عايز اسقط موتور لل127

معايا 127 ايطالى مو 1976 مش مغير فيها حاجه الا جنوط سبور و كاوتش عريض تقريبا 165/55/13 و عايز اسقط لها موتور بحد اقصى 1300 سى سى و اعدل فراملها لسيرفو ,
موتورها الحالى 1050 سى سى و لغايه 80 كم/س مريح و صوته معقول و اكتر من كده لغايه 100 كم/س ( و دى اقصى سرعه حاولت اجيبها و لمده 10 ثوانى) ما تسمعش الى جنبك بيقول ايه
النتيجه الى عايز اوصلها مش حاجه وهميه , عايز محرك صوته هادى , سهل التعامل معاه سواء قطع غيار او اصلاح , و مش محتاج سرعه وهميه بس مجرد اقدر اسافر بيها و امشى 120كم/س مستريح و لمدد طويله
و طبعا لازم اعدل الفرامل تبقى سيرفو و اكبر
ميزانيتى لكل حاجه 5000 جنيه ممكن تزيد حاجه بسيطه
اهم ما فى الموضوع انى عايز الى يعملها يكون ثقه و متجرب و يتولاها من الالف للياء لان شغلى مش سامحلى بأى وقت يعنى اوديها له فى ميعاد معين و اخد ميعاد للاستلام
و شكرا

موجود بس مش فى القاهرة ... بس مش 1050 دا الاداء بتاعو أحسن من 900 ؟؟؟

يا سيدي ما تبيعها وتحط ال 5 فوق ثمنها وتريح نفسك وتجيب حاجه تانيه

التعديل مش بيزود حاجه في ثمن العربيات خصوصا القديم منها

الموضوع مش انى ابيع و ازود عليها
الفكره انى بأحب العربيات القديمه و احب اسوقها عن الجديده
انا و لله الحمد معايا عربيه تانيه جوليت مو 2004 كامله و صدقنى مش بأستمتع بسواقتها زى ال127
الموضوع ان ناس كتيره بتعتبر العربيه مجرد وسيله نقل لكن انا بأعتبر العربيه من المقتنيات الى لازم تكون بتحبها و تحافظ عليها و العربيات القديمه الى متحافظ عليها بتحسسنى بالاصاله ز
و سؤالى ما زال قائم عن رفع مستوى اداء السياره بمحرك اعلى و يا ريت حد فى القاهره

تمام !!

حطيلها مكنة ال 128 الي هي 1300

بس دي حتكون كبيرة و حتضر تعدل قواعد مقدرش أفيدك أكتر من كده :((

بص يا باشا انسب حاجة لل 127 موتور ال اونو من حيث استهلاك البنزين وكمان عشان متعملش تعديل فى الصاج لكن اى موتور تانى هيحتاج حوارات كتيير وهتخوش فى متاهات
انا لية واحد صحبى عندوا 127 وكان بردوا عايز يسقط عشان بيسافر كتيير لف كتيير على مواتير وفى الاخر سقط موتور اونو بالفتيس بتاعوا و معملش اى تعديل فى الصاج وبتجيب معاة 120 مستريح و شغل نضيف جدا زى الفابريكة
احنا من مدينة نصر بردوا لو حابب تبص على العربية و يقولك عملها فين وكلفتوا كام وتستفسر منة على الى عايز تعرفوا كلة

موتور فيات اونو زي ما الاخ nadarottyy قال هو دا التمام بتاع العربيه دي

على فكره استكمالا للموضوع بتاع عربيتى ال 127
انا سافرت بيها الساحل و طول الطريق ماشى 100/110 كم (طبعا بالنسبه لعمر العربيه 36 سنه و انها 4 غيار فده انجاز) و ريحت 15 دقيقه بس فى ماسترز
المهم انا ما زلت ناوى اغير الموتور و يا ريت العضو المحترم بتاع مدينه نصر يسألى صاحبه عمل عربيته فين و بكام و اخبارها ايه دلوقت
و شكرا

اهلا وسهلا بيك يا باشا بص العربية ما شاء اللة زى الفل وماشية معاة تمام بس بينى وبينك انا معرفش تفاصيل اكتر عن العربية وانا لما لقيتك عامل الموضوع قلت ادخل اساعد بس انتا ممكن تشوف انتا فاضى امتى وهوة فاضى امتى ويقابلك ويقولك على كل التفاصيل وهوة زيك برضة معتز بل 127 ومعاة عربية تانية بس بيفضل 127 ومش هايتاخر عليك فى المعلومة

السلام عليكم

و عليكم السلام و رحمه الله و بركاته
ما زلت مع طول انتظار فى الحاجه للرد على استفسارى
و زاد عليه سؤال تانى
هل ممكن اغير الفرامل الخلفيه فى ال 127 من نظام الدرامات الى نظام الديسكات يعنى قدام و ورا تبقى طنابير و لقم
وشكرا

اهلا وسهلا بيك يا باشا بص العربية ما شاء الله زى الفل وماشية معاة تمام بس بينى وبينك انا معرفش تفاصيل اكتر عن العربية وانا لما لقيتك عامل الموضوع قلت ادخل اساعد بس انتا ممكن تشوف انتا فاضى امتى وهوة فاضى امتى ويقابلك ويقولك على كل التفاصيل وهوة زيك برضة معتز بل 127 ومعاة عربية تانية بس بيفضل 127 ومش هايتاخر عليك فى المعلومة