عرض للطباعة
يا جماعه
عايز معلومات عن اسعار قطع الغيار
و مدى توفرها
و متوسط سعر العربيه فى حدود كام للحاله الجيده
و مدى احتمالها للسفر
و افضل موديل ايه
كماليات العربيه ايه
و عايز اعرف الموديلات الموجوده فى مصر من سنه كام لسنه كام
و صناعه ايه
و مدى اتساع الصالون و الشنطه
و تحياتى للجميع
وانا كمان يا جماعة محتاج اعرف معلومات عن العربية دي لاني بادور على واحده كويسه وبقارن بينها كمان وبين البوينتر
بس مش عارف البوينتر ليه نادره كده؟
وياترى نادره برضه في قطع غيارها وصيانتها والا ايه؟
البولو من السيارات الاعتمادية جدا وأسعار قطع غيارها الاستهلاكية كالتيل وسير الكاتينة والبوجيهات والعفشة متوسطة مش غالية ولكن اداء السيارة يتوقف علي حالتها العامة من بودي سليم ومحرك بحالة ممتازة وعناية مالكها بها الفيصل في عملية الشراء هو الفحص الدقيق لاجزاء السيارة بداية الفحص تكون بفحص الشاسيه والقوائم وان السيارة بحالة سليمة لم تتعرض لحادث جسيم اثر علي الشاسيه او القوائم بعد التأكد من حالة الشاسيه يتم فحص اسفل السيارة لرؤية الدنجل الخلفي وبطن السيارة وأنها لم تتعرض من الاسفل لانبعاجات خطيرة
ثم ناتي لفحص الحالة العامة للمحرك لون العدم الخارج من الشكمان ولون العادم يدل علي الحالة العامة له
وانتظام دوران المحرك ايضا يدل علي مدي صحته فحص خرطوم الفيظ وملاحظة البخار الخارج منه هل خفيف جدا او كثيف وغزير لانه بيدل علي مدي احكام كبس الشنابر لو الشنبر خفيف ستلاحظ ان الدخان الخارج من خرطوم الفايظ كثيف وغزير اما لو حالة الشنبر جيدة ستلاحظ ان البخار الخارج منه خفيف جدا تكاد لا تلاحظه
ويأتي بعد ذلك اختبار العفشة وحالة الفتيس بقيادة السيارة واختبار مدي نعومة النقلات هلي هي سلسة ام تواجه بعض الصعوبة في النقل هل هناك صوت من الفتيس اثناء الحركة (ونة ) من عدمه واختبار سرعة سحب السيارة من الكبس علي البنزين هل المحرك يستجيب بسلاسة ام ان هناك تاخير هل يوجد رجة في عند بدء التحرك ام السيارة سلسة وتستجيب بسرعة لو وجدت رجة عند بدء الحركة فهناك احد امرين ترس الفلام مش مظبوط او طقم الدبرياج بيودع اختبار العفشة وتماسك السيارة في المطبات هل هناك اصوات دبدبة من المساعدين في المطبات
من عدمه او اصوات تخبيط من العفشة الامامية هل يوجد بوش في الاسكاترا (علبة الدركسيون)واللا لا ومتوسط اسعار البولو بتبدي من اول 30000 ل 42000 لموديلات من 95 ل 2002
طب افضل موديل ايه
موتور كام سى سى
و صناعه اى دوله
و لو فى اى رابط للمشاكل الشائعه و اسعار قطع الغيار
البولو موديلاتها كلها حلوة موديلات من 95 1300 سيسي فيما بعد 96 1000 سيسي من 2000 ل 2002 عملولها فيس ليفت غيرو شوية في شكل الفوانيس امامي وخلفي بس نفس الشاسيه اهم حاجة تدور علي الحالة
البولو الماني وان كان موديلات 2000 2002 اسباني
شكرا طارق بيه