الحقونى.....عربيتى اللى بعتها من 3 سنين لسه بأسمى فى المرور !!!!!

سلام عليكم النهارده كنت فى مرور المعادى بجدد رخصه العربيه وفجأه لقيت الموظف بيقولى انت

عندك عربيه تانيه قولتله دى متباعه من 3 سنين بتوكيل !!! قالى موجود عندى على الكمبيوتر !!!

يمكن الشخص ايلى انت بعتهالوا لسه مسجلهاش !!! قولتله ازاى يعنى ؟؟ ماشى 3 سنين بتوكيل ؟؟

أساسا انا لما بعت العربيه كان فاضل 3 شهور فى الرخصه وتنتهى !!! قالى معرفش !!!

طب يا سيدى ايه الحل ؟؟ قالى حتدفع 180 ضريبه ترفيه 3 سنوات !!!

المهم قولتلوه ايدينى ملف التجديد مش حجدد دلوقتى

الحمد لله ربنا كرمنى ولقيت تليفون الشخص ايلى بعتلوا العربيه كلمتوا قالى انا بعتها قيل ما

الرخصه تنتهى بعقد موثق بس الكلام ده بقاله حوالى سنتين ونص طب يا عم معاك تليفون الراجل

ايلى اشترى منك قالى حدور عليه وأكلمك

أنا مش عارف لو ملاقاش تليفونه حعمل ايه ؟؟!! أنا مخنوق جدا والله ومش عارف أعمل ايه ؟؟!!

مش مشكله فلوس الضريبه بس المشكله ان العربيه فى المرور لسه بأسمى

قولولى اعمل ايه الله يكرمكوا

كان حقك اتأكدت انه سجل

انا بعت عربيتى من سنتين ومن فترة قريبه لقيت اللى اشتراها جاى عايز منى البطاقة او انى اروح معاه المرور علشان ارخص العربيه باسمه
قلت له سبحن الله انت لسه ما غيرتش العربيه باسمك لحد دلوقتى
ورفضت طبعا اى كلام معاه وقلت له روح غيرها باسمك
والله اعلم هو عمل ايه
انا بعت العربيه بتوكيل
بس معايا عقد مكتبي ومعايا شاهد على الاقل علي البيع لو حاجه - لاقدر الله - حصلت

اقتباس:

---

المشاركة الأصلية كتبت بواسطة تامر.محمد

كان حقك اتأكدت انه سجل

---

المشكله ان فى طرف تالت دلوقتى والدنيا معكوكه :Copy of majd(4):

توبه ابيع بتوكيلات تانى

انا اشتريت من واحد بتوكيل واول اما العربية قربت تنتهي رخصتها ونقلتها باسمي عشان الراجل ملوش ذنب في ضريبة الترفيه دي...
بس اللي اتقالنا وقتها في الشهر العقاري انك لو معاك صورة التوكيل وعقد البيع الابتدائي بتثبتلهم انها متباعه وبتتلغي
ده اللي قالوهولنا في الشهر العقاري...


تحياتي

ياباشا انت مكبر الموضوع لية ماتقلقش الموضوع بسيط جدااااااااااااااااااا

كل اللى حضرتك هتعملة هتروح تديهم صورة من عقد البيع + صورة عقد توثيق الشهر العقارى ويبقى معاك الاصل عشان يطلعوا علية وشكرا على كدة وهتتلغى عادى ماتقلقش وفى ثوانى هياخد منك الصور ويرفقها فى الملف ويلغى ضريبة الترفية

انت كنت كاتب في التوكيل التعامل مع المرور عشان كدا هو عرف يجدد لنفسه
حاول توصل للمشتري وانشاء الله ربنا يسترها معاك وحاول تخلي معاك صوره من التوكيل والعقد الموثق محدش عارف الظروف

حضرتك بقى تروح تلغى التوكيل اللى عملته وتروح تبلغ المرور عشان لما الباشا يروح يجدد الرخصة يقولوله لازم تنقل ملكية يا اما صاحب العربية اللى هو حضرتك ييجى يجددها هو بس كده

اقتباس:

---

المشاركة الأصلية كتبت بواسطة assaf

انت كنت كاتب في التوكيل التعامل مع المرور عشان كدا هو عرف يجدد لنفسه
حاول توصل للمشتري وان شاء الله ربنا يسترها معاك وحاول تخلي معاك صوره من التوكيل والعقد الموثق محدش عارف الظروف

