-
محدش يشيل المصفحة!!
السلام عليكم يا رجالة
انا حبيت انقل تجربة حصلت معاية وحسيت بفائدتها.
من سنه كدة وانا بغير الكاوتش عامل الكاوتش كان على قدة ورفع العربية من المصفحة مما ادى الى تنيها وفك جزء من اللحام بها خلى الشكمان يسمع فى العربية صوت زنه نتيجة التلامس المهم شيلت المصفحة علشان كانت بتحك مع الطرق الزفت بتاعة الاسكندرية وحسيت وقتهاان العربية عليت بس طبعا كنت غلطان جدا لان اى حاجة هتلمس العربية من تحت هتخبط فى كارتيرة الزيت وممكن تؤدى الى كارثة لقدر الله.
بس علشان انا مبشيش بالعربية كتير كنت مكسل لحد ماروحت لبتاع لحام علشان الحم خرم فى الشكمان وافتكرت المصفحة فخليتوا يلحمها ويغير المسامير ويركب كاوتش بينهم والحمد لله الصوت بقى كويس ومفيش الزنة اللى كانت موجودة بس المفاجاة اللى مكنتش واخد بالى منها ثبات وقوة العفشة زاد.
فعلا زاد بطريقة ملحوظة لان العفشة عندى الامامية كانت خفيفة بالرغم انى مغير المساعدين من سنتين بالاصلى وصوتهم تسمع فيه صوت الغاز مع المطبات.كنت لما بهز العربية من عند المساعد العربية كانت بتنزل معاية بسهولة بس بعد تركيب المصفحة بقية حاسس بقوة رد الفعل من المساعد معنى كدة ان المصفحة بتقوم بوظيفة الدعامات السفلية الرياضية للسيارة lower armمع المطبات بالاضافة الى حماية الماتور والفتيس من تحت:W_022:.
فعلا الالمان والخواجات مبيركبوش حاجة ملهاش لازمة فى العربية فنصيحة اى حاجة فى العربية حتى لو كان خرطوم شاليموه واصل ميتشلش لان اكيد ليه لازمة بس الصنايعية اسهل حاجة عندهم يشيل ويرمى ويقول مالوش اى لازمة.
معلش طولت عليكم بس حبيت امسى:0002014A:
-
-
غريب الموضوع ده.
أنا كنت شيلتها برضه شهر كده عشان كنت عارف ان فى شغل هعمله فى الشكمان بعد فترة .. و ركبتها لما خلصت .. بس محستش بالموضوع بتاع العفشه ده.
عموما انت لو حطيت لها 4 كاوتش طعميه .. الصوت هيروح تماما ان شاء الله.
-
الله ينور يا باشا ويباركلك ف العربيه
-
هى المصفحة دى ممكن الاقيها استيراد او جديد ؟؟؟
اصل العربية للاسف مش فيها المصفحى دى من تحت
ولو لاقيتها ممكن مين اللى يركبها ؟؟؟؟
-
ممكن استيراد
فى حدود 100-200
و اى سمكرى او ميكانيكى او عفشجى يركبها
قدام مسامير 13
ورا مسامير 14
و ياريت تحط تحتها كاوتش طعمية عشان مترنشى
-
ممكن استيراد
فى حدود 100-200
و اى سمكرى او ميكانيكى او عفشجى يركبها
قدام مسامير 13
ورا مسامير 14
و ياريت تحط تحتها كاوتش طعمية عشان مترنشى
-
تسلم يا طنانى باشا
جزاك الله خيرا
-
وراء وقدام مسمير 13 فى حدود 250 300
-
انا كنت سايبها عندي في شنطه العربيه من زمان عشان مكان خرم المسامير عايزة تتلحم
وركبتها النهارده كنت بعمل حاجه في الشكمان قولتله ركب المصفحه بالمرة.. لحم مكان المسامير وحط 4 كاوتشات وركبها تمام
بس مش متهيقلي ان ليها علاقه باللي بتقوله
دي مجرد حمايه للموتور والفتيس مش اكتر
Content Relevant URLs by
vBSEO 3.6.0 PL2