اللي أعرفه ...... أن الفوكسهول = أوبل و لكن تجميع أنجليزي لمكونات ألمانية
يعني الفوكسهول الأسترا = أوبل أسترا
فوكسهول فيكترا = أوبل فكترا
يا باشا بالمبدأ ده
يبقى حزام الأمان كمان بيسبب كوارث
و العربية نفسها بتسبب كوارث ......... و لتلافي الحادث و الموت ......... ما تركبش عربية أصلا
لو قسنا نظرية سيادتك على الوسائد الهوائية
نقسها كمان على الحزام
يعني لو أنت وقعت بالعربية في بحر .......... مش محتاج الحزام ....... و في اللحظة دي الحزام ممكن يكون ضرره أكبر من نفعه لأنه هايقلل فرصك في النجاه و أنت تحت المياه .
و ممكن كمان عربية نقل مثلا تدخل في جنب العربية و الصاج يبقى زي السكينة و يدخل في جسم الأنسان
هانقول ايه في الوقت ده ......... أن الصاج مُضر ؟
و دريسكيون العربية مُضر برضه لأنك لو عملت حادثة أمامية ........ هايكسر صدر السائق
و ده هو السبب في تركيب الوسائد الهوائية علشان تقلل احتمالية اصابتك
نفس السبب في تركيب حزام الأمان اللي بيثبتك في الكرسي عند الحاجة و دي ممكن تكون سلبية في نوع معين من أنواع الحوادث
دول العالم المتقدم أجمع على أن الوسائد الهوائية و الحزام و أنظمة الفرامل المتقدمة هي وسائل لتقليل آثار الحوادث و ليست لمنع أي حادث و أكيد في النهاية كل شئ له مميزات و سلبيات
زي من عيوب العربيات و الطائرات ...... اصدار ثاني أكسيد الكربون و تخريب الهواء الجوي
e Respect لكل اللى اتقال؛
بس الـSodium Azide مابيوصلش للغاز اللى بينفخ الإيرباج، لا هو ولا الـPotassium Nitrite ولا الـSilicon-Dioxide (مواد بتدخل فـ الـReaction)..؟؟!!!
اللى بيـinflate الأيرباج هو النيتروجين الناتج من التفاعلات، وده غاز inert ومش سام للبشر.
لكن المواد السابقة فقط بتعمل Electric Match (كبريت كهرباء).. يرفع درجة الحرارة لـ300 درجة، وبالتالى يشغل الـGas-generator اللى بينفخ الإيرباج بالنيتروجين..!!
وفيه impulse تانى من الـACU موديول (أو Airbag Control Unit).. بتشغل الـPre-Tensioner بتاع الحزام.
كل اللى بنتكلم فيه ده (التفاعل ونفخ الأيرباج) بيتم فـ 30-50 مللى-ثانية من بدأ الإصطدام..؟؟!!! :camera2:
- ماينفعش نقول الإيرباج مالهاش لازمة؟؟؟!!! :10_1_104v[1]:
خصوصا اللى ماشافش ولا جرب.. :angry35:
مش هتكلم على كم الحوادث اللى عملتها -الحمد لله- أو شوفتها والإيرباج فعلا Life-Saving، لأ..
حضرتك بس إتفرج على فيدز إختبارات الأمان بتاع الـEuroNCAP وشوف اللى بيحصل للدمية بالإيرباج أو من غير..؟؟!!!
آه أحيانا الإيرباج بتكسر ذراع أو ضلوع وبتعمل كدمات.. بس انت متخيل اللى ممكن يحصل من غير شدة الحزام وضرب الإيرباجز أيه؟؟؟!!
- حضرتك عايز الدركسيون يلبس فـ السواق ويطلع من الناحية التانية من ظهره..؟؟ (من غير أيرباج الدركسيون).
- أو عايز الراكب الأمامى يدخل عليه صدر العربية يقطعه أشلاء؟؟؟!! (من غير إيرباج التابلوه).
- ولا يمكن خبطة الجنب تخلى الإزاز يترشق فـ دماغ البنى-آدم؟؟!!! (من غير الـCurtain).
مع احترامى؛ بس انت بتتكلم فـ أيه؟؟ :waaaht:
أوروبا النهاردة عايزة تخلى إيرباج الركبة (الـodd) ستاندرد فـ العربية (زى الـ4 الأساسيين)، حفاظا على رجل السواق..
بعد ما لقوا انهم غلفوه تماما بالأيرباجز، بس هى دى النقطة اللى ممكن يتصاب فيها. :tongue32:
Edit: ماينفعش يا جماعة يبقى إحنا بنقول للأعضاء أوعى تشترى عربية من غير 2-إيرباج وABS.. وييجى ناس (e Respect) تقول عكس اللى العالم كله أثبته..؟!!
