المشاركة الأصلية كتبت بواسطة mohamedkordy
شفيق: حمد الله عاسلامة يا جيمي يا حبيبى. واحشتنى أوى!!
جمال: وانت كمان يا أونكل، بس بابى واخد مؤبد ومش عارف أعمل إيه؟!
شفيق: همتك معانا بقى يا جيمي فى الحملة عشان نعرف نطلعه.
جمال: قوى قوى.. قول لى يا أونكل أقدر اعمل ايه؟ أنا ممكن أنزل أكلم الناس فى الشارع.
شفيق: (يكلم نفسه) عرفت دلوقتى مين غرّقك يا ريس. (يتنحنح ويميل على جمال) لا ياحبيبي مش هو ده المطلوب. إحنا عايزين فلوس علشان الحملة.. مانت عارف شعبك مابيجيش غير بالفلوس.
جمال: منين بس يا أونكل مانت عارف البير وغطاه. أمال احنا طلعنا براءه ازاى؟
شفيق: (بابتسامة خفيفة) على عمو برده يا جيمى؟ عموما مش هنكلفك كتير، هم تلاتة اربعة مليار بس. ولا عايز دادى ياخد مؤبد فى الاستئناف كمان؟
جمال: (مكلما نفسه) يابن الذين يا أونكل. (يهرش فى شعره) طيب هشوف مامى لسة معاها كام و ارد على حضرتك
شفيق: شوف يا حبيبى براحتك، بس خلى بالك الوقت مش فى صالح دادى، لو محمد مرسى جه ماتجيش بقى تقول الحقنى يا أونكل
جمال: لأ مانا عارف، لو مرسى جه أنا وحضرتك هنحصل بابى. خلاص يا أونكل اعتبر الفلوس معاك، وربنا يقدرك دايما على فعل الخير
((ستار))
المفضلات