عايز اشترى ميجان 2005او2006 وعايز رأى رجاله الميجان؟

**myamany75** · 01-06-2012 10:45 PM

السلام عليكم ورحمة الله وبركاته
..
رجاله الميجان انا انشاء الله ناوى اشترى رينو ميجان 2005 او 2006 وابيع العربية اللى معايا (معايا دايو لانوس م2004) والصراحة الدايو اللى معايا بفضل الله زى الفل بس الزحمة بتاعت البلد خلتنى عايز اشترى اتوماتيك وتكون رسية وامان شوية ،وفكرت فى عربية حلوة يكون فرق سعرها لما ابيع الديو ميكونش كتير وواحد صاحبى رشحلى الميجان .
بس لما سألت عنها لقيت كل الناس بتعيب عليها (على فكرة الناس ده مش معاها ميحان) بس اللى بيقراء خبر او بيسمع من صاحبة ..المهم كلة قال لى ان العربية ده وحشة وقطع غيارها نار وثقيلة فى بيعها اوى .
وانا كنت عايز رأيكم المحترم الموضوعى فى العربية ده لان انا بحترم ااعضاء المنتدى ده وبثق فى رأيكم

بس علشان خاطرى اللى بيقولى حاجة عنها يقول المزايا والعيوب واسعار قطع الغيار الحالية وافضل مكان صيانة او مركز خدمة يكون قريب من المعادى

وربنا يكرمك ويجزيكم عنى خيرا

**Ahmed Selim** · 02-06-2012 09:43 AM

بالنسبة للعيوب..............راجع قسم أهم موضوعات القسم فى قسم رينو.......موضوع أسمه

كل ما تريد معرفته عن ميجان ii

بالنسبة لقطع الغيار خارج التوكيل.........على سبيل المثال
التيل الأمامى ريمسا أسبانى ب 180 جم
الطنابير برضه ريمسا أسبانى ب 300 أو 350 تقريباً

شوف أنت عاوز تسأل على أيه بالظبط و إن شاء الله الوحوش تفيدك فى السعر.

**Shiref_mohamed** · 05-06-2012 11:59 AM

لو عاوز ميجان لازم تكون حالة ممتازة وشرط تكشف عليها في التوكيل
وسيبك من كلام الناس الى مركبوش العربية .. العربية تحفة بكل المقايس بس زي ما قلت اهم حاجه الحالة وديه بتبقى صعبة شويه وحتحتاج وقت عشان تلاقي حاجه كويسه لآن كل الى معاه ميجان نضيفة مش بيفكر يبيعها اما الى معاه ميجان متبهدله بيبقى عاوز يخلص منها ..