انا مش فيرناوي ... ينفع أجاوب ؟ :)
العربية عشان عفشتها تبقي تمام يبقي وزن الجنط الجديد بالكاوتش الجديد يساوي أو أقل من الأصلي عشان تحمي العفشة
ده معناه تجيب جنط خفيف جدا ويكون صلب جدا عشان مش خبطة تكسره أو نقرة تتنيه
وده معناه أنك تجيب حاجة زي MOMO او OZ
هما طبعا غاليين جدا لو جديد ... لو أستيراد من الحرفيين يبقي لازم تكشف عليهم كويس
في حاجات كويسة وسعرها معقول وماركات أندونيسي وحاجات زي كدة
في حاجة اسمها hi join و حاجة اسمها ssw
هتلاقيهم عند أشرفكو و أرابكوم
الجنط اللي انا شايفه مناسب للفيرنا وهيساعد علي كاوتش عريض ( عشان الثبات ) هو ال 15
هيبقي عليه كاوتش 15\50\195 وكدة قراية العداد هتبقي مظبوطة وال profile مش هيبقي قليل فمش هاتخاف قوي من البالونة
نوع الكاوتش
في حاجات كويسة حسب الميزانية
لو ميزانية حلوة يبقي bridgestone potinza أو Turanza
لو مش قوي يبقي في كاوتش انا الصراحة مجربه وممتاز
Kumho Ecsta MX أو SPT .... ده الكوري مش الفيتنامي وبتفرق جدا
خد بالك وانت بتشتري الجنط يكون ال offset مظبوط ..... بيبقي مكتوب عالجنط من جوة
خد بالك وانت بتشتري الكاوتش يكون أنتاج جديد ويكون من حد بيبيع كتير مش شرط السمعة
المفضلات