سلام عليكم
انا واحد صاحبي قالي معلومة بس مش متأكد منها
ان في العربيات الحديثة كلها .... ال airbag مش بيشتغل غير لما تكون رابط الحزام
هل الكلام ده صحيح ؟؟؟؟ و لو صحيح ايه النظرية في كده ؟
عرض للطباعة
سلام عليكم
انا واحد صاحبي قالي معلومة بس مش متأكد منها
ان في العربيات الحديثة كلها .... ال airbag مش بيشتغل غير لما تكون رابط الحزام
هل الكلام ده صحيح ؟؟؟؟ و لو صحيح ايه النظرية في كده ؟
كلام صحيح
لأن اللي قاعد لو مش لابس الحزام و اتخبط و اتحدف لقدام و الاير باج بتفتح , بدل ما تنقذه , هي اللي هاتبهدله
مفترض انها في كل العربيات بس الواقع ان توكيلاتنا المحترمة ممكن تجيب العربية من غير سينسور الحزام و بتشغل الايرباج عادي بدون ما يتربط بالحزام
الامن اننا نربطه و نعمل اللي علينا
طبعا
لان الايرباج اصلا مرتبطة بحزام الامان , يعنى افرض مثلا ان العربية مركونة وعربية مسرعة خبطتها ومافيش فيها حد هتفتح تنقذ ميييييييييين ؟؟؟؟؟؟ظ
دة الاساسى واللى مفروض يحصل
مش بس كده
الكرسي الجانبي في حساس وزن
لان لو محدش قاعد عليه مش هيطلعلك تنبيه ربط الحزام
انما لو حد قاعد عليه هيطلعلك التنبيه
وبالتالي
لو محدش قاعد يبقى الايرباج بتاع الراكب مفصول اصلا ومش بيفتح
انما لو قاعد هتلاقي رسالة بتطلع ان الحزام مش مربوط والايرباج هيقف...
واصبح المسئول عن تشغيل الايرباج هو الحزام لزياده فعالية الايرباج ولاقصى استفاده منه
الكلام ده شفته بعيني في فورد اكسبلورر
معرفش عن غيرها
تحياتي
معلومة جديدة فعلا
طب سؤال ... انا ليا واحد صاحبي معاه لانسر بومة 2010 سوبر اكشن ... طلع فوق رصيف عالي شويتين ... و مكنش رابط الحزام .... و الايرباج فتح ... ايه ده بقى ؟
بص يا باشا فى عربيات لازم تكون رابط حزام الامان علشان الايرباج يطلع
وفى عربيات مش لازم تكون لابس الحزام علشان الايرباج يطلع
وفى عربيات زى التويوتا كرولا ال2007 دى شوفتها بعينى صاحب العربية مكنش لابس حزام الامان والعربية عملت حادثة كل الايرباجات فتحت ماعدا الاير باج بتاع الطارة الوحيد اللى مطلعش علشان لو كان طلع كان بهدلوا وممكن كان موتوا
ده بيبقى على حسب كونترول الايرباج بتاع العربيه فيه ايرباج حزام ولا لأ
ايرباج حزام ده بتبقى فيشه متوصله بالحزام لو انتا لابس الحزام وحصلت حدثه اعوذ بالله الايرباج يفتح والترس الي في الحزام يلف العكس يعني يشدك
انا مش معاك يا سامح في الكلام ده لان على حسب ماقريت في كذا موقع اجنبي قبل كدة
ان الايرباج عشان يفتح لازم يتحقق شرطين
الاول : ان العربية تكون سرعتها متجاوزة سرعة معينة وده طبعا بيختلف من عربية للتانية
التاني : ان الخبطة توصل لسنسور الايرباج وده بيختلف مكانه على حسب مثلا لو الايرباج الامامي اعتقد السنسور بتاعه بيبقى ورا الفوانيس بحيث لو الخبطة دمرت الفانوس ودخلت على صدر العربية الايرباج يفتح
ولازم الشرطين دول يتحققو مع بعض يعني ماينفعش عربية تبقى واقفة او سرعتها تحت السرعة اللى الايرباج بتفتح عندها وتتخبط خبطة جامدة توصل لسنسور الايرباج والايرباج يفتح !!
وبالنسبة لموضوع حزام الامان مش عارف صراحة اذا كان مرتبط بالايرباج ولا لاء بس ماعتقدش !! لاني شفت حوادث كتير اوي وبيكون الحزام مش مربوط والايرباج مفتوحة عادي !
انا عملت حادثة برضوا مع واحد زميلي من سنة بعربيته بي ام الفئة الخامسة وماكناش رابطين الحزام والايرباج فتح !!
