ورشه المتحده اللي في صقر قريش
ياريت اللي اتعامل معاهم يفيدني
وينقل تجربته
علشان اعرف اتعامل معاهم ولا لا
عرض للطباعة
ورشه المتحده اللي في صقر قريش
ياريت اللي اتعامل معاهم يفيدني
وينقل تجربته
علشان اعرف اتعامل معاهم ولا لا
انا مش عارف بس هي اسمها المتحدة و لا ايه لان هناك في كام ورشة جنب بعض
المزايا: ناس محترمة جداااا و فاهمة جدااا و مش بتوع اشتغالات و عنده اخوهم هيثم كهربائي شاطر و عندهم قطع غيار
العيوب:
زحمة جداااااا
المصنعية غالية شوية بس زي غيره كتير
قطع الغيار عنده برده غالية سيكا :) بس برده زي غيره
المجمل انا برشحة جدااا انا بتعامل معاه من 2008 تقريبا و بتعامل مع ناس كتير انا شايف انه من احسنهم
انا سايبله العربيه بيعمل التكييف
ربنا يستر
:))
بصراحه ناس كويسه قوى , انا بتعامل مع محمد اكتر من أحمد
بصراحه ناس مش بتوع اشتغالات هوه بس مصنعيه زي ما أحمد قال غاليه شويه بس مش قوى
و قطع الغيار بيغلى فيها شوية بس انت ممكن تنزل معاه شويه بس الأهم تكون انت عارف سعرهم تقريبا بره عامل كام
بس انا بدفع بصراحه و انا ساكت عشان بيفهموا بجد و مش بيغير حاجة غير لو محتاجة فعلا تتغير مش تلبيس و خلاص
يعنى مثلا اخر مره كنت عنده كنت عايز اغير الفرامل اللى ورا مرضاش و قالى لسه قدامها 10 ألاف كم مع ان الميكانيكى اللى تحت بيتى قالى لازم اغيرها
و عندى علبة الدريكسيون حاسس ان فيها مشكلة برضه مرضاش يغيرهالى و قالى سيبها اللى فيها مش هيعملك حاجة مع ان سهل بالنسباله يغيرهالى و هيكسب فى قطع الغيار منى و المصنعية
للأمانه ناس محترمه
ابقى ادينا اخر الأخبار
اهي لسه عنده
السربنتينه
اوالبتاع ده اللي فيها اللي عامل زي اسطوانه الغطس جاب بدالهم علشان حيغيرهم
مع اني مغير السربنتينه من بتاع 3 سنين :)) لسه جديده يعني
بس قالي انها مخرومه جامد زي البارومه
انا كنت فاكر الموضوع شحن وخلاص
بس هو فاكك العربيه كلها تقريبا
ربنا يستر بقى
بص ما تقاقشى نفسك العربية عندهم امان و هما فاهمين شغلهم كويس بس زى مالاخوة الافاضل قالو انهم غالين شوية و على فكرة حسام الى قابلهم احسن منهم و بالاخص الى ماسك الورشة سيد زى الفل باعتبرهم احسن من عائلة عبد الراضى كمان انا اتعاملت معاهم كلهم حتى محمد و مدحت امين و مالقتش غير ان افضلهم حسام عن تجربة و انشاء الله خير
فاهمين شغلهم اه
بس حاجتهم غاليه اوي ومش بينجزو
عايزين واحد يفرش ويعد جامبهم لحد ما عربيته تخلص ومايكونش وراه حاجه
ويستحسن يجيب معاه الاسرة عشان هيوحشهم اوي
سواء عبد الراضي ولا اللي قبلهم
انا طلعت من عنده الساعه 3 الفجر
والعربيه مخلصتش
بعد ما غير نص التكييف تقريبا
فيه بلف كان بينفس
ومكنش في حد فاتح نجيب منه
قفل العربيه وختها وحيكمل يوم الاتنين
بس الى الان انا شايف شغلهم ممتاز
بس دخلني في مبلغ وقدره بعد ما كنت فاكر الموضوع شحن فريون ولا حاجه
من الاخر بتوع فلوس ومش بيفهمو زي حسام
الحمد لله تم اصلاح التكييف
واللي اتغير الاتي
سربنتينه 850 جنيه
اكسبينشن فالف 210 جنيه
مصنعيه وشحن 550 جنيه
وعملي شغل تاني كانت المروحه بتهيس وغير كتاوت وبرضو مفيش فايده وفي الاخر طلع الترموستات نفسه هو اللي بيشتغل بمزاجه فغيره
