يعنى قصدك ان دواسة البنزين بتحجر تحت رجلك ولا بتفوت يعنى مثلا تدوس بنزين كأنها على ال n
عرض للطباعة
انا ركبت فانتازيا وسيفك وفلوانس.......وكنت بركز جدا فى موضوع النتشة ده
عايز أقولك انها نفسى النتشة فى ال 3 عربيات.......وده عادى......يعنى مافيش مشكلة
انا كان معايا ميجان 2......وكانت النتشة واضحة جدا ما بين الأول والتانى.......بس فى الفلوانس..........مافيش مقارنة بينها وبين الميجان
تقدر تقول انها زى باقى العربيات الاوتوماتيك
بالنسبة للفلوانس..........عايز أقولك انها ما شاء الله.........لا غبار عليها......توكل على الله وهاتها........ومش هتندم أبدا.......فى فرق فى الركوبة بين الفلوانس واى عربية تانية فى فئتها........يعنى انا بستريح فيها عن الفانتازيا.......الفانتازيا كنزة شوية من قدام......لكن الفلوانس أوسع وبرحة......
خامات الفلوانس من جوة عالية جدا وتقفيلها محترم..........والعزل ممتاز.......وواسعة جدا ......وعالية عن الأرض ..........يعنى انسى المطبات.
العيوب الوحيدة اللى انا شايفها فى الفلوانس........التكييف مش بقوة اليابانى والأوروبى......هو كويس بس بياخد وقت لغاية ما يسقع العربية .....وطبعا ده فى الجو الحر.......يعنى درجة الحرارة بتكون 36 وانت طالع......لكن أقل من كدة ..........التكييف بيبقى كويس
لكن انا عاجبنى جدا السحب بتاعها......تتفوق عن الفانتازيا فى طلعتها.....الفلوانس أسرع
وكمان الفلوانس فوق ال 100 بتطير........سحبها فوق الممتاز
فى حاجة كمان لاحظتها .........العربية لما بتشيل 3 ورا......المفروض العربية بتتقل فى السحب...........الموضوع ده مش موجود فى الفلوانس خااااااااااااالص......
لا لا لا ..........العربية ما شاء الله مافيهاش كلام............وتوكل على الله وهاتها بدون تفكير وتردد
بس هات الفئة الكاملة خالص فتحة سقف او الفئة اللى قبليها (تانى فئة اوتوماتيك)
بص انا مش هقول ان قطع الغيار رخيصة......بس مش أغلى من العربيات اللى فى فئتها
يعنى السيفك اللى كانت معايا كان تيل الفرامل ب 660 جنيه.......وبيصفر ومش حلو......لكن الفلوانس ب 450..........
بس الفلاتر رخيصة جدا.......بس بتتغير كل 10000 كم........هى والبوجيهات....بس الأسعار مثلا:-
فلتر الزيت ب 30 جنيه
فلتر الهوا ب 190 بس كل 20000 كم
فلتر البنزين ب 50 جنيه
البوجيهات ب 100 جنيه (كل 10000 كم)
المساعدين الاتنين ب 1200 جنيه
انا شايف انها مش غالية........ومعمرة.......لأن أغل ملاكها ما اشتكوش كتير وهى فى الضمان.......ما عدا مشكلة تقشير الطارة.......ودى حاجة بسيطة جدا والتوكيل المحترم بيغيرها فى الضمان.
بس انت عندك عفشة ناعمة نعوووووووووووومة......فوق الوصف.....
والله العربية دى لو الناس تاخد بالها منها هتنتشر انتشار غير طبيعى.....بس كدة أحسن ....عشان التميز :10D5C8w1107:
وقطع غيار الرينو الأصلى عليها ضمان سنة.........يعنى لو اشتريت مساعد وباظ منك .......تقدر تغيره قبل السنة
توكل على الله والعربية هتعجبك جدا..........صاج محمل...ودوكو محترم......(السيفك كان الدوكو بتاعها ضعيف جدا......اى حكة بخربوش ينور)
كماليات تحببك فى العربية (سمارت كى.......العربية أول ما تشوفك تفتح لوحدها :) وأول ما تبعد عنها تقفل الماريات الضم وتقفل السنتر لوحدها.
دا غير الراحة فى الركوب والعزل ...........الخ الخ الخ
كفاية كدة عشان الحسد............ربنا يعفينا
بالنسبة لموضوع أسيوط..........انا متهيألى فى فرع من توكيل رينو فى أسيوط او سوهاج....انا متأكد
بص ولا تحجير ولاتفويت .. الموضوع ابسط من كدا والاخ اللي بيقول انها موجوده في السيفيك والفانتازيا معاه حق لاني برضوا لاحظتها في الالنترا ...... مش عارف اوصفهالك لاني حسيتها في عربيات كتير ومش شايفها غريبه .
تحس ان العربيه بين النقله الاوله والتانيه كانها اتنفضت بس نفضه بسيطه اللى جنبك واللي راكب ورا مش هيحس بيها انت بس اللي هتحس بيها تحت رجلك .
الف شكر كده انا فهمت قصدك بالظبط كنت بحس بنفس الحركة فى النوبيرا الاتوماتيك برضه دى كمان كانت مكيفانى مش مضايقانى كنت بحس ان العربية عندها طاقة زيادة عاوزة تطلعها انت عارف الكبت وحش هههههههههه
السؤال اللولبى بقى العربية نازلة من 2010 ياريت ملاك الموديل يقولولنا العربية عاملة معاهم ايه بعد سنتين و يا ترى ابتدى يظهر فيها اعطال خزعبلية زى ميجان 2 كده ولا ايه هو ده معنى الاعتمادية اللى انا بسأل عليها
اعتمادية الرينو ذات التقفيل التركي أقل من المتوقع - من واقع تجربة مع ميجان 2008