سوزوكي 600 موديل 95 ارجوا المساعدة

http://img825.imageshack.us/img825/5...kikatana60.jpgالسلام عليكم ورحمة الله وبركاته
انا لسه شاري موتوسيكل سوزوكي 95 600 سي سي
مثل الموجود بالصورة لكن بدون فبر
اشتريته وكان ماشي تمام لكن محتاج اسطوانات
واسطواناته دائرية مثل الترس والموجود بالة الجر
الميكانيكي ركب الاسطوانات بس للاسف مستلمتش الموتوسيكل شغال او داير واخد مني 100 جنيه
المهم وديته لواحد تاني عنده ضمير
اول حاجة غيرنا البوجيهات دارت تمام
لكن المشكلة نحط التنك متدورش نشيله او نقفل البنزين تدور المهم فك الكاربرتير
ونضفه تماما وجيبتله مزيل صدا وقفله تاني بالسيلكون كمان
وخلاص ودار الموتوسيكل
ناتي للمشكلة وهيا ان طول ما انا ماشي ومشبع الغيار وقارص عالموتوسيكل تمام مفيش اي مشاكل عالصحراوي مثلا بتطير وممكن تعدي سرعة ال200 من غير اي مشكلة
لكن داخل البلد بتقف كتير ولازم استناها لما تبرد خالص نهائي
وبشيل خرطوم من التنك واصل لاول كاربرتير عاليمين اصبر عليها لما تبرد واقفل البنزين بتدور
وساعات بتاخد وقت جامد علي ما تجمع يعني تدور وتفضل هادية خالص مع اني بكون قارص بنزين جامد وساعات يوصل للاخر وبتاخد وقت علي ما تجمع ولازم لما امشي امشي بسرعة ومقفش عشان تستجيب
الميكانيكي الاخير اللي دورها قاللي دي ابر الكاربرتير
وكنت عايز اعرف منكم اكتر والاقي افادة
لما رايته من خدمات مقدمة للجميع خلال هذا الموقع الرائع
وايضا احتاج لمعرفة حالة الشمبر
لانه شككني فيه
واسف جدا للاطالة وجزيل الشكر لكم

ان شاء الله خير و حد من الاعضاء يرد عليك

و اخر حته دى بنسبة 90% كربيراتير

اقتباس:

---

المشاركة الأصلية كتبت بواسطة hesham94

ان شاء الله خير و حد من الاعضاء يرد عليك

و اخر حته دى بنسبة 90% كربيراتير

---

شكرا لمرورك
وكنت عايز اعرف لو ممكن تاثير ضرب المدافع لان اللي اشتريتها منه كان فارمها
وفي ميكانيكي قال الاسطوانات اتاكلت اكتر من ضرب المدافع لان الاسطوانات لوحدها 640 جنيه
وبعد دوخة لاقيتها

انت ايه بس اللى رماك على السوزوكى

البلد دى مش بتاعه سوزوكى قبل موديل 2000 ولا كوزاكى خااالص!

انا مش عارف والله علشان مضحكش عليك و ان شاء الله حد من الاعضاء يرد عليك

فعلاً السوزوكى مكنة خشنة هى وى الكوزاكى ..طب سؤال المشكلة بتاعت المكنة سحبها بيقل وى بتسخن ديت كانت موجودة قبل أما المكنةتبوظ ولا بقت بتسخن وكل دة بعد أما أتصلحت .

انا بس عاوز اسال سوال وتجوبني علي المكنة دي لما بتسخن تحسن ان هي تقيله في المشي ولا بتبقي كويسة ولما تقف منك وتديها مرش مرة واتنين بدور ام لا ولما تسبها تبرد بدورها مرش تدور عادي ام لا

اقتباس:

---

المشاركة الأصلية كتبت بواسطة karembob

انا بس عاوز اسال سوال وتجوبني علي المكنة دي لما بتسخن تحسن ان هي تقيله في المشي ولا بتبقي كويسة ولما تقف منك وتديها مرش مرة واتنين بدور ام لا ولما تسبها تبرد بدورها مرش تدور عادي ام لا

---

انتا بتفكر فى اللى بفكر فيه صح :oho:

اولا شكرا لاهتمامكم
ومعلش بقي نصيبي اقع في السوزوكي
لكن اعمل ايه 13 مكنة صيني وماليش حظ فيهم
المهم هيا بتسخن جامد
لكن لو قرصت عليها السحب جميل بصراحة
لكن مش عايز افتري عليها اوي
وكمان لو بطلتها بتقف لازم تبرد ومهما ادي مرش مش بتدور
واخر حاجة بقيت اتعامل بيها
اني اقفل البنزين واسيبها شوية صغيرين بتدور علي طول
وفي مشكلة كمان ان الموتور عالي اوي 3 وساعات بيوصل لاربعة
والقابس الخاص بتعلية الموتور مش شغال بس اتصلت بالميكانيكي وهنسق معاه علي ميعاد اروحله يوطي الموتور
وهوا لحد الان بياكد لي ان المشكلة في ابر الكاربرتير
هيا اللي عاملة كده
وبصراحة انا شبه مقتنع بكلامه ويكفي انه حدد العيب من اول مرة
لكن عايز برضه اعرف هل كلامه صح وحكاية مشكلة الدوارة وهيا سخنة مش بتلقط ليه غير بعد عذاب وقفل البنزين
وسحبها كويس جدا وساعات بتعدي ال 200 كيلو تقريبا
واستفسار تاني ايه تاثير ضرب المدافع في الموتوسيكل لان كمان ساعات لما بكون ماشي بسرعة واهدي تضرب مدافع بسيطة ورا بعض ده يكون ايه
واسف للاطالة وشكرا للجميع علي الاهتمام

