قالولي الأمن مش هيرجع الا لما شفيق يمسك و لو الاخوان مسكوا هنسيبهالهم بزرميط عرفتوا ليه شفيق قال أنه هيرجع الأمن في 24 ساعة !!!

ونفس الحكاية تنطبق على أزمة البنزين المفتعلة علشان شفيق برده

للأسف البلد ديه عايزة ألف عادلي مش عادلي واحد , أنا عرفت ليه كانوا بيضربوا تعظيم سلام للعادلي
وهو في السجن

لقد قمت بمخالفه القاعده 9 أ من قواعد المنتدى
لذا استحققت انذار و اسبوع وقف
الساعه 11:15 م
التاريخ 31 / 5 / 2012
م 1

---

ربنا يعوض يلخير

اهو حضرتك نبهت لكن حتصل برضه كل يوم كاس داير .........

الحل النهائى لتحطيم الزجاج
ورشة تحول الزجاج العادى لزجاج ضد الكسر

هو كل ما موضوع يتكتب نلاقي في اخره كلام عن شفيق !!! واحد مش لاقي بنزين يقول ده بسبب شفيق وانت تقول شفيق نفسي اعرف ايه الفكرة

شفيق ياراجل

اولا حضرتك مش غلطان لان الحاجات اللي ذكرتها حاجات عادية جدا وموجود فأي عربية
يعني انت معقولة هتخلع الكاسيت كل يوم وانت طالع بيتكم
ولا هتخلع الشاشة وتخبي النضارة لا طبعا
هما حضرتك بيبقوا قطرينك وبيشوفك ساكن بأي بيت وان المكان هادي فيعتزموا السرقة
ايا كان محتوى العربية لو لقوا علبة سجاير هيبقوا هما الكسبانين
لان ازاز العربية ده مش في حساب الحرامي خالص

ويااخوانا اللي مستغربين من ذكر كلمة شفيق انا اقولكم التفسير المنطقي
حاولوا اسالوا اي فرد امن عن رايه بالثورة اذا ما وصفها لك بأقبح الالفاط يبقى هو مش تمام
وبأختصار شفيق يمثل الثورة المضادة بأسمى معانيها
يعني لو شفيق جه معناها مفيش ثورة معناها ان الشرطة ترجع زي ما كانت افترا وقانون طوارئ
وظابط يوقفك ويقولك انا اقدر ابهدلك وبالقانون -حصلت معايا-
عشان كده اللي هيرشح شفيق ده بني ادم معندهوش دم بني ادم جبان لانه مش عايز يتعب
وعايز الامن يرجع بسرعة والبنزين والاقتصاد ومش مشكلة يرجع معاهم الذل والعار والفساد وقلة الكرامة

ربنا يعوض عليك و الحمد لله انه جت علي الحاجات دي
بس العيب مش في الشرطة و لأ في شفيق ولأ في الأخوان ولأ في الجيش
العيب انه مافيش قانون حاسم
لو كان في قانون مثلأ اليسرق يتقطعلوا ايده كان البيبرشموا دول فكروا الف مرة قبل مينزلوا يسرقوا الناس
لكن دلوقتي الدنيا زيطة عشان مفيش قانون

ربنا يصبرك ويعوض عليك
انا زمان كنت مش عارف ليه الشرطه و الجيش مبينتخبوش دلوقتي اتأكدت انهم مفروض فعلا ميدخلوش في السياسه يطبقوا القانون ملهمش دعوه مين نجح ومين سقط
لو نجح اي واحد لازم يشتغلوا وإلي مش عاجبه يقدم استقاله دي وظيفه حكوميه مش حاجه خاصه

اقتباس:

---

و في حوار جانبي كدة عايز أقولكوا عليه أن الأمناء و الظباط قالولي الأمن مش هيرجع الا لما شفيق يمسك و لو الاخوان مسكوا هنسيبهالهم بزرميط عرفتوا ليه شفيق قال أنه هيرجع الأمن في 24 ساعة !!!
ونفس الحكاية تنطبق على أزمة البنزين المفتعلة علشان شفيق برده
للأسف البلد ديه عايزة ألف عادلي مش عادلي واحد , أنا عرفت ليه كانوا بيضربوا تعظيم سلام للعادلي
وهو في السجن

---

هو ايه الفرق بين العادلي و شفيق ؟
ما الاتنين واحد !


