الموضوع: استشارة فنية .. عايز اظبط التكييف بعد حادثة بسيطة

السلام عليكم,

أنا كنت عملت حادثة بسيطة كده و جت فى الشبكة فراحت الكلاكسات داقرة فى السربنتينة و الفريون الفابريكة كله اتسرب.

فا رحت لواحد كشف عليها و قالى لازم نفكها و نلحمها ببودرة الومنيوم .. وبعد كده نكبسها فريون تانى.
قلتله ماشى بس نوع الفريون ايه؟ قالى أولاد رزق قولتله اتكل على الله وبعد مناهدة و فصال اتفقنا على 160 جنيه كل حاجة.

المهم دلوقتى وانا مشغل التكييف باسمع صوت غريب كده زي مايكوت تصفير او تكتكة بس لما بمشى على سرعة عالية شوية بيروح .. وده مكنش موجود قبل كده
و كمان التكيف بيسقع بعد فترة كبيييرة اوي ..

علما انه ماحطش اي زيت قبل ما يشحن و بصراحة معرفش هو شحن على كام

افيدونا يا أهل المعرفة