عرض للطباعة
السلام عليكم و رحمة الله و بركاته,
انا معايا لوجان من سنتين و عملت حادثتين بيها و السبب فى الحادثتين الفرامل , الفرامل ما بتسعفش لو في موقف محتاج فيه للفرامل , ده حصل معايا فى المرتين كان فى مساف كفايه أوي ان العربيه تقف لكن للاسف الاستجابه للفرامل ضعيفه غير انها بتزحف جامد على الأرض ,,
هذا للتحذير لاعضاء المنتدى الكرام الذين استفدت منهم كثيرا و شكرا
اخى العزيز ..... اعتقد ان العيب دة عند حضرتك بسسسسسسسسسس ..... عن تجربة شخصية رينو ممتازة جدا جداااااااااااااااااااا .... يكفى علامة الماااااااااااااااسة رينو ... ارجو انك تراجع التوكيل فوراااااا.
م/مصطفى
العربية بتزحف جامد فعلا
الفرامل معايا ممتاز بعد قياده اكثر من عامين
العربية فعلا بتزحف جامد
أي عربيه مفيهاش abs في الفرامل القويه أو على تراب هتزحف ومش هتقف
الحقيقه هى بتزحف... بس الحقيقه برضو هى انها فرامل كويسه جدا جدا و لحقتني من حدثتين برضو .. فرامل لوجان فى المسافه الضغط عليها لغايه 3 ارباعها هى فرامل عاديه جدا و في الربع الاخير فرامل قويه جدا واعنقد دا للي بيخليها توحف بشده لما تدوس جامد فجأه .. كمان فرامل لوجان فيها هوا في اول جزء من الضغط ودا بيدي وقت اكبر للعربيه وبينبه اللي في العربيه اللي بعديك بدري
انا ما انكرش اني بكون مخضوض وانا سايق بسرعه ومش عارف ها تلحقني الفرامل ولا لا.. بس الحمد لله كانت ممتازه لغايه دلوقتي و عن تجارب منى ومن ناس تانين معاه عربيات تانيه ساقوا عربيتي ...
في حاجه تانيه غايه في الأهميه بتكمل الفرامل .. نوع الكاوتش ورسمته و ضغطه ودول عوامل ما بنتكلمش عليهم في الامان وكأن الفرامل كفايه
شوفت واحد بيقف بيها فى موقف صعب جدا ووقفته وكانت حلوة جدا
الزحف ممكن فظروف
بس حالة الكاوتش ايه الاول
للاسف وحاجة عمر التوكيلات ماتتعلمها في مصر إن مواصفات الأمان اهم من سعر العربيه ...
سبب الزحف كذا حاجة :
1. وجود ABS أو لأ وده اولها
2. عمر الكاوتش وحالته
3.السطح اللي فرملة عليه (رمل, زلط ...)
4. الحمل الموجود في السياره
5. نقشة الكاوتش
عايزك تشوف الفيديو ده
Safe braking with ABS by Bosch - YouTube
وربنا يسترها علينا جميعا ...
اللى بدأ يحس بالزحف يبقى أكيد الكاوتش قرب معاه لـ 30 ألف ، فلو غير الكاوتش هيلاقيه بقى يمسك تانى كويس.
الكاوتش يا معلم!
بالعكس انها بتزحف دليل على ان الفرامل كلبشة فى العربيه..... لكن عدم وجود ال abs ....او السطح ناعم للطريق...او نقشة الكاوتش ببتفرق ونوعه كمان ده مقياس من مقاييس جودة الكاوتش ...وانا كذا مره اسعفتنى وكلبشت وزحفت شويه ....وربنا ستر ويسترها دايما مع الجميع
العربيه عملت كده مع قرب تغير الكاوتش على حوالى 35000 الف و ظهرت اوى الزحف و العربيه عامله 50000 الف مع تغير الكاوتش الموضوع اتظبت تماما و كمان الهاندبريك عن تجربه لما خليتها 3 تكات الفرامل عليت و بقت تمسك احسن بعد رجلشتها
ايوه العربيه بتزحف ده مفيش شك فيه علشان كده السرعه العاليه بلاش منهااااااااااااا
شكرا ياباشا على الفيديو بصراحه انا عن نفسى استفدت منهاقتباس:
المشاركة الأصلية كتبت بواسطة Mohamed_Nafie
وهحاول اخلى بالى من السرعه العاليه علشان الفرامل من غير abs على السرعات العاليه مش هتقضى مصلحه :N_no[1]:
آسف جدا
انا داخل على 3 سنين باللوجان وعمر الفرامل ما زحفت
لو تقصدوا بالزحف ان العربية مش بتقف
