مشكلة في ريو 2012 هتشباك اتوماتيك!!

**mgboss** · 02-06-2012 03:57 AM

السلام عليكم

أنا لسة جايب ريو هتشباك اوتوماتيك عامل بيها يادوب 300km بس بتعمل معايا حاجة غريبة, عارف لما تبقى سايق عربية مانيوال وماشي على سرعة 50 بس جايب التاني في الفتيس فـتبقى العربية مخنوقة كده و أول لما تنقل عالتالت تلاقي العربية نطت كده وخدت سرعتها, أهي الريو بتعمل معايا كده باحس إنها مخنوقة كده فـازود بنزين الاقيها نطرت نطرة خفيفة كده وخدت سرعتها

ده طبيعي ولا إيه أنا أول مرة أحس الاحساس ده في عربية اوتوماتيك ؟!!! ارجو الافادة

**Ahmod** · 02-06-2012 04:49 AM

المشاركة الأصلية كتبت بواسطة mgboss

السلام عليكم

أنا لسة جايب ريو هتشباك اوتوماتيك عامل بيها يادوب 300km بس بتعمل معايا حاجة غريبة, عارف لما تبقى سايق عربية مانيوال وماشي على سرعة 50 بس جايب التاني في الفتيس فـتبقى العربية مخنوقة كده و أول لما تنقل عالتالت تلاقي العربية نطت كده وخدت سرعتها, أهي الريو بتعمل معايا كده باحس إنها مخنوقة كده فـازود بنزين الاقيها نطرت نطرة خفيفة كده وخدت سرعتها

ده طبيعي ولا إيه أنا أول مرة أحس الاحساس ده في عربية اوتوماتيك ؟!!! ارجو الافادة

ده طبيعي في كل العربيات سواء مانويل او اتوماتيك لانك كدة مش بتبقى مريح العربية في الغيار

بس بتبان في الاتوماتيك اكتر لان الفتيس الاتوماتيك عموما دايما بيحب ينقل للغيار الاعلى عشان يوفر استهلاك البنزين فلما بتبقى جايبها مانويل ومعلق على الغيار التاني بتحسها مخنوقة

و50 على التاني يعني هتلاقي ال RPM عندك فوق ال 3000 بالتالي هتحس ان العربية مكلبشة ومخنوقة ولو تدوس على البنزين هتلاقي انها بتنط

وطبعا بمجرد تريحها في الغيار وتنقل للنقلة الاعلى هتلاقي العربية رجعت طبيعي معاك

وعشان تلاحظ موضوع ال RPM جيب العربية على المانويل وامشي مثلا على سرعة 50 على التاني وشيل رجلك من على البنزين بص على ال RPM هتلاقيه ثابت مش بينزل

اقلبها D وامشي على 50 وشيل رجلك من على البنزين هتلاقي ال Rpm نزل اتوماتيك لوحده ده اللى اقصده

**2CODE** · 02-06-2012 09:34 AM

المشاركة الأصلية كتبت بواسطة ahmod

ده طبيعي في كل العربيات سواء مانويل او اتوماتيك لانك كدة مش بتبقى مريح العربية في الغيار

بس بتبان في الاتوماتيك اكتر لان الفتيس الاتوماتيك عموما دايما بيحب ينقل للغيار الاعلى عشان يوفر استهلاك البنزين فلما بتبقى جايبها مانويل ومعلق على الغيار التاني بتحسها مخنوقة

و50 على التاني يعني هتلاقي ال rpm عندك فوق ال 3000 بالتالي هتحس ان العربية مكلبشة ومخنوقة ولو تدوس على البنزين هتلاقي انها بتنط

وطبعا بمجرد تريحها في الغيار وتنقل للنقلة الاعلى هتلاقي العربية رجعت طبيعي معاك

وعشان تلاحظ موضوع ال rpm جيب العربية على المانويل وامشي مثلا على سرعة 50 على التاني وشيل رجلك من على البنزين بص على ال rpm هتلاقيه ثابت مش بينزل

اقلبها d وامشي على 50 وشيل رجلك من على البنزين هتلاقي ال rpm نزل اتوماتيك لوحده ده اللى اقصده

ما شاء الله تبارك الله كفيت ووفيت والله احلي لايك لردك

**mgboss** · 02-06-2012 07:37 PM

شكرا ليكم :) انا كنت خايف بس تكون مشكلة فى العربية, دى الأتوماتيك العادية يا باشا مش الهاى لاين

**amr_mor1** · 03-06-2012 04:39 PM

اولا الف مبروك وربنا يباركلك فيها ده طبيعي جدا بس جربت انك تقفل الايكو ؟
وتاني حاجة انت عندك الاسترب ترونيك لو عايز تطلع سموث وبسرعة
انا مشاء الله العربية فرقت معايا بعد 1000 كيلو ولما فتحت المطور

**mgboss** · 03-06-2012 04:59 PM

المشاركة الأصلية كتبت بواسطة amr_mor1

اولا الف مبروك وربنا يباركلك فيها ده طبيعي جدا بس جربت انك تقفل الايكو ؟
وتاني حاجة انت عندك الاسترب ترونيك لو عايز تطلع سموث وبسرعة
انا مشاء الله العربية فرقت معايا بعد 1000 كيلو ولما فتحت المطور

قفلتو والله بس معملش حاجة! انا قريت عن الايكو ده فى الكتالوج وفهمت انه مجرد مؤشر

لاستهلاك البنزين , يعنى لو ماشى بسرعة معينة و معدل حرق موفر بينور اخضر لو العكس مش بينور !! بس لاقيت ناس بتقول انك لما بتشغله بيوفرلك !! مش عارف بقى ايه الصح ؟

**SaimOnatoR** · 06-06-2012 01:01 PM

الكتالوج و التوكيل بيقولوا إن الإيكو مجرد مؤشر للإستهلاك بس، أنا معايا السيدان هاي لاين و كنت بحس نفس الإحساس قبل الـ 1000 كيلو لكن بعدها الموتور فتح و بقيت بسم الله ماشاء الله، ربنا يباركلك فيها و يكفيك شرها.