1- استهلاك البنزين
2- كنت زمان بركب موتوسيكل صغير كده بيتحط زيت مع البنزين هوا ده كده؟
3- انطباعك خلال ال250 ك عن السكوتر ده والفرق بينه وبين الفيدل
عرض للطباعة
1- استهلاك البنزين
2- كنت زمان بركب موتوسيكل صغير كده بيتحط زيت مع البنزين هوا ده كده؟
3- انطباعك خلال ال250 ك عن السكوتر ده والفرق بينه وبين الفيدل
1- استهلاك البنزين لسة محسبتوش الصراحة, بس مكتوب في الكاتلوج تقريبا 3 لتر / 100 كم
2- لأ ياباشا دة بنزين بس و تبريد هوا.
3- انطباعي انة اكبر و اشيك و التحكم فية احسن من ال Fiddle عشان اطول فالوزن متوزع كويس, الكرسي مريح جدااااااااا و المساحة اللي تحت الكرسي كبيرة و بتكفي الخوذة.
هل ال250 تبريد مياه ولا هوا برضه؟؟
شكرا يا باشا على الاجابه السريعه..طب ممكن اعرف تليفون الوكيل لأنى من القاهره وكنت عايز اعرف مواعيد العمل وشوية تفاصيل تانيه..عشان عايز اجى اسكندريه واتشرف ببلد اجدع ناس اللى رفضت الفلول
معلش ومحدش يفهمني غلط
بالنسبه للبرستيج وإنت سايقه في الشارع
كسكوتر أولا وصيني ثانيا ؟
بالنسبة للبرستيج طول ما انا ماشي الناس كلها بتتفرج و معظمهم يقولي نفسي أعمل زيك :10D5C8w1107:
مش هقولك غير حاجة و احدة تعالا نورنا في اسكندرية و شوف اشكال الناس اللي سايقة الاسكوتر.
اصلا احنا في جروب اسمة Alexandria Scooters Riders Club - ASRC و كله ناس دكاترة و مهندسين و ظباط
موضوع الصيني تقريبا محدش يعرف انة صيني بالعكس الناس لما بتعرف انة صيني بتستغرب.
طيب إنت لو عندك معرفة بأنواعهم في إيه أنواع في مصر '' غير الصيني ''
إنت طبعا شفت ال Gilera إيه رأيك فيه وهل في حاجة أحسن ليها توكيل في مصر ؟
عمتا الصيني كويس جدا و عملي و الفكره في الصيني سعرة.
لو مش فارق معاك الاسعار في حاجات تانية زي:
1- suzuki burgman
2-yamaha tmax
3-honda silverwing
بس دول اسعارهم غالية جداااااااااا مقارنة ب الصيني (SYM, D-LUX, CF Moto,Maxi Scooter) و في انواع تانية كتير.
في ماركة جديدة اسمها TGB و التوكيل في القاهرة في المعادي و اسا مشوفتش الاسكوتر بص صحابي بيقولو حلو اوي و ال 300cc تقريبا ب 24 الف.
متشكر جدا
انضق ماركة موجودة دلوقت طبعا غير اليابانى هى tgb
ماركة نضييفة جدا و صناعة تايوانى و الاسكوتر ال 300 cc بيبقى بحوالى 26 الف او اقل على ما اظن
الفرع موجود فى شارع اللاسلكى فى المعادى جنب فودافون و نيسان
بس غالي اوي اوي يعني
List of scooter manufacturers - Wikipedia, the free encyclopedia
List of scooters - Wikipedia, the free encyclopedia
Look for Taiwanese & Korean
مش احنا اللي اتعودنا
المستوي المادي بيقول كده
اعتقد ان الاسكوتر ده بيركبه اي حد بره يعني مش لازم يبقي مستواه المادي غني يعني
هل تعتقد ان اي حد ممكن يجيب سكوتر ب25 الف هنا؟
ال tgb فيه موديل 150 cc بـ 12 الف تقريباًً و شكله حلو شفته برضه فى المعرض الى فى المعادى فى شارع اللاسلكى
انا شايف ان ال TGB سعره يعتبر مش غالي اوي بس انا لسه مشوفتوش بس الناس بتشكر في الجودة خصوصا ان ال CF MOTO - Jet Max ال 250cc دلوقتي ب 18500 جنية.