---

حتى لو كاتب التعامل مع المرور ماينفعش
لازم يتكتب التجديد والترخيص واضحة زي الشمس

تقصد ايه بالعقد الموثق؟

اقتباس:

---

المشاركة الأصلية كتبت بواسطة zangry

حضرتك بقى تروح تلغى التوكيل اللى عملته وتروح تبلغ المرور عشان لما الباشا يروح يجدد الرخصة يقولوله لازم تنقل ملكية يا اما صاحب العربية اللى هو حضرتك ييجى يجددها هو بس كده

---

ياباشا التوكيل ده لا يلغى الا بحضور الطرفين
والا كل واحد باع عربيته بتوكيل يروح بعدها بساعة يلغيه

السلام عليكم و رحمة الله و بركاته

أنتوا بتتكلموا على بيع العربية بتوكيل ببساطة أوى !!!!!!!!, أنا أعرف واحدة كان عندها عربية 128و باعتها بتوكيل و العربية اتمسكت فى كمين فيها حشيش, اللى كان سايق العربية و اللى باسمها العربية راحوا فى حديد و طلع عين اللى خلفوها عشان تثبت أنها مالهاش دعوة بحاجة و بهدلة و أقسام و رمى فى الحجز و معاملة زى الزفت من بتوع الشرطة اللى مايتوصوش, لأنها فى نظرهم تاجرة حشيش, شفتوا الدنيا سهلة ازاى ؟؟؟؟

الست دى أنا أعرفها معرفة شخصية.

اقتباس:

---

المشاركة الأصلية كتبت بواسطة أبو صلاح

حتى لو كاتب التعامل مع المرور ماينفعش
لازم يتكتب التجديد والترخيص واضحة زي الشمس

تقصد ايه بالعقد الموثق؟

---

اقصد انه المشتري منه باع بعقد موثق يبقي ياخد منه صوره ويحاول بيها في المرور

هو في انواع بيع تانيه غير البيع بتوكيل ؟
وليه ناس كتير بتبيع بتوكيل ؟

اقتباس:

---

المشاركة الأصلية كتبت بواسطة semsem kane

ياباشا انت مكبر الموضوع لية ماتقلقش الموضوع بسيط جدااااااااااااااااااا

كل اللى حضرتك هتعملة هتروح تديهم صورة من عقد البيع + صورة عقد توثيق الشهر العقارى ويبقى معاك الاصل عشان يطلعوا علية وشكرا على كدة وهتتلغى عادى ماتقلقش وفى ثوانى هياخد منك الصور ويرفقها فى الملف ويلغى ضريبة الترفية

---

+1111111111 كلامك سليم

كلام سليم كلام سليم

دايما مرور المعادي بالذات بيعمل الحركة دي .. الله أعلم ايه السبب.

اقتباس:

---

المشاركة الأصلية كتبت بواسطة mahmoud_afifi

هو في انواع بيع تانيه غير البيع بتوكيل ؟
وليه ناس كتير بتبيع بتوكيل ؟

---

في بيع بعقد مسجل مباشرة ، و غالبا اللي بيطلب البيع بتوكيل هو المشتري و ليس البائع ، للاستفادة من المدة الباقية بالترخيص و برضه علشان يأجل مصاريف العقد المسجل لو ناوي يسجلها بإسمه في النهاية .

لو كتبت فى التوكيل التعامل مع المرور والتجديد يعد يجدد الرخصة بالتوكيل عااادى

اقتباس:

---

المشاركة الأصلية كتبت بواسطة now2005

في بيع بعقد مسجل مباشرة ، و غالبا اللي بيطلب البيع بتوكيل هو المشتري و ليس البائع ، للاستفادة من المدة الباقية بالترخيص و برضه علشان يأجل مصاريف العقد المسجل لو ناوي يسجلها بإسمه في النهاية .

---

متشكر جدا يا باشا على افادتك.

اقتباس:

---

المشاركة الأصلية كتبت بواسطة mahmoud_afifi

متشكر جدا يا باشا على افادتك.

---

العفو .. تحت امرك

اقتباس:

---

المشاركة الأصلية كتبت بواسطة kar!m

دايما مرور المعادي بالذات بيعمل الحركة دي .. الله أعلم ايه السبب.

