الموضوع: سائق سيارة يموت بعد تسممه بواسطة الوسادة الهوائية خلال حادث بسيط

المشاركة الأصلية كتبت بواسطة tutankhamoun

أمممممممم

يعني العربية البولو (علشان ألماني ) هي الأفضل و الأثبت و الأقوى و الأفخم و الأجود و ا لأثبت ؟؟؟؟؟

هو اولا انا قولت دى وجهه نظرى + انها قناعه شخصيه
ثانيا معنى كلامى من وجهه نظرى بردو و عن تجربه
دايما تبص لاى فئه سعريه
مثلا 160 الف
هتلاقى ان اثبت عربيه فى الفئه دى المانى
اعلى وسائل امان المانى
افضل خامات المانى
طبعا مش قاعده لكن بنسبه تقترب من 98%


وبالمره بقى واحنا هنا ...اوبل الى فيها حاجات انجليزى :)
مثلا الفيكترا سى فوانيسها + كنترولات العربيه كلها انجليزى
وطبعا حاجات المانى ...معنى الكلام يعنى انها سواء كانت اوبل او فوكسهول ..فيها قطع غيار من اوروبا كلها لان فيها حاجات فرنساوى و اسبانى و ايطالى ..

المشاركة الأصلية كتبت بواسطة khaled ayman

هو اولا انا قولت دى وجهه نظرى + انها قناعه شخصيه
ثانيا معنى كلامى من وجهه نظرى بردو و عن تجربه
دايما تبص لاى فئه سعريه
مثلا 160 الف
هتلاقى ان اثبت عربيه فى الفئه دى المانى
اعلى وسائل امان المانى
افضل خامات المانى
طبعا مش قاعده لكن بنسبه تقترب من 98%

يا باشا أدام دي قناعتك الشخصية خلاص ............أنت حُر طبعا يا أستاذ خالد في رأيك الشخصي .
بس من الناحية العملية الكلام ده مش مظبوط على الأقل من رأيي الشخصي .

أولا الألماني لا يجب أن يوضع في سلة واحدة
لأن المرسيدس و البي أم و الأودي ............ على جزيرة
و الفولكس على جزيرة تانية .

موضوع العربيات أم 160 ألف

لا ......... فيه عربيات ثابتة و خامات ممتازة ووسائل أمان و أختبارات أمان بالتجربة مش بالكلام عالية
و عندك مثلا
عربيات سوباورا الياباني - التويوتا عموما و خصوصا اللي ثمنها عالي زي الكامري و الكورولا - الهوندا السيفيك و الهوندا عموما .......... بالاضافة أن أعتماديتهم و تحملهم للمشقة بيكون عالي شوية عن الألماني .



وبالمره بقى واحنا هنا ...اوبل الى فيها حاجات انجليزى :)
مثلا الفيكترا سى فوانيسها + كنترولات العربيه كلها انجليزى
وطبعا حاجات المانى ...معنى الكلام يعنى انها سواء كانت اوبل او فوكسهول ..فيها قطع غيار من اوروبا كلها لان فيها حاجات فرنساوى و اسبانى و ايطالى ..

طيب هو مبدئيا ....... في عالم صناعة السيارات مفيش شركة بتصنع كل حاجة من الأول للآخر و إلا هاتحتاج أستثمارات جبارة علشان تعمل مصنع لكل حاجة .
و بالتالي أكيد هاتلاقي مصانع السيارات المغذية المعتمدة من الشركة دي هي اللي بتورد حاجات زي الفوانيس و ضفيرة الكهرباء و التابلوه البلاستيك و عصايا الفتيس و أنظمة الفرامل مثلا .

أنا كل اللي أعرفه و متأكد منه أن الفوكسهول نسخة طبق الأصل من الأوبل علشان شوفت الموضوع بعيني .

آه نسيت أضيف ان أوبل و فوكسهول تمتلكهم جنرال موتورز ........ و بالتالي هاتلاقي كمان قطع غيار من كل حتة و بالذات أوروبي و كوري علشان جنرال موتورز تمتلك دايو و تمتلك بعض شركات المغذيات في كوريا .

السلام عليكم يا أستاذ أكسل

حضرتك بتتكلم عموما عن الشاذ في الشئ و تطبيق القاعدة شئ و في الواقع العملي شئ .

بُص يا أستاذي

لما كنا بندرس مُحاسبة زمان كنا بنأخد حاجات كتيرة
و لما أتخرجنا ........... لقينا كل اللي أحنا درسناه مش بيطبق في الواقع العملي
و لكن الدراسة أعطتنا الأساس اللي نقدر نمشي عليه

بس أنا أخدتني حتة أنك مش مقتنع بأختبارات الأمان .......................... ليه ؟

أختبارات الأمان بتوفر ليك طريقة معينة للحُكم على العربية في الأصطدامات الأمامية

مفيش إنسان على وجه الكرة الأرضية هايقدر يتنبأ الحادث هايقع ازاي ؟
و لكن نسعى حثيثين أننا نبحث عن طرق الأمان و نسعى للبُعد عن المخاطر قدر الأمكان .


معلش بلاش أدخال القدر و المكتوب

لأنك في الأول يجب أن تبتعد عن الخطر ,,,,,,,,, و بعدين ما هو مكتوب سيقع حتما
إنما مش أمشي أمام القطار و أقول المكتوب هو اللي هايحصل !!