انما لو بتقصدوا بالزحف ان العجل يقف والعربية هي اللي بتزحف يبقى عيب الفيزياء وال abs ملوش علاقة باللوجان
دايما بغير التيل كل 15-20
الكاوتش كل 40 الف
النيتروجين مضبوط دايما عشان اتزان العربية
روتيشن العجل كل 10000
انا ساكن في التجمع وكل مشيي يا اما على الدائري يا اما على طريق السويس وبسرعات عالية
فرامل اللوجان ممتازة ممتازة
سوقوا اللانوس الاول حتعرفوا يعني ايه فرامل ضايعة
انما نسيب الكاوتش لغاية ما يتاكل والتيل لحاد ما يتبري ونقول الفرامل وحشة
آسف جدا
فرامل اللوجان ممتازة و ده حصلت معايا كنت بجري و داخل على صنية من شارع و الثاني جاي من شارع ديق على واسع و كان هيخيش فيا و انا كبست فرامل و حودت علشان ملبسش في الرصيف اللي قدامي حودت عادي جدا اكن فيها ABS بس انا متأكد ان مفيهاش
امبارح كنت ماشي بسرعة عادية جدا بس الطريق كان فيه رملة ناعمة نتيجة تظبيطات في الشارع دوست دوسة عادية العجل عمل Lock و العربية زحفت بس ده مش نتيجة عيب فرامل ده علشان مفيش ABS و كان فيه رملة ناعمة
تعرف الفرامل الكويسة من الضايعة من المواقف الصعبة و بردو في التهدية من سرعة عالية و شوف بتمسك ازاي
اللي حاسس ان فرامله ضعيفة يروح التوكيل و يخليه يرجلش فرامل اليد
محمود باشا ازيك عامل ايهاقتباس:
المشاركة الأصلية كتبت بواسطة gebreel
معلومه اصلى اوى من واحد فاهم اللوجان كويس اوى
عملت الموضوع ده بأيدى رجلاش الهاند بريك و ده كان سبب ان تيل الفرامل الأمامى اخد عمر اكتر عن ما كانت الهاند 6 تكات التيل الأمامى خلص بسرعه
الله يكرمك يا محمد باشااقتباس:
المشاركة الأصلية كتبت بواسطة mohamed1979
بس انا مش فاهم التيل خلص بسرعة قبل الرجلاش ولا بعده؟
و السؤال الثاني ازاي عملت الرجلاش ده بايدك علشان انا عاوز اعمله و مش عاوز استنى التوكيل
دكتور احمد ازى حضرتكاقتباس:
المشاركة الأصلية كتبت بواسطة ahmed a rahman
فعلا الفرامل مش تيل امامى وبس زى ناس كتير ماهى فكره
فى عوامل كتير بتساعد فى الفرامل كفائه الفرامل
ارفع الهاند و حتلاقى كفر بلاستيك مغطى مسمار عن طريق بيبه 10 رجلش المسمار لجوهاقتباس:
المشاركة الأصلية كتبت بواسطة gebreel
و اتأكد اند مشدتش على الأخر علشان متحملش اوى على التيل الخلفى انا خلتها 3 تكات بس
التيل كان بيخلص بسرعه قبل ما اتجرأء فى ال 40000 الف و ارجلش الهاند
دلوقتى ماشى يالتيل حوالى 20000 الف و لسه فيه يمشينى على الأقل 15000 الف كمان
انا الكفر البلاستيك ده اصلا واقع لجوة عندي =)اقتباس:
المشاركة الأصلية كتبت بواسطة mohamed1979
هشوف لو في بيبة 10 عندي ولا لأ و احاول اظبطها
تسلم يا كبير تاعبك معايا
الواحد يا جماعه مش عارف يشكركم إزاي لأن إحنا بنستفاد فعلا . عاوز بس أسأل سؤال بس أعزروني عشان أخوكم لسه جديد في العربيات. إيه علاقة التيل الخلفي بالأمامي لما بدوس فرامل مش المفروض لما بدوس بستعمل الأمامي فقط وما معنى رجلشة فرامل اليد وتأثيرها على الفرامل بشكل عام ؟ وعذرا للإطاله.
[IMG]http://a7lashare.com/viewimages/8ef1b2b8b8.jpg[/IMG]
ده رسم توضيحى لطريقه عمل الفرامل السياره
مع دائره زيت الفرامل على الأربع عجلات عند الضعط على بدال الفرامل
]i gdkاقتباس:
المشاركة الأصلية كتبت بواسطة amrelzawawy
ده لينك بيوضح نوع الكاوتش اللى فى معظم عربيات اللوجان واضعف حاجه فيه هو progrissiveness اللى هو الزحف