---

كلامك سليم فعلا الحركه دي ديما في مرور المعادي حتي اخويا بايع ١٢٨ من ٤ سنين و لغايه دلوقتي بيدفع ضريبه ترفيه .
و انا بعت عربيتي بتوكيل و بفكر اسجل الجديده باسم مراتي علشان اخلص من الفيلم بتاع مرور المعادي ده

اقتباس:

---

المشاركة الأصلية كتبت بواسطة ahmedhilmy

كلامك سليم فعلا الحركه دي ديما في مرور المعادي حتي اخويا بايع ١٢٨ من ٤ سنين و لغايه دلوقتي بيدفع ضريبه ترفيه .
و انا بعت عربيتي بتوكيل و بفكر اسجل الجديده باسم مراتي علشان اخلص من الفيلم بتاع مرور المعادي ده

---

الله يطمنك يعنى انا حفضل أدفع 180 جنيه كل 3 سنين على حاجه مش بتاعتى :eek:

الوضع معقد جدا النهارده كلمت الراجل تانى قالى انا دورت على العقد ومش لاقيه !!!

والشخص التالت ايلى باعله العربيه ميعرفش اى حاجه عنه

دلوقتى العربيه ماشيه بنمر تانيه لان الراجل اكيد سجلها فى مرور تانى غير المعادى

بس انا معايا رقم الموتور والشاسيه فهل حقدر اعرف هو تبع اى مرور ؟؟

انا دماغى ضربت خلاص وبفكر فى فكره مجنونه !!!

ايه رأيكوا فى بلاغ فى القسم بسرقه العربيه وطبعا العربيه ماشيه بنمر غير ايلى متبلغ عنها !!

بس هل ده يشيل الضريبه الترفيهيه فى السنوات ايلى جايه ؟؟

انا سالت فى المرور لقيت العربيه اللى بعتها من سنتين لسه باسمى بس رخصتها منتهيه
؟؟؟؟

اقتباس:

---

المشاركة الأصلية كتبت بواسطة assaf

انت كنت كاتب في التوكيل التعامل مع المرور عشان كدا هو عرف يجدد لنفسه
حاول توصل للمشتري وإن شاء الله ربنا يسترها معاك وحاول تخلي معاك صوره من التوكيل والعقد الموثق محدش عارف الظروف

---

تمام كلامك صح 100% لأني لما جيت ابيع عربيتي القديمة كنت حريص جدا جدا في التوكيل بعدم التعامل مع المرور في الترخيص او التجديد باسمي بس مش فاكر الصيغة كانت ايه
بس انا يوم ما بعت العربية بعديها بـ 3 ايام كنت استلمت عربيتي الجديدة و مقاليش في المرور علي موضوع عربية تانيه و لا ضريبة ترفيه ..

الافضل يا جماعة لضمان الحقوق لما شتري عربية او تبيع اتعامل بعقد مسجل وخد صورة منه لان التوكيل ده مايعتبرش بيع انت بتوكل فلان انه يتصرف في العربية وموضوع التوكيل ده بيعمله التجار لانه رخيص جداا مقارنة بالعقد اما اللى بيشتري عربية علشان يركبها مابتفرقش معاه واشترط في البيع موضوع العقد لانك لو اشتريت عربية من واحد معاه توكيل وبعد كده طلع اللى العربية باسمه مات يبقى انت ماشترتش وبيدخل العربية في الورث وبدخل نفسك في متاهة كبيرة

اقتباس:

---

المشاركة الأصلية كتبت بواسطة m_marwan

الله يطمنك يعنى انا حفضل أدفع 180 جنيه كل 3 سنين على حاجه مش بتاعتى :eek:

الوضع معقد جدا النهارده كلمت الراجل تانى قالى انا دورت على العقد ومش لاقيه !!!

والشخص التالت ايلى باعله العربيه ميعرفش اى حاجه عنه

دلوقتى العربيه ماشيه بنمر تانيه لان الراجل اكيد سجلها فى مرور تانى غير المعادى

بس انا معايا رقم الموتور والشاسيه فهل حقدر اعرف هو تبع اى مرور ؟؟

انا دماغى ضربت خلاص وبفكر فى فكره مجنونه !!!

ايه رأيكوا فى بلاغ فى القسم بسرقه العربيه وطبعا العربيه ماشيه بنمر غير ايلى متبلغ عنها !!

