الموضوع: صوت كركره على الغيار الثالث

المشاركة الأصلية كتبت بواسطة truss

لو قصدك على الكركرة يعنى صوت "تسقيف" اما تدوس بنزين , ممكن يكون فعلاً عيب بنزين , لأنه كان بيحصل معايا كدة ساعات اما امون من بنزينة معينة , و لما افول المرة اللى بعدها من مكان تانى الصوت بيروح.

دا ال بيحصل بالظبط يا باشا وفعلا لما مونت انهاردا 28 لتر من بنزينه تانيه الموضوع اتغير خالص بس هل دا ممكن يكون بوظ حاجه فى العربيه

المشاركة الأصلية كتبت بواسطة semsem_saad

إحتمال كبير يكون عيب بنزين لأن اوقات بتظهر عندى نفس المشكلة ..بس ياريت تقولى تقصد أنهى بنزينة ...لأنى من سكان أكتوبر وتقريبا عارف معظمهم ...لو تقصد إللى بجوار ميدان جهينة وأنت رايح بفرلى هيلز أول واحدة بجوار مول العرب ..دى توتل للعلم ..ودى بنزينها نظيف مافيش فية أى مشكلة ومابيحصلش التسقيف

انت حاليا فى ميدان جهينه هتخلى مول العرب على شمالك وهايبر على يمينك وهتدخل اكنك رايح على باوه اسكندريه اظن كدا الموضوع سهل فى الطريق دا بنزينه كبيره على اليمين هيا دى

المشاركة الأصلية كتبت بواسطة abduo882000

فعلا ممكن يكون عيب بنزين وهل بيقعد كتير ولا بيخلص بسرعة وانا عارف البنزينة دي على الطريق بوابة اسكندرية وتعتبر في الطريق اللى جنب مول العرب وشكرا يا غالى على النصيحة وانا بمون من موبيل في الحصري او التعاون في النجدة ودول بثق فيهم بصراحة

بصراحه الاتنين مش بثق فيهم خالص بحس ان بنزينهم مش كويس من شكل المحطه بس البنزينه ال عند الحصرى فيها اعمال تجديد وربنا يسهل ان شاء الله