فيات 132 1600 سي سي السلام عليكم انا عايز اشترى عريبة فيات 132 1600 سي سي (علشان الض

السلام عليكم
انا عايز اشترى عريبة فيات 132 1600 سي سي (علشان الضريبة والبنزين)

سؤال بسيط
هي ال 132 1600 سى سى فيها عيب ؟؟؟
انا مش لاقى حاجه عنها هنا فى المنتدى اومواقع السيارات الاخرى
كلو ببيتكلم عن ال 2000 سى سىويشكر فيها فانا عايز اعرف هى افضل فى ايه الشكل او الامكانيات بغض النظر عن قوة الماتور والبور عن 1600 مثلا عيوبها كثير بتحتاج اصلاح اكبر قطع غيارها صعب تلاقيها مثلا
يا ريت حد يقولى ال 1600 مالهابس مش عارف ليه لما ملقتش حاجه عنها خوفتاجبها
ياريت حد يجوابنى بالتفصيل
-----
اللون الاحمر مخصص للمدخلات الاداريه فقط

ممنوع الكتابة بلون الاحمر :) دة مخصص للادارة فقط
ال132 ال 2000 سي سي بيكون صالونها احسن كتير من صالون 1600
ال2000 بيكون ارتفاعها عن الارض افضل من 1600 وكمان حجم عجالها بيكون اكبر
ال2000 بتكون بور بس مش عارف كل ال2000 كدة ولا لا
اسال فى منتدى فيات هتلاقى الافادة هناك اكتر

اولا احب اشكر الاعضاء على تجاوبهم
ثانيا انا اسف على استخدام اللون الاحمر لانى لسه جديد فى المنتدى ومش عارف ازى اعدل الموضوع واغير لونه منين

بس ياريت من الاعضاء توضيح اكثر عن جزء الميكانيكا والاعطال فى 1600 و2000

فى ال 1800 ممكن تخليها 1600 بتفير البلوك ب 150 جنيه
عندى 132 مو 1977 1800 ببيعها لو بتفكر وانا والله مش عارف الفرق الحقيقه

ياريت حد يفدنى اكثر

بص يا سيدى ال 132 دى عربية جامدة اوى و انا جربتها اللى هى 1600 و طبعا ال 2000 اجمد منها و بتسحب و حمالة اسية اوى بس ال 2000 طبعا بتاكل بنزين بحكم انها 2000 و ده طبيعى فى اى عربية 2000 ملحوظة: ال132 بتتسمى مرسيدس الفيات عشان هى جامدة وواسعة و لو عايز تجيب هات ال1600 عشان هى من جوة صالون ال2000 بس الفرق بينها و بين ال 2000 (الباور و الزجاج الكهربائى) ولو عايز تجيبها اتوكل على الله هى عربية تستاهل

و كمان ال132 من ضمن مميزاتها انها جر خلفى و دى ميزة كبيرة اوى فى وجهة نظرى على العموم مفيش حد اشتكى من ال132 خالص اتوكل على الله بس حاول تجيب اجدد موديل تمانينات

من اهم الحاجات اللى بابص عليها فى العربية هى وسعها ال 132 واسعة اوى لكن الشاهين من ورا ضيقة اوى وده كلام باجيبوا من ناس اصحابى مجربين ده و ده الشاهين معاك انها حمارة شغل بس الكورونة بتاعتها مش اد كدة و كمان فى منها كتير 1400cc وده وحش على حجمها بس نزل منها 1600cc لو قارنت بين ال132 و الشاهين هاتلاقى الميزة الوحيدة ان الشاهين موديلات اجدد من ال 132 وده طبعا يفرق فى سعرها جامد و لو لاقيت اى حاجة فيهم بشرط الحالة الجيدة جدا و بالذات ال132 اشترى علطول ربنا يوفقك

عاملهم كوبى من موقع يا ريت اكون افدتك

الف شكر يابرنس

العفو يا كبير يا رب اكون افدتك ولو فكرت ف 1800 انا موجود :d

132 1600
عربية حلوة و بتستحمل جداً
شكلها حلو لو نضيفة
عريبة عجوزة بس أصيله
العجوزة عمرها ما هتبقا شابه بس ممكن تعملها عملية تجميل تمشيها شوية
مهما تصرف عليها مش هيبان عليها الشغل
لو سمعت للصنايعية هتصرف كتير و مش هتحس بأي حاجة
موضوع ال1600 و البنزين مش هتحس بيه كده كده بتاكل بنزين و متمشيش ورا الصنايعية بردو
لو مشاويرك كتيرة وسفر و تنطيط هتفرط منك بسرعه
لو مشاويرك على أدك و بتحافظ هتعيش معاك شوية حلوين وبعد كده هتفرط تاني
أهم حاجة و عن تجربة لو فتحت فيها شغل و حليتها مش هترجعها زي الأول و لوصرفت عليها تمنها
يعني من الآخر حلوة لو حلوة
لو وحشة هتبيعها بخساره
لو اشتريتها ماتصرفش عليها مليم الا بعد ماتعرف كل مسمار فيها
إيه رأيك هتعرف تعيش كده و لا إيه
أنا عن نفسي عايش كده