قرب يجيلى أحباط , أعمل أية عشان اليوم يتجدد مينفعش كده خاااالص

في الكام يوم إلى فاتوا دول حسيت أننا عمرى كله أسطامبة واحدة زى مابيقولوا
كل يوم جرى و تمارين الصبح و بعد كدة قاعدة فى البلكونة أو بفكر فى خطط مستقبليه و طبعا اليوم كله بيجرى بالطريقة دى رغم أننا خلصت أمتحانات بس لسه نفخة الأمتحانات مستمرة معايا كنت زمان و انا بركب العربيه بحس بأستمتاع كدة أننا بسوق و مشغلة الأغانى و بجرى وسط الناس لكن دلوقتى أول مابطلع من العربيه بهبد الباب و أنا بقفلة و ببقى حاسة أننا عايزة أفجرها
الموضوع أتطور أوى لحد ماشوفت نتيجة الأنتخابات الرئاسية و ساعتها قولت أشطة كدة :Copy of rfds:
المشكلة أننا كنت زمان بضحك دلوقتى مش بضحك خااااااالص حتى لو حصل أية أدامى
حاولت أفتكر حاجات كنت زمان لما بفتكرها بضحك بس مفيش خالص
فقررت أننا أسئلكم بقى المفروض اعمل اية عشان اليوم يحصل فيه تغيير يعنى مش عارفة أروح أصطاد سمك ولا أروح أتعلم ضرب نار ولا أنزل تحت قطر و أجرب هموت ولا لأ ولا أية بالظبط ؟

ضرب النار فكرة كويسة جدا..الرماية عامة ممتعة إلى أقصى حد ومسلية

اقتباس:

---

المشاركة الأصلية كتبت بواسطة m.radwan

ضرب النار فكرة كويسة جدا..الرماية عامة ممتعة إلى أقصى حد ومسلية

---

نفسى جدا بس محدش هيرضى أننا أعمل حاجة زى كدة طبعا

ههههههههه عادي كلنا كدة و اكتر

انا فكرت انط من على كوبري ستلي و استريح و اريح الي حوليا بس تراجعت قلت حرام :(

اقتباس:

---

المشاركة الأصلية كتبت بواسطة manola

نفسى جدا بس محدش هيرضى أننا أعمل حاجة زى كدة طبعا

---

هو محدش قال هتضربي ببندقية آلي يعني!
ده مسدسات ضغط هواء مثلا أو قوس وسهم.

أنا كنت زيك كدة يا MaNoLa قبل ما أشتغل ....
لما أشتغلت بقيت بتمنى ألاقى نفسى فاضى عشان ألعب رياضة وأستمتع بوقتى زى زمان ....

نصيحتى ليكى أنك تسمتعى بوقتك على قد ما تقدرى لأنك لما تشتغلى أن شاء اللى هتحسى أنك عايشة فى دوامة وضغوط مابتنتهيش ....

غيري يومك واتعلمي شيىء جديد ف حياتك عشان تقدري تتلخمي فيه واي حد يحس بملل من اسطمبة حياته يحاول يكسر هذا الملل بشىء جديد سواء كان حب جديد او تعلم لغة جديدة

فكري تعملي اي حاجة جديدة عليكي وماعملتيهاش قبل كده

حاجة كان نفسك تعمليها زمان

مثلا اركبي خيل
وممكن تدربي كمان

شوفي انت ميولك لايه واعملي حاجة جديدة
او بمعني اصح اخلقي لنفسك هواية جديدة كل فترة

يبقي عندك حماس ليها علشان تكسري الملل

اقتباس:

---

المشاركة الأصلية كتبت بواسطة deshahcoka

ههههههههه عادي كلنا كدة و اكتر

انا فكرت انط من على كوبري ستلي و استريح و اريح الي حوليا بس تراجعت قلت حرام :(

---

مش للدرجة دى بس فعلا فيه حالة ملل فظيعة

اقتباس:

---

المشاركة الأصلية كتبت بواسطة m.radwan

هو محدش قال هتضربي ببندقية آلي يعني!
ده مسدسات ضغط هواء مثلا أو قوس وسهم.

---

المبدأ نفسه أكيد هيترفض و كمان ضغط الهوا دة مش أبو أنابيب !

اقتباس:

---

المشاركة الأصلية كتبت بواسطة ghosts

أنا كنت زيك كدة يا manola قبل ما أشتغل ....
لما أشتغلت بقيت بتمنى ألاقى نفسى فاضى عشان ألعب رياضة وأستمتع بوقتى زى زمان ....

نصيحتى ليكى أنك تسمتعى بوقتك على قد ما تقدرى لأنك لما تشتغلى أن شاء اللى هتحسى أنك عايشة فى دوامة وضغوط مابتنتهيش ....