ربنا يخلف عليك

ربنا يعوض عليك ...قول الحمدلله علي كل حال ...

الأمن مش هيرجع لابشفيق ولا بالمرسي ولا بإي واحد تاني ...
مصر عيارها فلت ووسعت أوي وحدش هيعرف يلمها خلاص ...
.

مش هننتخب شفيق برده

ربنا يعوض عليك
بس انا عايز اعرف الراجل اخد وقف ليه

كان كاتب الفاظ مش كويسه بس المشرف مسحها
وانا بطلب من المشرف ايضا حذف جمله (احنا فى بلد وسخه) عشان مصر اكبر بكتير من انه يتقال عليها كده

اقتباس:

---

المشاركة الأصلية كتبت بواسطة eemmoo

كان كاتب الفاظ مش كويسه بس المشرف مسحها
وانا بطلب من المشرف ايضا حذف جمله (احنا فى بلد وسخه) عشان مصر اكبر بكتير من انه يتقال عليها كده

---

امممممممم
شكرا ياباشا

السلام عليكم و رحمة الله و بركاته

أولا, الحمد لله على أد كده و لو أكتر من كده برضه الحمد لله.

أنت ضاع منك حاجات بحوالى 2500 جنيه و لا يستاهلوا أنك تفكر فيهم ثانية و الحمد لله, فداك و فدى أسرتك و فدى العربية, الأهم بس, أنك تركن العربية فى مكان أمان و ماتسيبش فيها أى حاجة تلفت النظر.

أما بالنسبة للأمن, فهو طبعا فى انفلات من ساعة الثورة, لأن بتوع الشرطة دول زى ماعودونا من زمان هما مثال حى متحرك للجبن و الخوف و البلطجة و التخاذل و العمالة للنظام القديم, حاجة مش غريبة عليهم.

أما أن أزمة الانفلات الأمنى و الأزمات التانية دى كووووووووووووولها للضغط على الشعب المصرى عشان يركع و يقبل بالجردل اللى اسمه شفيق, فالكلام ده, أى عيل صغير ماشى فى الشارع عارفه و فاهمه كويس و مش محتاج اعادة.

بس ان شاء الله, الأيام الجاية هتكون الفصل الأخير فى الفيلم الهابط بتاع النظام القديم و ان شاء الله هيكونوا هما و كوووووووووووول أعوانهم و ديولهم و التابعين ليهم, أضحوكة العالم كله :36_2_33:.

شفيق اصبح شماعة الاخطأ
زي شخص النور قطع بيقولي حبكت دلؤقتي ولي عشان يضغطو علي الناس تنتخب شفيق قولتله يا عم النور بيقطع كل سنه في المعاد دا اصل دي ايام امتحانتي ايام لما كنت طالب
وبعدين جهاز الشرطه مسك واحد فيهم والتاني نط في النيل هجيبوه منين واتمسكو بعد حدوث الواقعه بفتره قصيره يبق الناس بتلف اهيه وشايفه شغلها ولي هينزلو عسكري لكل سياره مركونه
انا لبحب شفيق ولي مرسي ولي حتي اي حد من المرشحين بس عدم التحيز مش يخدنا
تقبل مروري ويا ريت الاداره تراعي حالة الاخ الكريم صاحب الموضوع وترفع عنه الوقف

عشان خاطر شوية حاجات ضاعت منك كده خلاص بعت البلد لشفيق والعدلي يستاهل كل خير

ربنا يعوض عليك بى احسن منهم وحسبى الله ونعم الوكيل والحمد الله ان العربية عندك انا رائى اركنها فى مكان زحمة ودوشة حتة لو بعيدة عن البيت بى شوية وربنا يسترها