لازم الحزااااااام
لماذا تم اختراع الإيرباج
بعد اختراع حزام الأمان ومروره بعده تطورات حتى وصل للشكل المعروف فى الثمانيات
مخترعوا السيارات اكتشفوا ان غالبية السائقين لا يستخدمونه
لأى حجج زى ما بنعمل كمصريين
(مخالفة حزام الأمان من قوانين العادلى ههههههههههههه)
لذلك تم اختراع الإيرباج فى الخمسينيات من القرن الماضى
من شركة كرايسل وليس مرسيدس كما يشاع
وتم انتاجها فى السيارات فى السبعينيات
لذلك اعتقد ان مش كل الإيرباج مرتبط بالحزام
اعتقد انه بيختلف من سيارة إلى أخرى
الإيرباج ممكن يكون قاتل بالذات لذوى الأجسام النحيلة والأطفال
علشان كده سرعة فتح الإيرباج بتختلف حسب وزن الشخص الجالس على الكرسى
من خلال حساس للوزن فى الكرسى
إنتظروا فيلم وثائقى قريبا عن تكنولوجيا الأمان فى السيارات
[quote=ahmod;3874346214
الاول : ان العربية تكون سرعتها متجاوزة سرعة معينة وده طبعا بيختلف من عربية للتانية
التاني : ان الخبطة توصل لسنسور الايرباج وده بيختلف مكانه على حسب مثلا لو الايرباج الامامي اعتقد السنسور بتاعه بيبقى ورا الفوانيس بحيث لو الخبطة دمرت الفانوس ودخلت على صدر العربية الايرباج يفتح
[/quote]
معلش يا باشا اضيف جزء صغير بخصوص حساس الايرباج
فى نوع تانى من الحساس بيحث بخبطة العربية ويفتح الايرباج بس عيبة ان احيانا مبيكونش فى حادثة والايرباج يطلع
زى مثلا باطنية العربية خبطت فى فى بلاعة او حجر الحساس دة بيستعمل فى عربيات الفورد تقريبا والباسات
بيتهيألي المسألة دي حسب العربية
لأن في عربيتي مكتوب تنبيه عن عدم عمل الأيرباج إلا بعد ربط الحزام
مرتبط بحزام الأمان لازم يكون الحزام مربوط عشان يفتح و ده الصح و علي سرعة معينة كمان مش اى سرعة
هى بتبقى على حسب العربية على ما اعتقد لان عندى فى الكورولا عملت حادثة و كنت لوحدى فى العربية و مش رابط الحزام و رغم كده الايرباج بتاعتى و بتاعة الكرسى اللى جانبى فتحت
[youtube]http://www.youtube.com/watch?v=k2twNZc-gGI&feature=related[/youtube]
حد سمع عن نظام تعرف السيارة المبكر عن الحوادث ؟
ووسائد هوائية بتتحط أسفل السيارة ؟؟؟؟
اكيد سمعنا عن الوسادة الهوائية اللى اخترعوها على الإكصدام الأمامى للسيارة
لحمياة المارة فى الشارع من الإصطدام
لمزيد من التفاصيل راجع هذا الموضوع
http://www.nilemotors.net/Nile/248610-o-oo-oo-o.html
سنسور الايرباج ما بيشتغلشى الا وانت رابط الحزام
موضوع لذيذ جدا وجاوبلى على أسئلة كنت محتاجها
انا ليا واحد صاحبى معاه سيراتو الايرباج بتاعه فتح بتاع السواق واللى جمبه مع ان مكنش فى حد جمبه اصلاً علشان دخل فى شوية سن مبانى ومكنش رابط الحزام
أنا بقى شفت فيديو للميجان 2 هاتش باك اختبار كراش تست حقيقى ع الواقع الراجل خبطها فى عربية تانى ال 2 ايرباج بتاع السائق والراكب الأمامى فتحوا برغم ان مكنش فيها غير السائق بس السائق كان شادد حزام الأمان ودا معناه ان الاير باج مش شرط انك تبقى لابس الحزام عشان تفتح ولكن جايز تختلف من عربية لعربية أو كمان تختلف من إيرباج للتانية يعنى مثلا ممكن تكون الاير باج بتاع الراكب الامامى بتفتح تحت أى ظروف لانها بتفتح بطريقة معينة زى ما تكون إيد بتتمد لتحت عشان اللى راكب قدام يتخبط فيها لكن الايرباج بتاع السائق بتفتح فى وشك على طول زى البمبة وعلى فكرة ممكن الايرباج تفتح وما تلمسكش نهائى لو ماسك الدريكسيون كويس وشادد حزام الأمان زى ما شفت فى الفيديو وأنا ليا واحد قريبى كان ماشى سريع جدا بلانسر بومة وقابله كاوتش فى الطريقة فحاول يفديه ع الصحراوى راح نزل ع الرملة والعربية اتخبطت من تحت والايرباج بتاع السائق فتحت ومكنش لابس حزام الأمان والعربية مفيهاش خدش واحد