---

أشتغلت فتره طويلة بس كنت قاعدة مش بعمل حاجة عشان كدة قعدت تاني و كان الموضوع ممل أكتر

اقتباس:

---

المشاركة الأصلية كتبت بواسطة moody_687

غيري يومك واتعلمي شيىء جديد ف حياتك عشان تقدري تتلخمي فيه واي حد يحس بملل من اسطمبة حياته يحاول يكسر هذا الملل بشىء جديد سواء كان حب جديد او تعلم لغة جديدة

---

أنت طبعا مش قصدك حب بشرى , لأن الحب البشرى أنا بشوفة أستقرار أكتر من تنوع و تجديد , بس المشكلة أننا كل حاجة بتمناها بجرى وراها لحد ماتخلص و دى المصيبة

اقتباس:

---

المشاركة الأصلية كتبت بواسطة abdo_general

فكري تعملي اي حاجة جديدة عليكي وماعملتيهاش قبل كده

حاجة كان نفسك تعمليها زمان

مثلا اركبي خيل
وممكن تدربي كمان

شوفي انت ميولك لايه واعملي حاجة جديدة
او بمعني اصح اخلقي لنفسك هواية جديدة كل فترة

يبقي عندك حماس ليها علشان تكسري الملل

---

واسعة أوى موضوع الخيل دة بالنسبالى دا أنا بقولكم مبدأ الرماية مرفوض يبقى خيل كمان ! دا انتوا عايزنى أجرب أبات برة البيت بقى و تبقى حاجة جديدة برضة

اقتباس:

---

المشاركة الأصلية كتبت بواسطة m.radwan

هو محدش قال هتضربي ببندقية آلي يعني!
ده مسدسات ضغط هواء مثلا أو قوس وسهم.

---

طالما بنادق صيد يبقي جيتوا في ملعبي :)
اي حد عايز اي سؤال عن الصيد البري اتفضلوا متكسفوش
و انتي ممكن تبقي رماية في نادي فقط او الموضوع يتطور و تصطادي يمام و حمام كمان و مش كل البنادق بتبقي انابيب ده نوع منها اما ضغط الهوا العادية بيكون سوستة و ديه بتبدي من اول رمسيس و معادي و سلافيا فيما فوق و بالمناسبة السلافيا هي تعتبر اكثر البنادق متوسطة المدي انتشارا في اسكندرية
و ممكن برده تشغلي وقتك عن طريق شهادات و كورسات .. ايه مؤهلك ؟؟

فكرة القطر كويسه .. توكلي على الله

ايه رايك تجيبي سنارة وتتعلمي صيد السمك ..... متعة جامدة جدا وبتهدي النفس الى اقصى حد

او تشتري حوض سمك زينة نضيف مش شعبي وتستمتعي بالتربية والعنايه بيه .... هواية رائعة

او تجيبي عصافير زي الكوكتيل مثلا او الكناريا

او تشتري عجلة وتمرسي هواية ركوب العجل وفيه جروبات بتعمل ايفنتات بشكل مستمر هتلقيها لذيذة جدا

او تشتركي في نادي وتتعرفي على ناس جداد وتعملي صدقات

او تاخدي كورسات لذيذة في الكمبيوتر زي الجرافيك مثلا او الانيميشن هتنسي نفسك فيها

او تحولي تشتري كتب شيقة .... انزلي اي مكتبة واتفرجي اكيد فيه كتابين تلاته هيعجبوكي

او تحاولي تتعلمي لغة وتتقنيها .... حاجة رائعة لو حابه توسعي ثقفتك

لو افتكرت حاجة تاني هشارك :)

الحل هو الهجره من البلد دي

اقتباس:

---

المشاركة الأصلية كتبت بواسطة Screenplays

الحل هو الهجره من البلد دي

---

انت جبت الخلاصة :grin21:

الواحد لو عنده وقت يسأل نفسه هو سعيد و لا لأ ... يبقي مش سعيد .