- ماهو مش معقول حضرتك صح، وإختبارات الأمان والحوادث الفعلية هى اللى غلط.. ؟؟؟!!!!!! :N_no[1]:
رجاء؛ أى حد عربيته مفيهاش وسائل الأمان (الأساسية) ميحاولش يقنع الناس انها مش مهمة.. زى ما أقنع نفسه (وهو حر)، لكن التضليل لازم نرد بالصح وبحيادية.
زى برضه اللى قالك: الـABS مالهوش لازمة، وأنا بفرمل بعربيتى (اللى مفيهاش ABS) أحسن من العربيات اللى فيها ABS..؟؟!!!
- مش مشكلتنا أبدا إن عربيتك مفيهاش ABS، أو ان الشركة (التييييييييييت) نزلتها كده..!!
بأعتذر لو كان الأسلوب عصبى شوية،
لكن المناقشة استفزتنى بصراحة.. وأنا بقول الحق وبتكلم Technical باللى أعرفه أوإتعلمته وشوفته بعينيا..
اللى عنده رد على كلامى يقوله ويصححلى، قد أكون مخطى طبعا؟؟!!!
Regads،
محدش قالك قيس الايرباج ع الحزام و لا اي بي اس انا اتكلمت ع نقط محددة ايرباج و مثبت سرعة و ستارت انجن و حوار الحزام و المية و شغل الافلام الأجنبي ده غير صحيح لكن محدش منكم واصل لوجهة نظري اللي أقصده اني اجيب حاجة ع اساس انها تحميني و أدفع فيه و في الأخر تتسبب في اذيتي او حتي متحمنيش ده اللي معترض عليه
شخص معرفة كان مقتنع تماما و جايب العربية فوول اوبشن يعني كان ناقص يسأل لو فيه حاجة جديدة تنزل عشان تتحط من وسائل الامان طبعا كويس و متكلمتش لكن لما جينا في نقطة الايرباج قولتله مزاياها و عيوبها و نفس اللي قولته هو واجهه و الحمد الله انه كان لابس الحزام اللي حصل ان العربية فلتت منه و هو ماشي بسرعة داس فرامل اتقلب ع كل شكل و لون و العربية تعتبر خردة دلوقتي الايرباج مفتحش اساسا الحزام انقذه من انه يعتبر نفسه في غسالة فوول اوتوماتيك و في الاخر نزلت في الترعة مقلوبة و الحمد الله فك الحزام و طلع
فين بقي الايرباج هنا ؟؟ هل انقذه من كم الخبطات و الكدمات و ارتجاج المخ ؟؟؟
موقف تاني من فترة عند سوق السيارات بليل عربية بي ام ف3 شاب سايقها كان ماشي مخدش باله و فوجئ بمطب عند الخزان كل اللي عمله انه ضرب فرامل لكن طبعا العربية زحفت بسبب الرملة و خدت المطب و وقفت ساعتها الايرباج الجانبي و الأمامي فتح فلتتخيل اللي حصل بالرغم ان الحادث ملوش ضرر لأنه يعتبر بسيط احنا مجربين انيل منه الشاب نزل واقع ع الأرض وماسك وشه و بيتألم و ده بسبب الايرباج طبعا سيبك من اللي حصل للبي ام و انا استغربت الجنط الامامي يمين اتكسر و الفانوس الامامي شمال وقع كله زي مهو بدون ما يحصله حاجة و الاكصدام الأمامي وقع و الخلفي فك من جنب السواق :waaaht:
اخدت بالك من وجهة نظري طب أفرض انت ماشي و عيل تيت حدف طوبة و لا كورة جت جامد في العربية هوب الايرباج فتح و انت ماشي :) صباح الفل و عيش بعدها و ديه برده حصلت بسبب حساسية الايرباج و اللي متنفعش معانا هنا
لكن لو جينا لباقي وسائل الامان شايف ان مينفعش نستغني عنها فعلا زي الحزام و انظمة الفرامل و التوازن و غيره
و اخيرا زي مانت قولت كل شئ له سلبيات و ايجابيات و ده اللي قولته ان زي ما له فوايد له أضرار لكن الناس مش واصللها وجهة نظري
ياباشا أنت مطلع الوسادة الهوائية أن أضرارها أكتر من فوائدها
أنا كنت في حادث و الأيرباج أنقذتني مع الحزام طبعا .
واضح أنك مقتنع بشئ معين .............. براحتك طبعا ....... و لكل واحد وجهة نظر و في النهاية أحنا بنتكلم عن حاجات عالمية وضعتها هيئات متخصصة في أنظمة السلامة و الأمان .
