انا يجماعه عاوز اوصل الزرار ده عندي بس مش عارف هوه بيتكون من 3 اسلاك وصلت اتنين والتالت مش عارف بيروح على فين لو حد يعرف طريقة التوصيل يريت يفيدني ولو بمعلومه ودي صورة لشكل الزرار http://www.nileup.com//uploads/images/s96db3122cf.jpg
انا يجماعه عاوز اوصل الزرار ده عندي بس مش عارف هوه بيتكون من 3 اسلاك وصلت اتنين والتالت مش عارف بيروح على فين لو حد يعرف طريقة التوصيل يريت يفيدني ولو بمعلومه ودي صورة لشكل الزرار http://www.nileup.com//uploads/images/s96db3122cf.jpg
جرت العادة على...
واحد كهربا +12 وواحد أرضي والتالت رايح للمبات التابلوه
معلش ممكن توضيح اكتر شويه هوه دلوقتي واصل سلكه ارضي وسلكه على النور الواطي باقي بقى سلكه ودي اللي بتتحكم في نور العدادات انا حولت بس معرفتش وروحت للكهربائي ومعرفش يوصل لحاجه لو بس حد يجيب طريقة توصيلوه من اي حته ياريت
ارفع صورة واضحة لل ليبل بتاع المفتاح وانا ربنا يقدرني وادلك علي التوصيل السليم له
لو سمحت جبت المفتاح ده من فين
اى حد من الاعضاء الاكرام يفدنى
اعتقد فرده ارضي و فرده تنور اللمبه بتاعه المفتاح نفسه و فرده قبل نور التابلوه....
لو سمحت هل حضرتك هتوصله على الفيات ال131 و حضرتك جبت المفتاح منين وبكام
ايه ال انا بقوله ده ههههههههههههههه....متهيألي ان ده مجرد مقاومه متغيره،يعني حضرتك هتيجي عند الطرف المجمع بتاع انوار التابلوه و تقوم قاطعه و موصل فردتين من المفتاح ده يعني وصلته علي التوالي....هيتبقي فرده تالته هتتوصل بكهربا او ارضي عشان لمبه المفتاح نفسها تنور.....صباح التحليق ههههههههههههههه
الزرار ده صوره ليه علشان الناس نعرف شكله انما الاساسي اللي عندي حيركب على فيرنا بس هوه تقريبا نفس الشكل هما السلوك 3 الوان واحد اسود///وواحد اخضر في ذهبي/// وواحد اخضر
اولا وصلت السلكه السودا ارضي ووصلت سلكه من الخضر كهرباء لقيت السلك سخن جاااااااااامد
قمت شايل السلكه الخضرا ووصلتها بالخضراء في ذهي برضوا نفس الحوار عملت عملية تبديل للسلوك وصلت كهرباء وارضي على السلوك الخضراء قام الزرار نور النور الصغير بتاعوه بس حاولت اوصل للسلكه السودء دي حتروح على فين وفعلا جربت بس عملت قفله مرتين بس الحمد لله جت سليمه ممكن بس اعرف يعني ايه مقاومه متغيره
متااااابع
بص يا باشتنا كده و ركز و صحصح معايا هههههههههههه...انوار التابلوه كلها واخده ارضي و كهربا....غالبا الكهربا هيه ال متوزعه لكل حاجه لوحدها و الارضي هو ال داخل فرده واحده عمومي....انت بقا هتعمل ايه....هتدور علي فرده الأرضي العمومي دي و تقوم قاطعها و توصل فرده الارضي بتاعه المفتاح مع ارضي الانوار ال جاي من البطاريه و الفرده التانيه علي الطرف التاني بتاع السلك ال انت قطعته ....الفرده التالته بأه هتوصلها بالكهربا
طيب اقطع السلكه من عند العدادات ولا منين لان العدادات طبعا متقسممه على فيشتيين والسلوك الوانها كتير وفيهم سلك اسود على العموم انا ححاول تاني وشكرا على مجهودكم معايه
تقطع السلك بعد المفتاح الأصلي ال بينورلك التابلوه و الا هتلاقي نور المفتاح ال انت عاوز تركبه منور علي طول بدل ما يشتغل مع باقي انوار التابلوه....انا مش فاكر الصراحه المفتاح ده بيتحكم في نور العدادات بس ولا الصالون كله....لو العدادات بس يبقي الامور سهله كتير ان شاء الله....زي ما قولتلك الكهربا هيه ال متوزعه و الارضي هو ال داخل عمومي و غالبا هيبقي لونه اسود....نسيت اقولك يعني ايه مقاومه متغيره....زيها زي الفوليوم بتاع السماعات...لما بتلف البكره بتزود او بتقلل قيمه المقاومه للتيار الكهربي في السلك و بالتالي توطي او تعلي السماعات او تزود و تقلل شده اضاءه الانوار
بص يا سيدي..