الترموستات اللي راكب رقمه كان 86-68
والترموستات اللي ركبته 82-72
وهو كان عايز يحطلي 90-80 بس انا متعود عليها بالترموستات القديم
زود كيلو زيت فتيس ب 30 جنيه محطوط في علبه صفيح كده نوه اسمه سي هورس تقريبا طل منه
والترموستات كان ب 20 جنيه
طبعا مصنعيه الترموستات والزيت والمروحه اللي قرفته بتاع ساعتين على ما عرفنا العطل منين لان كان الترموستات بيشتغل احيانا واحيانا لا فمكنش باين ان العطل منه الحاجات دي مصنعيتها من ضمن ال 550 جنيه برضو
دلوقتي هل اسعار الحاجات دي غاليه ولا لا
وهل الترموستات يفرق كتير عن القديم ولا لا
وبالنسبه لتبريد التكييف فهو بصراحه مش عاجبني حاسس كفاءته متوسطه يعني
بس هو قاللي ان الكباس نفسه الميكانيكا بتاعته من جوه ضعيفه وهو فعلا بيطلع صوت تكتكه على خفيف
وحاجه تانيه دلوقتي هو شحن الفريون ومحطش زيت للكباس قبل الشحن ولاما سالته قالي مش لازم لاننا مفكيناش الكباس ولان الفريون نفسه فيه زيت فهل الكلام ده صح ولا لا مع مراعاه صوت التكتكه اللي طالع من الكباس انا حاسس انه ممكن يكون بسبب انه محطش زيت
ونشكركم لحسن استماعكم :))
السربنتينه ب 850 جنيه ؟؟؟؟؟؟؟؟؟؟ ليه
انا جايب السربنتينه والردياتير والمروحتين - دورة التبريد كامله يعني ب 1400 من الحرفيين
السربنتينه جديده مش استيراد
بصراحة بتعامل معاه بقالى سنة ونصف . نفسى الاقى حد تانى .التكييف بصراحة صرفت عليه 1300 جنيه وما اشتغلش رحت عند واحد تانى اديته 300 جنيه شغال معاه بقالى سنة الحمد لله . بصراحة محمد عبد الراضى بيفهم بس فعلا غاليين جدا و ما بيتابعوش الصنايعية اللى هم بيوزوا وما بيربطوش الحاجة كويس وكل مرة اروحلوا فيها اصلح حاجة اقعد عنده اسبوع اصلح فى العربية وبحس انهم بيجربوا طب نغير دى ونشوف اتصلحت ولا لأ .ما بانصحش بيه اطلاقا ويا ريت حد يقولنا على حد تانى احسن.
اولا مبروك التكييييف
ثانيا معلش فهمنى شويه موضوع الترموستات بتاع المراوح ده الترمستات الرمادى
ايه موضوع الارقام ده ؟؟؟
كل الانواع اللى فى السوق 90-95 على ما اعتقد
انا جبت 3 انواع صينى والمانى وايطالى كلهم نفس الارقام وللاسف الحراره لسه بتعلى مع التكييف ومن غيره ساعات بتوصل 97
ادينى شويه تفصيل عن الترموستات بتاعه المراوح والكتاوت
الردياتير عني راكب فيه اتنين ترموستات
المفروض واحد يشغل السرعه البطيئه وواحد يشغل السريعه
بمعني الترموستات الصغير اللي هو رقمه 86-68 بيشغل السرعه البطيئه
والترموستات الكبير اللي رقمه 90-80 بيشغل السرعه السريعه
عندي بقى لاغي الصغير اصلا وبشغلها السريعه بس على الترموستات الصغير اللي هو 86-68 :))
ميزتها ان لو عداد الحراره وصل لل 90 ده معناه ان يا اما مفيش ميه يا اما المروحه شتغلتش وبكده الحق اخد بالي قبل ما الموتور يسخن والحق ابطلها
عيبها ان المروحه بتشتغل فتره كبيره نسبيا وده بالنسبالي مش مشكله لان اغلب مشاويري طرق مفتوحه وسرعه عاليه
بالنسبه للكتاوت حضرتك عايز تعرف ايه ؟؟
الله يبارك فيك :))
طيب برضو لسه فيه لبس فى الموضوع
ان صورتلك الترموستات اللى عندى وتقريبا كل الانواع عليها نفس الارقام