تقصد ايه بـ تيجي ناس ( e Respect ) جايز انا مش واخد بالي من قصدك
بالاضافة الكلام عجيب في الاخر بتعتذر لو كان الأسلوب عصبي طب ما تعيد الكتابة بشكل احسن من ده و متعتذرش :)
و الحقيقة مش هرد ع حضرتك غير أقولك اقرأ مشاركة السابقة و أفهم وجهة نظري و بعدين احكم لأن انا برده بتكلم باللي شوفته بعنيا مش بعتمد نظريا
و لو سمحت متجيش تقولي اختبارات امان انا مبقتنعش بيها و لا ينفع تبقي مقياس لسبب بسيط أولا ده قدر و لو جينا لحوادث السيارات ع أرض الواقع كراش تست للعربية عربية واخدة 4 نجوم في الاختبار تعالي ع أرض الواقع بظروف مختلفة العربية اتفرتكت و اتقسمت نصين و مبقتش عربية و ممكن في حادثة تانية يا دوبك الصاج يدخل
نفس الفكرة في موضوع الاعتماد ع النظريات فقط دوت التطبيق العملي في النيشان يجي يقولك لو سن نملة الدبانة مش في نفس مستوي النشينكاه الخلفي و في النص بالظبط و أعلي منتصف الهدف يبقي نشانك غلط عشان ديه القواعد و اللي قررها العالم كله تيجي انت تغيرها
أقوله لأ يا فندم فيه حاجة اسمها خبرة و الظروف المحيطة انا لما باجي اصطاد مبطبقش قواعد النيشان دايما في كل الحالات لأنها بتعتمد ع النيشان بسرعة محددة و مسافة محددة لكن بعتمد ع مكان الطريدة و بعدها و سرعة بندقيتي و هكذا يعني لو الطريدة ع بعد 50 متر هتعامل بنفس المعاملة في طريدة ع بعد 100 متر ؟؟؟؟ اكيد لأ
يعني مش كل حاجة يبقي اعتمادا نظريا وبالتالي نفس موضوعنا ديه الحوادث اللي بتحصل من الايرباج زي مقولت ليه فوايد لكن ليه اضرار اتكلمت عن نفسي و قولت مش عايزه انا حر هتيجي تقولي لأ تحطه بالعافية عشان العالم قرر و مقررش و تكلمني بالطريقة ديه يبقي عيب يا ريت نخلي بالنا من الكلام لو سمحت لأن كل واحد بيعرض وجهة نظره زي ما الاستاذ توت عنخ امون اتكلم و قال وجهة نظره و اتكلمنا بدون عصبية
خاصة اني مش متعود من حضرتك ع الردود العصبية ديه
لا يا باشا مش متنرفز و لا حاجة بالعكس انا سعيد اني بتناقش معاك و اننك بتتناقش بهدوء و بتوضح وجهة نظرك بدون عصبية :)
و حمد الله ع سلامتك انا الحزام انقذني كذا مرة برده من اني اطير في الازاز لكن برده احيانا بيكون نكبة زي مقولت كل حاجة ليها ايجابيات و سلبيات بس الميزة انه بيمسكك من انك تطير و ترد من مكانك لو الايرباج لوحده أعتقد ممكن يبهدل الواحد شوية
هقولك ع حاجة كمان عارف مسند الرأس في الكرسي ع تفتكر فايدته انه يريح راسك بس ؟؟؟ لأ زمان لو تفتكر الـ128 و العربية القديمة مكنش بيبقي ليها مسند في الراس بيكون الشخص حاطط حزام الأمان لكن من الصدمة راسه بتروح لقدام جامد لكن في نفس الوقت بترد أجمد لورا و كانت النتيجة ان احيانا كانت الرقبة تتكسر و الشخص يموت فالمسند برده بيحمي
بخصوص الانقلاب هو الانقلاب مكنش ع جنب العربية فقط هو خبط في صخرة فاتقلبت لقدام و بعدين ع جنبها و نزلت في الترعة
و مش واخد بالي من قصدك جانك و ايرباج ايه في حادثة البي ام ؟؟
ده اللي شايفه أضرار من الناحية الاصابة منها و طبعا الناحية المادية المبالغ فيها هنا :)
انا اللي مقتنع بيه ان حرام خاصة عندنا هنا اني أسعي و أدفع أضعاف عشان أحصل عليه و في الاخر يتسبب في اصابتي و طبعا تكلفة الصيانة لدرجة ان الناس لما بيتفتح بتشيله نهائي عشان صيانته
و اخيرا كل شئ نصيب و كل واحد بياخد اللي مكتوب له و محدش يقدر يهرب من قدره حتي لو حط وسائل امان الدنيا كلها و لا انا غلطان ؟
على فكرة فيه حقيقة بتقول
كلما إزدادات وسائل الأمان تطورا فى السيارة كلما ازداد السائقون تهوراً وزادت أعداد الضحايا
طبعا بسبب سوء الإستخدام والتهور
لا حول ولا قوة إلا بالله