ربنا يعوض عليك، قدر الله وما شاء فعل

انا ساكن جنب حضرتك فى المنيل قريب من فاتن حمامة و عربيتى سيفيك 92 و فى يوم سبت الصبح سمعت صوتكسير زجاج و بعدها البواب قالى الحق الزجاج اليمين اتكسر ولقيت زلطة كبير جوة العربية و الزجاح ملى العربية من جوة و لو يكن داخل العربية غبر الشماسة بعد كدة انا باركن العربية فى جراج غالى و مش كويس و لكن برضة احسن من الشارع ربنا يعوض على سعادتك و يحافظ على حضرتك ثق حضرتك ان الله لن يترك مصر و سوف ترجع مصر ان شاء الله للامن و الامان
ان شاء الله

ربنا يعوض عليك اللي اتاخد منك
و ربنا يصلح حال البلد يا رب
و العيب مش في البلد حضرتك العيب في اللي ماسكينها !
حاول تشوف أي جراج تركنها أو أي حته أرض مهدوده قالبينها جراج

موضوع شفيق ده تعليقي اللي ممكن أتوقف عليه ( حبه معر....* بيزنوقوا الشعب و البلد عشان يقول حقي برقبتي و يتندموا علي ايام المخلوع و ينتخبوا المضروب بالجزمه و ان شاء الله أيامهم قربت !)
( انا مش هأنتخب مرسي لسه بس أكيد 100% مش شفيق ! )

اقتباس:

---

المشاركة الأصلية كتبت بواسطة kameluo

ربنا يعوض عليك و الحمد لله انه جت علي الحاجات دي
بس العيب مش في الشرطة و لأ في شفيق ولأ في الأخوان ولأ في الجيش
العيب انه مافيش قانون حاسم
لو كان في قانون مثلأ اليسرق يتقطعلوا ايده كان البيبرشموا دول فكروا الف مرة قبل مينزلوا يسرقوا الناس
لكن دلوقتي الدنيا زيطة عشان مفيش قانون

---

صدقت

اقتباس:

---

المشاركة الأصلية كتبت بواسطة avio

الحل النهائى لتحطيم الزجاج
ورشة تحول الزجاج العادى لزجاج ضد الكسر

---

الزجاج بيتكسر أيضاً
ولكن فائدة الفيلم بيعمل مقاومة للكسر ولكن بعد عدة خبطات الزجاج بينهار
طبعا مفيد فى حالات كثيرة بيضيع وقت الحرامى بعد عدة تكرار الخبطات الإنذار هيشتغل أو المارة انتبهوا
إنما لو فى مكان هادى الحرامى مش هيهمه هيعيش حياته ويكسر براحته

اقتباس:

---

المشاركة الأصلية كتبت بواسطة semi

اولا حضرتك مش غلطان لان الحاجات اللي ذكرتها حاجات عادية جدا وموجود فأي عربية
يعني انت معقولة هتخلع الكاسيت كل يوم وانت طالع بيتكم
ولا هتخلع الشاشة وتخبي النضارة لا طبعا
هما حضرتك بيبقوا قطرينك وبيشوفك ساكن بأي بيت وان المكان هادي فيعتزموا السرقة
ايا كان محتوى العربية لو لقوا علبة سجاير هيبقوا هما الكسبانين
لان ازاز العربية ده مش في حساب الحرامي خالص

ويااخوانا اللي مستغربين من ذكر كلمة شفيق انا اقولكم التفسير المنطقي
حاولوا اسالوا اي فرد امن عن رايه بالثورة اذا ما وصفها لك بأقبح الالفاط يبقى هو مش تمام
وبأختصار شفيق يمثل الثورة المضادة بأسمى معانيها
يعني لو شفيق جه معناها مفيش ثورة معناها ان الشرطة ترجع زي ما كانت افترا وقانون طوارئ
وظابط يوقفك ويقولك انا اقدر ابهدلك وبالقانون -حصلت معايا-
عشان كده اللي هيرشح شفيق ده بني ادم معندهوش دم بني ادم جبان لانه مش عايز يتعب
وعايز الامن يرجع بسرعة والبنزين والاقتصاد ومش مشكلة يرجع معاهم الذل والعار والفساد وقلة الكرامة