بس هل ده يشيل الضريبه الترفيهيه فى السنوات ايلى جايه ؟؟

---

هو حضرتك مش واخد بالك من باقى المشاركات ؟؟؟؟؟؟؟

ما الناس قالت خد صوره التوكيل وعقد البيع وروح بيه المرور عشان يشيلوها من الكمبيوتر انها بأسمك

ولو عملت محضر ممكن جدا يكون اللى اشترى العربيه غير الرخصه بأسمه والغلطه من المرور اللى انت تابع ليه وساعتها لما تتمسك العربيه حيثبت انها بأسمه واانت اللى حيتعملك قضيه ومحضر

اقتباس:

---

المشاركة الأصلية كتبت بواسطة misoalex

هو حضرتك مش واخد بالك من باقى المشاركات ؟؟؟؟؟؟؟

ما الناس قالت خد صوره التوكيل وعقد البيع وروح بيه المرور عشان يشيلوها من الكمبيوتر انها بأسمك

ولو عملت محضر ممكن جدا يكون اللى اشترى العربيه غير الرخصه بأسمه والغلطه من المرور اللى انت تابع ليه وساعتها لما تتمسك العربيه حيثبت انها بأسمه واانت اللى حيتعملك قضيه ومحضر

---

وفى حالة البيع بتوكيل + عقد بيع مكتبي فقط
هل هيقبله المرور
؟

انا عندي نفس المشكلة دي و مش عارف ايه الحل خصوصا اني بعت لتاجر و معرفش عمل ايه في العربية بقى

اقتباس:

---

المشاركة الأصلية كتبت بواسطة abokoko

وفى حالة البيع بتوكيل + عقد بيع مكتبي فقط
هل هيقبله المرور
؟

---

أنا لسه بايع بتوكيل لمعرض وعقد مكتبي
لما جئت اعمل اتوكيل قلت الموظفة أني مش عاوزه يجدد الرخصة باسمي بس يتعامل مع المرور عشان لو الرخص اتسحبت مثلاً يعرف يجيبها
قالتلي ما هو ممكن يجددها برضه بجملة التعامل مع المرور
وما سألت واحد صاحبي تاجر قاللي ما دام التوكيل مش مكتوب فيه التجديد والترخيص يبقي ميقدرش يجددها
واللي أكدلي كلامه ان صاحب المعرض أتضايق جداً لما لقي التوكيل بالتعامل مع المرور بس مش بالتجديد كمان
مش عارف مين فيهم الصح
بس أنا بقول
بسم الله ما شاء الله كان وما لم يشء لم يكن اعلم ان الله علي كل شيء قدير وان الله أحاط بكل شيء علما

اقتباس:

---

المشاركة الأصلية كتبت بواسطة seifmando

أنا لسه بايع بتوكيل لمعرض وعقد مكتبي
لما جئت اعمل اتوكيل قلت الموظفة أني مش عاوزه يجدد الرخصة باسمي بس يتعامل مع المرور عشان لو الرخص اتسحبت مثلاً يعرف يجيبها
قالتلي ما هو ممكن يجددها برضه بجملة التعامل مع المرور
وما سألت واحد صاحبي تاجر قاللي ما دام التوكيل مش مكتوب فيه التجديد والترخيص يبقي ميقدرش يجددها
واللي أكدلي كلامه ان صاحب المعرض أتضايق جداً لما لقي التوكيل بالتعامل مع المرور بس مش بالتجديد كمان
مش عارف مين فيهم الصح
بس أنا بقول
بسم الله ما شاء الله كان وما لم يشء لم يكن اعلم ان الله علي كل شيء قدير وان الله أحاط بكل شيء علما

---

اسمع الكلام من واحد مجرب
انا كان معايا عربيه شاريها بتوكيل مكتوب فيه التعامل مع المرور وكان فاضل فى رخصتها 10 شور ولسه فاضل على الفحص سنتين
رحت المرور بعد ال 10 شهور عشان ادفع الضريبه والتأميد وامد الرخصه قالولى مينفعش لازم تنقل ملكيه وتفحص طالما معاك توكيل ومش مكتوب فيه تجديد الرخصه قولتلهم طب ما مكتوب فيه التعامل مع المرور هو انا كده مش جاى اتعامل معاكم قالولى مينفعش
وعملت البدع وجبت ناس تقيله فى المرور والداخليه ومنفعش برضه اجدد وانا اللى كان مخلينى مينفعش افحص ان العربيه كاننت متعدله فيبر وشغل كده ولازم اشيل كل ده عشان افحص وغصب عنى عملت كده

فمتخافش طالما مش مكتوب فى التوكيل تجديد الرخصه خلاص متخافش

اقتباس:

