طبعا اكيد فيه كتير بيهتموا بالجيمز والصراحه بما اني طبعا بلعب ماكس بين من زمان يعني انا لعبت الجزء الاول لما كانت الاجهزه مش بتشغلها اصلا وكنا بنروح عند واحد مخصوص جايب كرت شاشه عملاق تقريبا ايامها يا32 يا64 مش متأكد وكانت الساعه 6 جندي
ولما نزلت ماكس بين 2 كانت طبعا تفرق في الانيميشن وكنا شايفينها طفره بالنسبه لنا
بس علي الاقل الواحد كان بيلعبها علي جهازه
دلوقتي ماكس بين 3 نزلت فتحت التوبيك وبقول بسم الله فين اللينكات يتضح ان اللعبه حجمها 27 جيجا
وبذلك تكون اكبر لعبه شفتها في حياتي بعد ماكنت معتقد ان باتمان وجراند ثيف اوتو دول اكبر العاب
جائت لتطيح بكل ذلك برقم غريب اكبر من اكبر لعبه شفتها بــ12 جيجا
طيب دي فيها ايه علشان تبقي بالحجم ده يعني الناس هتطلع وتسلم عليا من الشاشه
ولا لما البطل هينضرب هحس انا بالوجع ولا ايه
حاسس ان حجمها غريب جدا جدا