يا بختك
قرب يجيلك احباط
يعني لسه مجالكيش
جتنا نيله في حظنا الهباب

اقتباس:

---

المشاركة الأصلية كتبت بواسطة shnory

يا بختك
قرب يجيلك احباط
يعني لسه مجالكيش
جتنا نيله في حظنا الهباب

---

حسبي الله و نعم الوكيل يا حج ارحمنا بقي لا عاتق هنا و لا برة
ماشي بس أفوق من الهم اللي انا فيه و لنا مقابلة التحدي في محرم :36_2_33:

كويس انك بتلعبى رياضه
احمدى ربنا ان عندك وقت تلعبى رياضه
وكويس انك بتحبى الرياضه اصلن
بس بصى وقت الفراغ ده طبيعى عند كل البنات
ممكن تستفيدى بيه بانك تطلعى عين خطيبك لو مخطوبه او جوزك لو مجوزه
او لو مفيش خطيب و لا جوز انكشى فى اصحابك كده يعنى

اقتباس:

---

المشاركة الأصلية كتبت بواسطة axel

حسبي الله و نعم الوكيل يا حج ارحمنا بقي لا عاتق هنا و لا برة
ماشي بس أفوق من الهم اللي انا فيه و لنا مقابلة التحدي في محرم :36_2_33:

---

يا راجل
طيب خلي حد غيرك يقول الكلام ده
ماهو انا كنت قاعد معاك امبارح ولا نسيت؟؟
عموما انا لسه في دار السلام
لو في شوقك حاجه تعالي وريني نفسك يا حبيبي
وبالمره بفكر اخلي حد من الجماعه اللي كانو معانا امبارح يحكي اللي حصل :0002014a:

شنوري يتحدث من جهاز احمد ميدو الكائن بدار السلام
علشان كسلت افتح العضويه بتاعتي

اقتباس:

---

المشاركة الأصلية كتبت بواسطة screenplays

الحل هو الهجره من البلد دي

---

يابنى هو كل واحد يقولك مشكله تقوله هاجر
طب هاجر انت بقى

شوفى اى هوايه ومرسيها
او خدى اى كورسات جديده

Search for ur old( school , street , etc. ) friends

مع كمية الاحبااط اللي عند المصريين كلهم
ممكن تشوفي حاجة تريح الاعصاب ممكن تتعلمي بيانو مثلا
او حاجة فيها تامل يوجا مثلا ..

اقتباس:

---

المشاركة الأصلية كتبت بواسطة manola

في الكام يوم إلى فاتوا دول حسيت أننا عمرى كله أسطامبة واحدة زى مابيقولوا
كل يوم جرى و تمارين الصبح و بعد كدة قاعدة فى البلكونة أو بفكر فى خطط مستقبليه و طبعا اليوم كله بيجرى بالطريقة دى رغم أننا خلصت أمتحانات بس لسه نفخة الأمتحانات مستمرة معايا كنت زمان و انا بركب العربيه بحس بأستمتاع كدة أننا بسوق و مشغلة الأغانى و بجرى وسط الناس لكن دلوقتى أول مابطلع من العربيه بهبد الباب و أنا بقفلة و ببقى حاسة أننا عايزة أفجرها
الموضوع أتطور أوى لحد ماشوفت نتيجة الأنتخابات الرئاسية و ساعتها قولت أشطة كدة :copy of rfds:
المشكلة أننا كنت زمان بضحك دلوقتى مش بضحك خااااااالص حتى لو حصل أية أدامى
حاولت أفتكر حاجات كنت زمان لما بفتكرها بضحك بس مفيش خالص
فقررت أننا أسئلكم بقى المفروض اعمل اية عشان اليوم يحصل فيه تغيير يعنى مش عارفة أروح أصطاد سمك ولا أروح أتعلم ضرب نار ولا أنزل تحت قطر و أجرب هموت ولا لأ ولا أية بالظبط ؟

---

أنا رأيى إن حضرتك تجربى الأنس بالله والله لو اذقتى قلبك الأنس بالله فلن تملى أبداً
وأول الطريق إن حضرتك تتعملى القرأن لأنه علم فو قرأتى القرأن كما أنزله الله ستشعرين بمشاعر لايمكننى وصفها
بالإضافه إن حضرتك تشتغلى أو تعملى أى عمل مفيد حتى لو عمل خيرى
وفقكم الله لما فيه الخير

يابخت كل واحد فاضي

انا نفسي افضي اتفرج علي التليزفون واشتري حاجات واتفسح والعب مع العيال والعب جيمز وازور قرايبي وصحابي واغير العربيه وانام واقري كتب كتيير

اقتباس:

---

المشاركة الأصلية كتبت بواسطة moody_687

غيري يومك واتعلمي شيىء جديد ف حياتك عشان تقدري تتلخمي فيه واي حد يحس بملل من اسطمبة حياته يحاول يكسر هذا الملل بشىء جديد سواء كان حب جديد او تعلم لغة جديدة

---

حلوه حب جديد دى كنت بعملها زمان قبل ماتجوز :10D5C8w1107:

اقتباس:

---

المشاركة الأصلية كتبت بواسطة shaddadfalcon1

يابخت كل واحد فاضي

انا نفسي افضي اتفرج علي التليزفون واشتري حاجات واتفسح والعب مع العيال والعب جيمز وازور قرايبي وصحابي واغير العربيه وانام واقري كتب كتيير