نفسي ال sym maxsym 400i ينزل مصر و بسعر كويس هيبقى تحفة.
انا بقي نفسي اعرف الموديل ده منزلش ليه يعني
ده انا نفسي اجيبه
ده اعلاناته وشكله يهبل
بس اعتقد انه مش حيقل عن ال10000
بأي حال من الاحوال
الف شكر
27 الف
ياليله طين
الف مبروك ربنا يكفيك شر الطريق ممكن سؤال رئيك ايه فى سكوتر هامرز صينى تقريبعامل 5400
الف مبروك ياباشا بالله عليك ابعتلى العنوان بتاعهم والتليفون عشان انا بشوف الاسكوتر دة من زمان ونفسى اجيبة وكنت عاوز اسألك انا طويل ينفع معايا يعنى هبقى مرتاح فى قاعدتة ومستنيين التقرير بتاعك عنو وشكراا
ياجماعة بليز عنوانة فين فى سموحة باتلظبط والتليفون ضرورى
الف شكر ياباشا
انا باذن الله عاوز انزل اشترى واحد بس عندى استفسار ياريت تجاوبنى عليهم لانى اول مره اركب اسكوتر اسااسا :)
انا ممكن استخدمه لمسافة 40 كيلو رايح وزيهم راجع يوميا وعلى طريق سريع فهل يصلح للنوع ده من الاستخدام ؟
تانى حاجه الاسكوتر بقاله معاك فترة طويلة هل ليه اى عيوب اكتشفتها فى الفترة اللى فاتت ديه ؟
تالت حاجه فى الشتا هل ممكن انزل بيه عادى ولا بيبقى فيه مشاكل ؟
والف شكر ليك وعذرا لكتر الاسئلة
بالنسبة للمسافة عادي جدااا
ال D-LUX حلو بس مشاكل الكهربا فية كتير شوية لكن مع الصيانة و كده كويس مش وحش بس مش بتاع مرمطة زي ال Fiddle
النزول في الشتا عادي بس تجنبا للبهدلة انزل بالعربية في ايام المطر لكن الساقعة عادي جاكت جلد و الخوذة و الجونتي مش هتحس بحاجة.
الف شكر للرد
بس بتعملة صيانته فين ؟ وايه المقصود بمشاكل الكهرباء يعنى ممكن فجاة يبطل منى ومعرفش ادوره اصل انا حبقى ماشى بيه على الطريق الدولى بين البرج والاسكندرية وممكن بليل فموضوع زى ده حيعملى مشاكل ؟
وكمان حاجه اخيرا وسائل الامان يعنى مثلا انا رايح بيه التمرين رايح بيه كورس مش بيبقى فيه اماكن جراج مثلا ممكن اشيله فيه هل فيه وسائل امان مناسبه للوضع ده ولا اخره اربطه بجنزير فى اى عمود حديد وانا ونصيبى !!!؟
واسف للاطاله بس انا معنديش معلومات كافيه فى الموضوع ده وعاوز اشترى واحد بصراحه فبعمل الاستفسارات النهائيه :)
الصيانة سهلة عادي و في كذا حد في اسكندرية بيعمل صيانات للأسكوترز
مشاكل الكهربا مره حصل قافلة عشان سلكين ملمسين كده يعني.
بس بالنسبة لمشوارك كل يوم من اسكندرية للبرج انصحل بحاجة اكبر شوية في الموتور عشان ترتاح في المشاوير الطويلة.
بالنسبة للأمان اي حتة تروحها يا يبقى قدام عينك يا في جراج ي سايس غير كده اربطة بجنزير و سيبها على ربنا بس منصحكش تسيبو كده.
لو سمحت كنت عايز اخبار السكوتر معاك ايه بعد سنة و 8 شهور من حيث الكفاءة و الصيانة
و هل واجهتك مشاكل معاه ولا لأ