لوجان بلاك لاين 2012 بعد 500 كم استخدام
الحمدلله وبسم الله ماشاء الله :
الموتور مش زي ماقالو عنها ان صوتها عالي بالعكس طيبة ومؤدبة وبنت ناس صوتها مبيعلاش.
العفشة كويسة ومريحة بس معرفش كنت ماشي عالدائري امبارح جاي من 6 اكتوبر كنت حاسس بالطريق عالسرعه يعني حاسس ان الطريق مش ناعم ممكن يكون عشان الدائري الاسفلت بتاعه بينهار.
الفرامل بسم الله ماشاء الله زي الفل.
الاضائه توزيعها كويس جداً.
التكييف بقا هاروحلهم بيه التوكيل لان في الاشارات (الضهر في الحر) بيكون سئ اوي بس باليل او وهو الطرق مفتوح زي الفل.
الثبات عالارض جميل بس انا ليسا محاولتش اعدي 100 كم.
استهلاك بنزين جيد والحمدلله 100 كم = 8لتر تقريباً.
الراديو صوته كويس ومش محتاج الاريال الجبار اللي مدينهولنا اللي بيجيب سي ان ان ههههههههه .
اللي يقرا لو سمحتم يصلي عالنبي ويقول ماشاء الله