---

لللأ اوعى تقول يا بخت كل واحد فاضى الفراغ ده شىء قاتل واخطر حاجة على اى حد سواء ولد او بنت واللى قاعد لوحده وفاضى ده عرضة لتخطف الشياطين وكمان ممكن الوحدة تخليه رغم ان عنده كل الوقت يعمل كل الأنشطة اللى المشغول نفسه يفضى عشان يعملها -ميبقاش عنده نفس يعمل اى حاجة ولا يقوم من السرير حتى


الفراغ نعمة بس لو استغليته فى حاجة مفيدة وعرفت تعمل ايه بالضبط لكن عادة بيتوفر لناس مش عرفة تعمل بيه ايه:N_no[1]:


-------------------------


اعتقد ان اسكندرية اكيد فيها انشطة كتير جدا دورى فعلا على حاجات جديدة تتعلميها لما تتعلمى حاجات جديدة وتنفذي منها انتاج ده هيسعدك جدا زى الأشغال اليدوية او رياضة جديدة سباحة مثلا او كورسات سواء تفيدك فى شغلك بعد كده كمبيوتر او لغة او تنمية بشرية

كمان الجمعيات الخيرية زى رسالة هتشغل وقتك جامد وبرضه هتديكى سعادة

ولو مش عرفة تروحى اماكن تتعلمى فيها حاجات ممكن من منتديات على النت تتعلمى

وفى معاهد الجمعية الشرعية تتعلمى دينك صح او تحفظى قران وفعلا نعمتان مغبون فيهما كثير من الناس الصحة والفراغ

ولو مستفدتيش من الوقت ده هتبصى ورا بعد كده وتندمى انه ضاع


الحل الوحيد تشغلى وقتك جدا جدا جدا

ميرسى يا جماعة على كل ردودكم و قريتها رد رد و حرف حرف و أسفة لو مكنتش دخلت في الفتره الأخيره
بس أنا قربت أكتشف أنا مخنوقة من أية في حياتى ومن الواضح أننا مخنوقة من البلد ككل
يعنى المشكلة دلوقتى أتطورت أكتر
بدل ما أعدل من نفسى و تبقى الحياة بعد كدة طبيعية
حاسة أننا مش هبقى طبيعية إلا لما كل الناس تبقى طبيعية
و الأغرب أننا بحاول كتير جدا مركزش مع حاجة خالص حتى لو توك توك معدى بس للأسف المحاولة بعدم التركيز بتخلينى أركز أكتر

اقتباس:

---

المشاركة الأصلية كتبت بواسطة nonia

مع كمية الاحبااط اللي عند المصريين كلهم
ممكن تشوفي حاجة تريح الاعصاب ممكن تتعلمي بيانو مثلا
او حاجة فيها تامل يوجا مثلا ..

---

او تديها كورس صور شوكولاتات .. من الى عندك :camera2::camera2:
هاترتاح على الاخر وتنبسط :10D5C8w1107:

اقتباس:

---

المشاركة الأصلية كتبت بواسطة manola

أنت طبعا مش قصدك حب بشرى , لأن الحب البشرى أنا بشوفة أستقرار أكتر من تنوع و تجديد , بس المشكلة أننا كل حاجة بتمناها بجرى وراها لحد ماتخلص و دى المصيبة

---

لا طبعا مش حب بشري اللى اقصده انك تحبي كل ماهو جديد امام عقلك وعينك حبيتي انك تسافري بلد معينة ف مخيلتك زى تركيا مثلا وعايزة تتعرفي ع ثقافتها يبقى تتعلمى اللغة التركية حبيتي مثلا كتاب نزل جديد وحبة انك تقرأيه زى مثلا كتاب 28 حرف لاحمد حلمي وهكذا

مادام انتى مخنوقة من حال البلد يبقى مش تتابعي برامج التوك شو او البرامج الاخبارية عموما عشان مش معظم الناس بيجيلها اكتئاب من كتر حلاوة الاخبار اللى بتمر بيها مصر وادعي ان ربنا يسترها ع مصر

اقتباس:

---

المشاركة الأصلية كتبت بواسطة mado83

حلوه حب جديد دى كنت بعملها زمان قبل ماتجوز :10d5c8w1107:

---

انت فهمتني غلط يامادو يريت الانسان يقدر يغير بين حب وحب جديد لكن للاسف الحاجة الوحيدة اللى الانسان مش بيقدر عليها هو القلب بيكون متجه لحب انسان واحد فقط لا غير
انا اللى اقصده بحب جديد انها تحب اى شىء جديد تفعله