عرض للطباعة
السلام عليكم
رحت اصلي الجمعة في امان الله وركنت العربية وبعد الصلاة طلعت ملقتش العلامة اللي قدام واللي ورا للاسف الشديد :Copy of rfds::Copy of rfds:
مش عارف اقول ربنا يسامح اللي عمل كده ولا اقول ربنا ينتقم منا ... المهم اهو اللي حصل حصل والحمد لله علي كل حال
العربية الوقتي بصراحه شكلها مشوه من ورا ومن قدام ... وسعر العلامة في التوكيل حوالي 300 ج !! طبعا انا مش اهبل عشان اشتري علامة جديدة ... عايز اعرف مفيش حل اداري بيه الشكل بتاع العربية ؟ ياريت تدوني حلول عملية لاني بجد حزين قوي :((
متزعلش من اى محل اكسسوارات جيب اتين و حطهم ( طبعا بيكونو مش اصلى ) تمن الواحدة حوالى 10ج بس جبلك اتنين و حطهم و خلاص . وطبعا علشان مش اصلى بيعدو شويعة (كام شهر يعنى ) و بيصوفو كدة ... يعنى تغيرهم كل كام شهر ...
مرة تانية متزعلش يا باشا .
م / مصطفى
اللي اعرفه ان علامة الرينو يا باشمهندس مش بينزل منها تقليد ؟؟ واحد صاحبي اتسرقت مننه برده وقالي انه دور كتير وملقاش غير الاصلي بس وفي التوكيل ...
السلام عليكم...
موجوده بره التوكيل تركى ب 45 ج الاماميه و ب35 الخلفيه
ولو مالقيتش علامة اللوجان هات بتاعة الميجان وشيل الظهر الاسمر وركبها فى ال 4 أفايس...وتمنها برضه 45ج
وفيه مصرى ب 25ج
يعني علامتين ب 80 ج ... منه لله والله اللي سرقها .. علي العموم شركا علي النصيحة ... بس هل فيه فرق في الشكل او في الخامة بين الاصلي والتركي ؟ يعني لما الحرامي هيشوف التركي ده هيعرف انها مش اصلي يقوم يتهد وربنا يشل ايده ويسيبها في حالها ؟اقتباس:
المشاركة الأصلية كتبت بواسطة dr_msr_saudi
امين يشله كلة مش ايدة ..... قللى بيسرق ربنا بنتقم منه .... على كل حااااااال طبعا المصرى يكسب ..... و التقليد موجودة فى اسكندرية عند سعيد نصار فى سموحة و شارع صلاح الدين محلات كتيييييييييييييييير جدا .
م / مصطفى
فى واحد كان اقترح فكره نبرشم العلامات وانا شايفها فكره حلوه
نصيحه بلاش لان بعض اللصوص دول ممكن الموضوع ده يستفزه يروح كاسرها او جايب مفك و لا عتله يجرحلك بيها البويه و هو بيحاول يفكهااقتباس:
المشاركة الأصلية كتبت بواسطة blackhorse123