---

لأ طبعا حاجات مش عادية
تخيل كاسيت وساوند سيستم بكام ألف
وشاشة بالشيئ الفلانى
واللى حاطط مرايا بلوتوث وكاميرا
وهكذا
كلها مغريات للحرامى المحترف والحرامى اللى بيعدى بالصدفة ولمحها
بينه وبينها مجرد زجاج بسيط هيتكسر فى جزء من الثانية
المفروض فى الوقت اللى احنا عايشينه نكون أكثر حرصاً من كده
وبعد مواضيع السرقات اللى انتشرت نكون استوعبنا الدرس
وناخد حذرنا أكثر من كده
أنا شارى كاسيت صينى رخيص بـ 180 جنيه علشان لواتسرق مزعلش عليه
الكاسيت شنطة بيطلع فى ايدى بالكامل مش مجرد وش بس
بسحبه معايا لما اكون فى مكان قلقان منه
طبعا الشاشات والموبايلات والحاجات ديه المفروض تتشال فى ايدك
ومتكونش ظاهرة
لو معايا كيس فيه ورق أو فاكهة بشيله من العربية

السلام عليكمممم
زي ما قلتلك الحمد لله قدر الله وماشاء الله فعل
ده المركز اللي قلتلك عليه هنعملك فيه الازاز علشان يبقى ضد السرقة
http://www.nilemotors.net/Nile/285163-a.html
وكمان الراجل بتاع النضارات اللي سعرها مخفض قدامنا :)

اقتباس:

---

المشاركة الأصلية كتبت بواسطة elawany13

لأ طبعا حاجات مش عادية

تخيل كاسيت وساوند سيستم بكام ألف
وشاشة بالشيئ الفلانى
واللى حاطط مرايا بلوتوث وكاميرا
وهكذا
كلها مغريات للحرامى المحترف والحرامى اللى بيعدى بالصدفة ولمحها
بينه وبينها مجرد زجاج بسيط هيتكسر فى جزء من الثانية
المفروض فى الوقت اللى احنا عايشينه نكون أكثر حرصاً من كده
وبعد مواضيع السرقات اللى انتشرت نكون استوعبنا الدرس
وناخد حذرنا أكثر من كده
أنا شارى كاسيت صينى رخيص بـ 180 جنيه علشان لواتسرق مزعلش عليه
الكاسيت شنطة بيطلع فى ايدى بالكامل مش مجرد وش بس
بسحبه معايا لما اكون فى مكان قلقان منه
طبعا الشاشات والموبايلات والحاجات ديه المفروض تتشال فى ايدك
ومتكونش ظاهرة
لو معايا كيس فيه ورق أو فاكهة بشيله من العربية

---

عندك حق يا فندم فى اننا مانسيبش حاجة فى العربية بس الموضوع مش مرتبط بالظروف الحالية فقط لا ده من زمان
فقبل الثورة تقريبا فى شهر 12 سنة 2010 اتكسر زجاج عربيتى الخلفى شمال و اتسرق جاكتين كنت معلقهم فى ظهر الكرسى و كنت راجع و معايا أخويا باليل هلكانين و نسيناهم فى العربية
الصبح نازلين لاقينا الزجاج متكسر و الجواكت مسروقين
الاكادة انى راكن فى حتة بتطل عليها حوالى ستة محلات فاتحين 24 ساعة و امام مسجد جامع و لما تسأل الناس كله يقولك ماعرفش
أما الشرطة الجميلة كلمتهم و لا حد سأل و فى الاخر رحت قسم الهرم و عملت محضر فى ثلاث ساعات و طبعا و لا الهوى
الخلاصة ماتسيبش اى حاجة فى العربية ممكن تتسرق أو تلفت نظر الحرامى