الموضوع: ماذا لو أعادت هوندا انتاج موديلات التسعينات مره تانيه ؟

موضوع جامد ياهيثم والله انت بتقرى افكارى يابنى انا كنت لسة بفكر فى الموضوع دة من فترة بس ماكنش بالطريقة دية كنت بفكر فية انى اودى عربيتى اليابان واخليهم يعدلوها على المواصفات اللى انا عايزها

عموما انا الاول بس هرد على اسئلتك وبعد كدة هاقولك انا نفسى يبقى فيها اية

1- العربية بتنزل برة بجنط اسبور 14 و 15 عادى جدا , لكن ال13 دة عشان الوكيل كان بيطلبها كدة وطبعا بيوفر لان تمن العربية كان 145 الف جنية

2- العربية تسارعا من صفر الى 100 كم فى 8.5 ثانية عايز اية تانى اسرع عربية 1600 فى مصر عادى طبعا وبدون vtec دة انجاز وبتوصل لسرعة قصوى 220 كم

لو عايز سرعة اكتير واقوى هات SiR واوصل بسرعة 100 فى 7 ثوانى واقل كمان واجرى مع اتخن عربية

عموما ياباشا انا اللى كان نفسى يتعدل فى الهوندا :

1- انظمة امان كاملة قياسية فى كل الفئات

2- العربية اضاءة التابلوة تتحسن ويبقى ديجيتال ويكون فية مكان فى النص لتركيب شاشة كبيرة تاتش

3- ان الجراب اللى موجود فى الباب يكبر شوية عشان مثلا يشيل زجاجة مياة

4- دية بقى لل SiR وجود فتيس 5 سرعات اتوماتيك و 6 سرعات يدوى

هتصدقنى لو قولتلك ان اى حاجة تانية مش مهمة ( لان العربية بتوفر ( فرامل ممتازة - ثبات هائل - محرك ممتاز - عفشة مريحة ورياضية فى نفس الوقت - اوبشن كتير لحد دلوقتى انا مش بتسخدمة اصلا بس اهو موجود فى العربية )

على فكرة معلش ياجماعة انا عايز الشركة توطى العربية اكتر من كدة وتصفح العربية بالكامل من تحت

التابلوة ماشاء الله علية شكلة جميل جدا وممتاز كخامات وكل حاجة وكفاية ان عدى على العربية 20 سنة ولسة كل حاجة تعمل بكفاءة عالية والتابلوة محصلش فية حاجة ولا حتى اتشقق دية معجزة معلش

- صدقونى الشركة مش هتعرف تعمل ال high quality spare parts اللى اتركبت فى العربية دية لان ببساطة لو اتعملوا دلوقتى هتغيرها بعديها بكام سنة

شكرا هوندا اديتلنا كل حاجة وبسعر مناسب جدا