http://www3.0zz0.com/2012/06/08/08/669679847.jpg
كل الانواع عند بتوع الاوبل نفس الارقام بالظبط
اشرحلى بقى بالراحه الحوار بتاع الحراره عندك علشان انا شكلى هعمل زيك علشان انا اتجنيت خلاص
هو نفس الشكل
كمان ازاي كله نفس الارقام ؟ انا جابلي 90 -80 وبعد ما ركبه خليته يفكه ويحط ال 82-72 كمان
لاني متعود ابص للعداد الاقيه في مكان معين فمش عايز اقعد بقى وانا سايق اخمن هي كده سخنت ولا لا
زي ما قلت لحضرتك الفرق الوحيد لما تحط ترموستات اقل ان المروحه بتشتغل على فترات اقرب ولمده اطول وده بيخليها تبوظ اسرع يعني بيقلل عمرها الافتراضي
بس انا اجيب مروحه ب 250 جنيه احسن ما اخش في وش سلندر ولا حاجه وادفعلي بقى جوانات ويت وفك وتركيب ومصنعيه وهيصه
دلوقتي اللي بيحصل عندي بالظبط
بدون تكييف المروحه بتشتغل سرعه عاليه فقط
بالتكييف بتشتغل على السرعه البطيئه ومروحه السربنتينه كمان بتشتغل معاها
ولما الحراره تعلى بتشتغل السرعه العاليه
بس كده
لا انا معملتهاش عنده
العربيه اصلا كانت كده
بس بقالها فتره الحراره بتهيس وبعد فحص وفك وتركيب وحبشتكانات اكتشفنا ان العطل من الترموستات
انا دافع مصنعيه 550 جنيه تكييف وشحن فريون
مفتكرش خد مصنعيه على تغيير ترموستات يعني بس اعتقد الموضوع حيطلع كلام فاضي لان كل اللي حيعمله انه حيفك ترموستات من الردياتير ويركب واحد تاني
يعني لو خد 20 جنيه يبقى كتير كمان هههههه
المهم انت تكون عارف اني سرعه بتشتغل وعلى حراره كام مع التكييف واني مراوح بتشتغل وعلى اني سرعه بدون تكييف
وتفك الترموستات وتحط واحد رقمه اقل وتشوف المراوح اشتغلت على كام وبس كده
مش حوار يعني
-ترموستات الرادياتير الاصلي ارقامه 95-100 100-105
واحسن نوع جربته كان الجي ام
- الفريون في صورته الطبيعيه غاز انما لما بينضغط بيتحول لسائل ذو ملمس زيتي انما ده لا يغني عن زيت الكمبروسر لانه له مواصفات تزييت مختلفه عن الفريون المتحول من الغاز للسائل
-تكييف الاوبل مش ضعيف ولا حاجه هو بس مشكلته ان الشجره قريبه من فرن الشكمان فبتتاثر بالحراره العاليه
بس انا ركبت اوبل فيكترا ايه كان تكييفها عالي جدا لدرجه ان صوابع ايدي الشمال اللي ماسكه الدركسيون تعبتني من البروده كذلك الحمد لله التكييف عندي في البي ممتاز
-المصنعيه كتير جدا ..شحن الدوره بمصنعيه الشحن 120ج لاي عربيه ماعدا الاوبل ب150ج لانها بتاخد 900جم فريون غير العربيات التانيه من نفس الفئه بتاخد 750جم ...فكده هو اخد 400 جم مصنعيه في ايه؟؟؟؟
طيب
لوقتي هو شحن خلاص هل ينفع انه يحط زيت للكمبروسور ولا لا ؟؟؟؟
مع ملاحظه ان الكمبروسور بيطلع صوت تكتكه وهو قالي بسبب انه الميكانيكه بتاعته من جوه بقت ضعيفه
تفاصيل المصنعيه على قد ما انا فاهم
فك الردياتير والسربنتينه
تركيب السربنتينه والدراير الجداد وتركيب الردياتير تاني
تغيير الاكسبنشن فالف
غير الكشف على كهربا المروحه وتغيير الترموستات
يعني مش فريون وشحن بس
فهل ده كتير ولالا ؟؟؟
علفى فكره صوابع ايدك الشمال لازم تتجمد مدام ماسك بيها الدركسيون بسبب ان هوايه التكييف الشمال بتبقى قريبه جدا منها
هو فعلا التكييف دلوقتي كويس
لكن قبل ما يبوظ كان احسن من دلوقتي بكتير