---

المشاركة الأصلية كتبت بواسطة abokoko

وفى حالة البيع بتوكيل + عقد بيع مكتبي فقط
هل هيقبله المرور
؟

---

ايوه ان شاء الله ينفع

اقتباس:

---

المشاركة الأصلية كتبت بواسطة misoalex

ايوه ان شاء الله ينفع

---

آمين
ربنا يطمنك كما طمنتنى

أنا واقع في نفس المشكلة دي - بايع بتوكيل ومش عارف اوصل للراجل خالص - وهو كلمني بعد التوكيل وقالي انه باعها
المشكلة ان الرخصة كانت 3 سنين - يعني فاضلها 3 شهور وتخلص - منتظر بصراحة بعد موعد تجديد رخصتها علشان اروح اسال في المرور

مش عارف هاعمل إيه - مش معايا غير التوكيل - وعامل فيها بوضوح التعامل مع المرور بدون تجديد الرخصة ..؟؟

اقتباس:

---

المشاركة الأصلية كتبت بواسطة misoalex

اسمع الكلام من واحد مجرب
انا كان معايا عربيه شاريها بتوكيل مكتوب فيه التعامل مع المرور وكان فاضل فى رخصتها 10 شور ولسه فاضل على الفحص سنتين
رحت المرور بعد ال 10 شهور عشان ادفع الضريبه والتأميد وامد الرخصه قالولى مينفعش لازم تنقل ملكيه وتفحص طالما معاك توكيل ومش مكتوب فيه تجديد الرخصه قولتلهم طب ما مكتوب فيه التعامل مع المرور هو انا كده مش جاى اتعامل معاكم قالولى مينفعش
وعملت البدع وجبت ناس تقيله فى المرور والداخليه ومنفعش برضه اجدد وانا اللى كان مخلينى مينفعش افحص ان العربيه كاننت متعدله فيبر وشغل كده ولازم اشيل كل ده عشان افحص وغصب عنى عملت كده

فمتخافش طالما مش مكتوب فى التوكيل تجديد الرخصه خلاص متخافش

---

جزاك الله كل خير علي الكلمتين الحلوين دول

اقتباس:

---

المشاركة الأصلية كتبت بواسطة abokoko

انا سالت فى المرور لقيت العربيه اللى بعتها من سنتين لسه باسمى بس رخصتها منتهيه
؟؟؟؟

---

خد بالك دي فيها جنحه اسمها تبديد لوحات .

اقتباس:

---

المشاركة الأصلية كتبت بواسطة ahsd2000

خد بالك دي فيها جنحه اسمها تبديد لوحات .

---

ممكن توضيح
انا بعتها من سنتين وهو اللى مش مجدد
وكان جه لى الشغل علشان اروح معاه المرور للتجديد او اعطى له بطاقتى يجدد بيها ( الاصل )
وانا رفضت
ولما قرات الموضوع هنا
بعت واحد معرفة للبحث عن اسمى فى كمبيوتر المرور
ولقى اسمى متسجل له عربيتين
وقال لى العربيه اللى اتباعت رخصتها انتهت وغير مجدده
؟؟؟
احيانا بشوف العربيه وهو ماشي بيها
واكيد بيستغل الوضع الامنى - وعدم التفتيش على الرخص



فممكن اعرف يعنى ايه جنحة تبديد لوحات ؟؟

اقتباس:

---

المشاركة الأصلية كتبت بواسطة abokoko

ممكن توضيح
انا بعتها من سنتين وهو اللى مش مجدد
وكان جه لى الشغل علشان اروح معاه المرور للتجديد او اعطى له بطاقتى يجدد بيها ( الاصل )
وانا رفضت
ولما قرات الموضوع هنا
بعت واحد معرفة للبحث عن اسمى فى كمبيوتر المرور
ولقى اسمى متسجل له عربيتين
وقال لى العربيه اللى اتباعت رخصتها انتهت وغير مجدده
؟؟؟
احيانا بشوف العربيه وهو ماشي بيها
واكيد بيستغل الوضع الامنى - وعدم التفتيش على الرخص



فممكن اعرف يعنى ايه جنحة تبديد لوحات ؟؟

---

متخافش هى اسمها كده بس بترسى فى الاخر على غرامه وهو اللى حيدفعها غصب عنه لان العربيه مش حتترخص غير لما يدفع الغرامه دى

عرفت انه جدد باسمى لحد 2014م