الموضوع: ارجو المساعده

الجوك والقاشقاي نفس الموتور بالظبط وهما الاتنين نفس موتور التيدا مع تعديلت بسيطه جدا لرفع الاداء وتحسين استهلاك البنزين يعني من حيث قطع الغيار للموتور ما فيش قلق ان شاء الله

اما من حيث قطع الغيار الخارجيه زي الفوانيس والاكصدامات وغيرها اعتقد برضو ما فيش قلقل عشان التوكيل ها يوفر الكلام ده

بالنسبه للمقارنه بين العربيتين هي محيرة جدا لان العربيتين حلوين جدا ما شاء الله الفكرة كلها انت عايز ايه من العربيه من حيث النقط التاليه:

1- لو فارق معاك الوسع والشنطه يبقى القاشقاي ولو مش فارق يبقى الجوك عشان الجوك اضيق من القاشقاي وشنطتها اصغر

2- لو مش فرق معاك الكماليات قوي يبقى القاشقاي لكن لو بتفرق يبقى الجوك فيها كروز كنترول و4 اير باج و 3 انظمه قياده (اقتصاديه وعاديه ورياضيه) وغيرها من الكماليات اللي مش موجوده في القاشقاي

3- من حيث الاداء ف الاتنين قريبين جدا من بعض وحته العربيه ممكن تجيب سرعه قصوى كام فده مش هاقدر احدده لان العربيتين لسه جداد وكل اللي اشترى لسه بيلين وما قرصش على العربيتين

لو عايزين وجهه نظر شخصيه مني: بما انكو اتنين بس والجوك عجباكوا اصلا والوسع ممكن ما يكونش مشكله بالنسبه ليكو يبقى توكلوا على الله في الجوك

عربيه جديده شكلا وموضوعا وملفته جدا للنظر (مش عارف ميزة ولا عيب عشان العين ربنا يكفيكوا شرها) واعتقد ان مستقبلها ها يكون حلو في مصر وخصوصا لو اثبتت كفاءة واعتماديه في السوق

شوفي نقطة البومبي في حالة الجوك يكافئها كبر حجم القشقاي يعني في الحالتين موضوع الهيكل الخارجي على منطق كلامك فيه تقريبا تساوي بين العربيتين
اي عربية معرضة لقرف المكربوصات
اهم حاجة ستر ربنا

نصيحتي ليكي لو جوزك محتاج عربية واسعة بس الجوك مزغللاه فهميه ان بعد كده مش حينبسط من شكل العربية و كل ما يقعد فيها حيزهق من قلة المساحات

لكن لو مش فارق معاه وفين وفين لما يستخدم مساحات العربية يبقى الجوك خيار جميل جدا

في نقطة برضو لو انتو بتحبو العفشة ناعمة يبقى القشقاي عفشة الجوك انشف بحاجة بسيطة الاخوة اللي جربوها ياكدو النقطة دي باذن الله
وان شاء الله الاتنين كويسين