استشارة هامة من الخبراء في فتيس لانسر

ياجماعة انا لسه مسقط مكنة بفتيس اتوماتيك لعربية لانسر 95 مع العلم انها مكنة كربراتير والفتيس الاتوماتيك واير يعني مفيش عندي اي حساسات وبعد التسقيط وكله تمام طالع اجرب اتلاقيت زيت الفتيس الاتوماتيك بيقع من خرطوم التبيريد المتوصل من الفتيس لسربنتينة تبريد الزيت بالريداتير فنزلت اشوف المقاس اتلاقيته يادوب معلم علي اول علامه في ال cold وطيران روحت جبت 4 ازايز موبيل ATF 220 الفتيس اخد 3 لتر بالكامل والحمدلله عدت علي خير
دلوقت بقي انزل ادور العربيه واعشق الD وامشي تمام بعد نص ساعه مشي وجري وكده اجي اقف واجيب ال P او ال N وارجع اعشق D او 2 او L مفيش اي حركه والعربية مترضاش تتطلع نهائي ولا تتحرك من مكانها واعد ارجع واطلع بعصايه الفتيس علي كل الغيارات المارشيدير شغال مبيعلقش لكن قدام بتصادف كل 4 او 5 مرات وتقوم طالعه عادي مفيش حاجه يعني بتعلق في الغيارات اللي تمشيها لقدام بس والكلام ده بعد مالعربيه تسخن والترموستات يبداء يفتح المراوح وكده لكن بعد ماركن العربيه ساعه كده واركب تاني مفيش اي مشاكل الا بعد نص ساعه مشي او لما العربيه تسخن
مبدئيا انا روحت غيرت الريداتير بريداتير جديد عشان سربنتينه الزيت بتاع الفتيس ممكن تكون مش سالكه وهي السبب وغيرت زيت الفتيس تاني بزيت موبيل وحطيت ميه خضرا وغسلت دورة الميه وبردو نفس العيوب مفيش اي تغيير
فارجو الافاده من الخبراء العيب اللي عندي ده عيب في نوع الزيت ولا عيب تبريد ولاعيب فتيس والف شكر ليكم ولتعبك