هاتجيب أفوميتر Avometer
وتظبطه على وضعية DC 20v
وده عشان نقيس بيه وتعرف أنهي سلكة هي الكهربا بتاعة النور
الآفو ده فيه سلكتين واحدة سودة والتانية حمرا
السودا تلمسها على أي مسمار مكشوف (مش مدهون) عشان ياخد أرضي وتثبتها كويس عشان تشتغل بعد كده بالحمرا بس..
تفك فيشة العداد من ورا هاتلاقي فيها أطراف كتير
أولا تنور النور الصغير وبعد كده الفيشة في ايدك والسلكة الحمرا بتاعة الآفو في إيدك التانية
تجرب طرف طرف من الفيشة لحد ما تلاقي طرف قرا معاك 12 فولت (أزيد أو أقل 1 فولت حسب شحن البطارية)
ممكن تلاقي أكتر من طرف جايبين معاك قراية
يبقا عشان نعرف أنهي واحد فيهم بتاع النور هاتطفي وتقيس وتنور وترجع تقيس تاني وتشوف أنهي واحد اللي بيقرا لما تنور ومايقراش لما تطفي..
بعد ما عرفت الطرف المقصود خد السلكة بتاعته من ورا هاتيجي في وسطها وتقطعها بعدين تعمل زي الرسمة دي..
http://s002.youpic.su/pictures/13386...819dc46a79.jpg
ملحوظة مهمة جدا جدا جدا:
أعتقد اننا لو عملنا الطريقة اللي انا قلت عليها دي يبقا انت كده هاتتحكم في إضاءة نور العدادات بس مش الكونسول بالكامل !!!!
عشان تتحكم في الكونسول بالكامل لازم توصل للسلك العمومي اللي مغذي العدادات والكونسول
وده أعتقد صعب تعرف مكانه لوحدك، لازم حد يكون عارف مكانه ويقول لك عليه
اللهم إلا لو العدادات عندك فيها فيشتين داخل وخارج
يعني واحدة بتاخد كهربا لنور العدادات والتانية بتخرج منها عشان تغذي الكونسول
بجد انا مش عارف اشكركو ازاي على مشاركتكو معايه انا حنزل اجرب الطرق دي وان شاء الله يشتغل بس على فكره الزرار ده لنور العدادات فقط مش للكنسول بس انا امبارح وصلت للسلكه بتاعت نور العدادات بس بلمبة اختبار صغيره وصلت طرف اللمبه ارضي والطرف التاني قعدت المس لغاية ما اللمبه نورت مع نور العدادات وجربت اول مطفي نور العدادات اللمبه تطفي يعني كده انا كنت ماشي صح يعني هيه السلكه دي بقى حروح قاطعها وموصل طرف منها بالمفتاح وطرف من المفتاح ليها والسلكه الاخيره ارضي
كنت لسسسسسسه النهارده هقولك علي حكايه اللمبه دي بس سبقتني......ايوه بالظبط هتقوم قاطع السلك ده و تحط مفتاحك في النص و الفرده ال فاضله تبقي ارضي
الحقيقه انا مش فاهم اصل الموضوع ؟؟؟؟ يعني سيادتك شاري المفتاح ليه اصلا؟؟؟؟ ولا انت لقيته قلت تركبه و خلاص؟ المفتاح واضح انه تحكم في الاضاءه يعني زي الديمر العادي .... طرف الارضي تقطعه وتوصل علي نقطيتن من المفتاح و الثالثه الي الاضاءه التي ستتحكم فيها ويكون الموجب واصل الي اللاضاءه يعني مثلا تقدر تتحكم في شدة اضاءة التابلوه او الصالون ودمتم سالمين
الرسم شكله صح بس ربنا يستر علي اللعب في الكهربااااا اوعي القفله و سيحان الاسلاك و ربنا يسترها معااك
مساء الخير عليكم انا لسه راجع دلوقتي من العربيه ووصلت لسلك نور الكونسول لوحدو ووصلت لسلك نور العدادات المهم :
سميت الله وقمت قاطع اول سلكه طلعت بتاعت نور الكونسول قولت لا مش هيه دي قمت لحمها تاني
قمت قاطع سلكه نور عدادات الطابلوه راح فعلا نور العدادات طفى المهم قولت كده انا وصلت للسكله المطلوبه وقطعت وجبت المفتاح وصلت اول سلكه ارضي
المهم طبعا انا لما قطعت السلكه بقت طرفين خدت طرف الكهرباء على سلكه من المفتاح
وخدت السلكه الاخيره اللي في المفتاح وصلتها بالسلكه بتاعت العدادات بس العدادات منورتش خالص كل اللي نور النور الواطي بتاع الزرار انا بصراحه فشلت في الحوار ده ولا ايه كل ده علشان اوطي نور العدادات واعليه انا كنت فاكرها سهله على العموم برضو نحاول مع بعضنا تاني وان شاء الله نوصل لنتيجه