كان معايا من 3 سنوات نفس المشكلة دى فى مكنة ياماها fzr 600 ودخت السبع دخات عند كل الميكانيكية لدرجة انهم حلوا الموتور ودى حاجة حزنتنى اوى وبردة ما ظبتتش لحد ما فية ميكانيكى محترم قالى غير الكربراتير خالص ولما غيرتة ضبط الموتوسيكل تمام ؟

اقتباس:

---

المشاركة الأصلية كتبت بواسطة attiaahmed

كان معايا من 3 سنوات نفس المشكلة دى فى مكنة ياماها fzr 600 ودخت السبع دخات عند كل الميكانيكية لدرجة انهم حلوا الموتور ودى حاجة حزنتنى اوى وبردة ما ظبتتش لحد ما فية ميكانيكى محترم قالى غير الكربراتير خالص ولما غيرتة ضبط الموتوسيكل تمام ؟

---

يعني كده المشكلة بالكاربرتير
شكرا علي اهتمامك وتاكيدك
وهنتظر مشاركة باقي الاخوة
لتوضيح ايضا تاثير المدافع
لان كمان انا مشيتها كام يوم ببنزين 80
وضربت كام مدفع ومن ساعتها السحب قل جامد اوي
يمكن تكمل ال100 او 110 بالعافية بعد ما كنت بعدي بيها ال200

ياراجل حد يحط بنزين 80 في بايك مهما كان موديله حتفرق كام يعني بنها وبين ال 90 ولا 92 حتى ؟ مش جامد

الي حتوفره في البنزين حتدفعه في التصليح

المدافع ديه من ال 80 او البوجيهات او الموبينة ( الكويلات )

شوف عايز حد عنده ضمير يصلحه وميغشكش خصوصا ان واضح انك مش فاهم اوي في التصليح

يبقى تروح ل محمد انور الي في كورنيش النيل الملك الصالح حتلاقيه كده في حاره وجمبيه معرض اخشاب

لو جاي من المعادي حتمشي لغاية ما تلاقي كوبري الملك الصالح اطلع انزل خليك على اليمين حتلاقيه

لو من المنيل يبقى سينما فاتن حمامه على شمالك حتقابلك اشاره خش شمال حتلاقيه على يمين بعد ما تمشي قدام شويه

لو عايز واحد بردوا بيفهم بس لازم لالالالالالالازم تكون صاحيله هو بيعمل ايه بالظبط

شامبور في الحلمية

اقتباس:

---

المشاركة الأصلية كتبت بواسطة gmc

ياراجل حد يحط بنزين 80 في بايك مهما كان موديله حتفرق كام يعني بنها وبين ال 90 ولا 92 حتى ؟ مش جامد

الي حتوفره في البنزين حتدفعه في التصليح

المدافع ديه من ال 80 او البوجيهات او الموبينة ( الكويلات )

شوف عايز حد عنده ضمير يصلحه وميغشكش خصوصا ان واضح انك مش فاهم اوي في التصليح

يبقى تروح ل محمد انور الي في كورنيش النيل الملك الصالح حتلاقيه كده في حاره وجمبيه معرض اخشاب

لو جاي من المعادي حتمشي لغاية ما تلاقي كوبري الملك الصالح اطلع انزل خليك على اليمين حتلاقيه

لو من المنيل يبقى سينما فاتن حمامه على شمالك حتقابلك اشاره خش شمال حتلاقيه على يمين بعد ما تمشي قدام شويه

لو عايز واحد بردوا بيفهم بس لازم لالالالالالالازم تكون صاحيله هو بيعمل ايه بالظبط

شامبور في الحلمية

---

شكرا لمرورك ياجميل
لكن المدافع دي من قبل ما احط لها 80
يبقي البوجيهات لانها بوجيهات صيني وبكره هجيبلها الاصلي
والمشكلة التانية ان انا من اسكندرية من وسط اسكندرية
وشكرا لكل الاخوة الماريين

في اسكندريه يبقى حدلك على شخص حيفيدك جدا طبعا معروف هوا مين مستر دياب

الراجل بيساعد جدا وحيدلك مين يعملهالك باقل التكاليف ومحدش حيضحك عليك ويشتغلك

ابعتله انت بس على الخاص

اقتباس:

---

المشاركة الأصلية كتبت بواسطة joacky

انتا بتفكر فى اللى بفكر فيه صح :oho:

