-
mazda 3
السلام عليكم
انا يا جماعه كنت عاوز اعرف ايه سبب عدم انتشار المازدا 3 الشكل الجديد اللي هو لحد 2011 انا كنت بفكر اجيبها بس مش شايفها منتشره خالص مع انها في سعر الالنترا الجديده يعني الناس بقت تفضل الكوري علي الياباني و جودته و اعتماديته !! يعني المشكله مش مشكلة سعر !! طب في مشاكل في الموديل ده ؟؟ اصلي مستغرب انه مش منتشر مع اني شايفها قيمه مقابل الفلوس اللي هتدفع فيها . فكنت عاوز اعرف رايكم هل تستاهل ؟؟
و شكراا
-
أساسا المازدا 3 من ساعة ما نزلت مش منتشرة يعنى مثلا هنا عندنا فى المنيا قليل قوى لما تلاقى مازدا 3 سواء الشكل القديم او الجديد فى مركز مطاى مثلا اللى أنا منه مشفتش ولا واحدة ولا أعرف حد عنده العربية دى لكن هى عربية ممتازة بكل المقاييس وهى بعد السيفيك والأكورد فى اليابانى من وجهة نظرى وبعدين العربيات دى ثقافات يعنى عندنا ناس كتير مش فاهمة وتقولك جملة شهيرة : المازدا فاسدة ولو ع الزيرو ودا كلام ناس مش فاهمين خالص طبعا وبعدين الشخص اللى بيركب إلنترا معتقدش انه يفكر يركب مازدا أو هوندا لأن دى ثقافات انت ممكن تلاقى أى حد راكب إلنترا لكن مش أى حد بيركب مازدا رينو فورد برغم ان مازدا برضه منتشرة إلى حد كبير عن ال فورد مثلا وأنا بشوف المازدا الشكل الجديد كتير فى بنى سويف المحافظة اللى بدرس فيها لكن كله بيقول ان توكيلها سئ والله أعلم وقطع غيارها مش رخيصة ومش غالية قوى لكن لو خيرونى بينها وبين إلنترا هختارها بدون تردد
-
نقطة مهمة برضه نسيتها أنا شايف ان الكورى اعتمادية برضه وسمعة كويسة وشايف ان اليابانى والكورى بيلعب فى رينج واحد يعنى يعنى اليابانى والكورى فى السيارات فى كفة والأوروبى بكل أنواعة فى كفة تانية طبعا الأوربى يكتسح
-
عربية مش لاي حد فلذلك عاوزة حد يكون دماغه فيها علشان يركبها
عكس الي بيدور علي عربية موفرة فكل شئ واداء متوسط وخلاص ويعرف يبيع
دي بتبقي عقلية المشتري وليس عيب فالعربية
مجرد راي
-
يعني بلدنا ديه اللي عاوز يجيب عربيه تقضي مشاويره و رفاهيه و متقرفوش و توجع دماغه يبقي يركب كوري هو اللي ماشي في البلد ديه صح ؟
-
المشكلة فينا اننا بنهمل فى الحاجة ويعنى إيه عربية متقرفكش ؟؟؟ يعنى عربية تهملها ؟ وبعدين تروح تصلحها عند أى ميكانيكى مش فاهم حاجة فى أى حاجة يبقى انت عايز عربية مفيهاش تكنولوجيا ومفيهاش شغل وأى حد يحط إيده فيها تمشى انما لو جبت عربية زى مازدا مثلا لازم تتابع صيانتها أول بأول ولو استخدمتها صح مش هتشتكى ولا هتتعبك انما لو عطلت منك بسبب سوء استعمالك وطبعا مش اى حد بيشتغل فيها وقطع غيارها فى اماكن معينة فهتتعبك شوية بس فى النهاية بتركب حاجة أفضل
-
انا فصدي متقرفوش يعني لو اتخبطت منه في يوم مثلا مش هيدفع فيها دم قلبه زي ما هيدفعه في المازدا فالخبطه مش هتوجعوا اوي :)
-
يعني رايكوا مازدا 3 ولا النترا 2012 ؟
-
المازدا فعلا مش لاي حد , تعتبر احسن ركوبة وهاندلنج وثبات في الياباني مع السيفيك , ولكن عدم انتشارها ادى الى غلاء قطع غيارها ونزول سعر اعادة بيعها وعدم اهتمام التوكيل بيها , عامة مازدا مش هي الماركة العالمية ولا Best-Selling في اي فئة هي لناس معينة ( للشباب ) , وكنبتها عشان كده صغيرة , ومشكلتها الاساسية هنا انها بتنزل بموتور لا يليق بيها ( 105 حصان ) يعني عربية رياضية بموتور بطة
عشان كده انا عن نفسي لا افضلها
-
فعلا موتورها بطة زى موتور الفلوانس برغم الشكل الرياضى اللى بيوحى بالقوة زى برضه موتور الشارك ال 1500 سى سى برغم ان شكلها يوحى بالقوة بس برضه هختار مازدا وبعدين مين قال لحضرتك ان لو الالنترا اتخبطت مش هتدفعك دم قلبك ؟ مش كله سمكرة وشغل دهان ومش هترجع تانى زى الأول بس النترا موتورها 130 حصان بس طبعا قريت كتير ان العربيات الكورى دى بيقولوا احصنة زى ماهما عايزين لكن فعليا مش بتدى الأداء بتاع 130 حصان والله أعلم الكلام دا على النترا الجديدة لأنى مجبرتهاش والمازدا 3 فعلا كنبتها الخلفية ضيقة زى كنبة الصنى غير كدا زى ماقلتلك ان قطع الغيار والتصليح هتبقى مش متوفرة زى الالنترا بس توكل على الله وخليك فى مازدا 3 عربية تتركب وعلى فكرة انا قريت انها مبنية على نفس طراز فورد فوكس لأن فيه تعاون بين الشركتين
Content Relevant URLs by
vBSEO 3.6.0 PL2