بس انا شايف انه مش حيرجع زي الاول لسببين
اولا لان الشجره لما غيرتها الصيف اللي فات كانت صيني
ثانيا ان الكباس نفسه دلوقتي ضعيف عن الاول والدليل انه بيطلع صوت تكتكه
ولما قلتله نغيره قالي حيعمل الف جنيه
واني لو طنشت صوته حيشتغل ويقضيني ويوم ما يبوظ خالص نبقى نفك ونغيره ونشحن
فانا قلت اوفر :))
لا ماينفعش يغير او يزود زيت الكمبروسر لانه لازم يفضي الشحن اول وبكده هتغرم شحنه تانيه غير فك الكمبروسر وتركيبه ومن الواضح ان مصنعيته او تقديره لشغله غالي
-اللي حضرتك عملته من شغل بخلاف الشحن يتعمل عندنا في دمياط عند احسن كهربائي تكييف ب180 ج
-الشجره الصيني ممتازه جاري اللي ركبت عربيته الايه مركبها من 6 سنين وزي الفل والكهربائي اللي بتعامل معاه بيقول انها كويسه قوي وكمان بنزود عزلها بتبقي زي الاصلي هي في الاول والاخر مجرد مواسير انتيمون
-واضح من كلامك ان الكباس عندك ضعيف يبقي سيبه علي ماهو عليه وابقي غيره لما تزهق من اداؤه هو استيراد يعمل من 600 الي 800 جم حسب العرض والطلب
يعني المصنعيه كده غاليه
طيب انا زي ما كتبت هو الاجمالي 1710 جنيه
اللي هم
سربنتينه 850
لحام السربنتينه القديمه 50 جنيه
اكسبنشن 210
زيت فتيس لانه زودلي كيلو 30 جنيه
مصنعيه وشحن 550 جنيه
يعني المشكله كلها ان المصنعيه كتير ؟ طيب المفروض مصنعيه الشغل دي كام ؟ علشان ابقى عارف هو اغلى من بره بقد ايه
-مصنعيه الشغل ده 180ج عدلا
-هتشتري فرخ صوف زجاجي من عند بتوع قطع غيار البوتجازات اللي في شارع نجيب الريحاني بالعتبه هو طبقتين المونيوم عازل وتحته الياف زجاجيه وتقطعه بالمقص وتلفه علي مواسير الشجره وتثبته بسلك حديد (سلك واير)
-الهوا اللي من تحت الدواسه بيبقي اوبشن تتحكم فيه من بكره الاوضاع في التكييف حرك البكره علي صوره الوجه او الكرسي الممدود
معلش نسيت اقول انه فك درج التابلوه والتلاجه وغسلناها وركبناها تاني
الحمد لله تم تغيير الترموستات بنجاح بترموستات ايطالى 90-95 ]ده ارقم اللى مكتوب عليه الرجل نصحنى بيه بشده لما قلتله عايز ترموستات ارقام اقل قلى جرب ولو معجبكش رجعه
بصراحه تمااام الحراه اخرها 91 وبتنزل 85 بسرعه الحمد لله يومين تجربه حتى الان كله تمام
متزعلش ليك عندى 5 جنيه برضو:10D5C8w1107:
تمام ياباشا الف مبروك :))
انا غيرت تيل امامي وجوان تاكيهات وعملي جوان لغطا الزيت
التيل نوع مصري وقالي ممتاز ب 95 جنيه
والجوانين ب 25 جنيه
ومصنعيه 40 جنيه
تمام كده ولا ايه ؟
بصراحه انا شغله مريحني بس عايز اعرف ان كان اسعاره كويسه ولا لا ؟
انا قلتلك هو مريح لانك بتتعامل مع ناس محترمين مش همه يبيع و يغير و انا شايف المصنعية في الموضوه دي كويسة
على فكرة احمد عبد الراضي كان مدير خدمة ما بعد البيع في منصور
انا عارفه كويس
تمام ياباشا الف شكر
انا وديتله العربيه دلوقتي تاني يكمل شحن الفريون
فاضل ان شاء الله زياره لطناني باشا يقولي التكييف كويس ولا لا :)))
انا عملت التكييف عنده من اسبوعين ودفعت 1130 جنيه وبرضه فيه ناس قالو لى كتير بس بصراحة التكييف شغال تمام الحمد لله ولسه عايز اغير الفلاتر والسيور بس مش عارف هاروح له ولا لأ