---

كدة انتا قريت دماغي بس اتمني ميكنش هو دا يا عبده

شكرا لردودكم
وهيا المشكلة في الكاربرتير
واسف علي رفع الموضوع مرة تانية
لكن واجهتني مشاكل كتير ودي كانت سبب تغيبي عن متابعة الموضوع
وعندي مشكلة حالية مش عارف لها حل
الموتوسيكل كنت بيه في زفة
وطبعا مفيش وصايا ضرب مدافع لان مدفعها قوي جدا واتزنقت وكان لازم لان مدفعها بديل لطلق نار حي
المهم اتفرمت وبعد الزفة سيبتها تهدي عالاخر
مشت معايا كام يوم تمام لكن جت في يوم
ومشيت بيها كويس ووقفت عشان عربية المهم شرقت مني لانه لسه مجيبتش كاربيرتير جديد لها
المهم فضلت اسايسها كالمعتاد لحد ما تسحب البنزين المتراكم في الكاربرتير ومشيت تمام لكنه بعد شوية
مشيها مش طبيعي خالص تمشي بسيط ومبتكملش الغيار
وعدد لفات الموتور كان بيوصل للاخر ل13 ساعتها مكنش بيزيد فوق ال4
وطلعت عيني 4 ساعات زق وبهدلة عاالصحراوي وزاد اكتر ان معايا مشكلة عايز ترس الة جر قدام وكاتينة اصلية
ودي عقدت الموضوع اكتر لان مكنش ينفع ازق وارميلها
ومن ساعتها مش عايزة تدور نهائي بقالها اكتر من اسبوعين
غيرت بوجيهات نوع اصلي مشتغلش جيبت نوع صيني تاني اسمه بوش وغيرت الزيت
لكن برضه مش عايزة تدور
وفيها هبدة قديمة في الموتور زادت جربنا انا وميكاانيكي اشتغل فيها واتبهدل ونضف الكاربرتير وجرب البوجيهات
لكن برضه نفس النظام ضربت كام مدفع ومش قابلة تدور
لدرجة ان المرش فصل من الزرار وبقيت ادورها من وصلة المرش لكن برضه مفيش نتيجة
ياريت تطمنوني لان خايف تكون في حاجة في الموتور
ولو عايز ااعرف في مشكلة في الموتور اعرفها ازاي
للعلم انا فصصت المكنة وكل حاجة فيها لما كانت تبوظ كنت بعملها معادا شغل الموتور لاني مفهمش فيه
اسف عالاطالة وتعبكم معايا
تحياتي

صاحبى بدل كل التعب دا ما تروح التوكيل بتاع سوزوكى وهما هيصلحولك المكنه يخلوها زى الاول بلظبط اكيد عندهم فنين متخصصين هتصرف شويه بس احسن من التعب اللى انت فيه دا كل شويه

وربنا معاك

اقتباس:

---

المشاركة الأصلية كتبت بواسطة gsxr600

صاحبى بدل كل التعب دا ما تروح التوكيل بتاع سوزوكى وهما هيصلحولك المكنه يخلوها زى الاول بلظبط اكيد عندهم فنين متخصصين هتصرف شويه بس احسن من التعب اللى انت فيه دا كل شويه

وربنا معاك

---

• ما انت عارف توكيل يعني جزارين
• وهيا مش مستاهلة
• تمنها 8 الاف
• هصرف قد تمنها
• وانت فاهم احنا شباب

اقتباس:

---

المشاركة الأصلية كتبت بواسطة hamadasat96

• ما انت عارف توكيل يعني جزارين
• وهيا مش مستاهلة
• تمنها 8 الاف
• هصرف قد تمنها
• وانت فاهم احنا شباب

---

المشكلة دي واجهت صاحب ليا بمكنه r1 1998 كانت تشتغل واول ما ينقل الغيار تفصل وتطفي وكان شدها ميت وتقطع وتفرقع واتبهدل من وراها جاامد وغير بوجيات وما اشتغلتش الا بعد ما اخذها علي ميكانيكي معلم نظف الكربرتير ورجعت حصان مشاء الله .

اقتباس:

---

المشاركة الأصلية كتبت بواسطة ztx

المشكلة دي واجهت صاحب ليا بمكنه r1 1998 كانت تشتغل واول ما ينقل الغيار تفصل وتطفي وكان شدها ميت وتقطع وتفرقع واتبهدل من وراها جاامد وغير بوجيات وما اشتغلتش الا بعد ما اخذها علي ميكانيكي معلم نظف الكربرتير ورجعت حصان مشاء الله .

---

شكرا لاهتمامك
لكن عيب الكاربرتير انا عارفه وعارف اتعامل معاه
لاني خلاص حفظتها لكن المشكلة الجديدة دي
غريبة مع ان الميكانيكي نضف الكاربرتير وظبطه
وانا قبلها كنت مغير بوجيهات مرتين ومغير الزيت
لكن انهاردة في ميكانيكي بيقولي انها كده خلفت التقسيمة
وكركب لي معدتي
منتظر افادتكم