جزاك الله خيراً بس انا ماليش فى السواقه اوى و سمعت ان الادا ناشفة فى السواقه؟؟؟؟
المستعمل متعب بس ليه حلاوته : انك تركب حاجة أحسن من اللى هتركبها لو جبت جديد
أما اللادا فبيركبلها باور دلوقتي من التوكيل وبعدين فكرة أنك انت جديد دا معناه انك سهل تتعود على اي حاجة من غير ما تحس بفرق
عامة انا زيك بالظبط ومش عارف أشتري ايه بس بفكر فى ابيزا 99 كويسة
النصيحة لو هتشتري مستعمل ماتتنازلش عن انها تكون زي الفل فى الاساسيات والكماليات ممكن تزودها براحتك بعدين
37000 مبلغ كويس ممكن تجيب هيونداى اكسيل جميع الكماليات بحالة ممتازة ....
بس الموضوع محتاج منك شوية صبر وبحث ..
وربنا يوفقك ان شاء الله
السلام عليكم
بص أنا بعد ماكنت ناوي أشتري سيريون من عندهم، غيرت رأيي لأني حسيت أن انا مش مضطر أخش فى حاجة فيها احتمال تكون غلط
"بالرغم من وجود أراء بتقول أنه ممكن والشيخ قال لو انت العربية مش ترفيهية وأساسي بالنسبة لك ممكن تجيب من عندهم"
بس انا حاسس اني مش مضطر أجيب جديد لأني ممكن أجيب مستعمل كويس
يعني انت لو هتموت من العطش ومعندكش غير خمر هتشرب منها بق واحد يحميك من الموت مش هتشرب الزجاجة كلها :fool: هيا دي الضرورة
بس لو اتزنقت خالص ومعرفتش أجيب مستعمل كويس ممكن ألجأ أني أجيب جديد بس ربنا ييسرلي الخير واللي يرضيه
وكمان لأن انا مش عاوز أخش فى قصة تقسيط طويل المدي لو حصللي حاجة تبقى مشكلة ليا أو لغيري
وكمان لأن هما مشترطين وجود ضامن مرتبه ضعف القسط وديه حاجة غلسة بالنسبة ليا
وكمان لأني هدفع نص تمن العربية فى الهوا أرباح ليهم عشان التقسيط
ففكرت أني أجيب عربية كويسة مستعملة
فكرت فى الابيزا أو البولو أو الفليشيا أو الاسكورت كلهم في الرينج من ثلاثين لأربعين وعربيات كويسة كل واحدة ليها ميزتها وعيبها بس كلهم فى المحصلة كويسين بالنسبة ليا بس المهم يكونو بعد 99 علشان مجبش حاجة قديمة
انا مش معايا ثلاثين فقلت انا ممكن أدور على حد يكون عاوز يبيع عربية ياخد اللي معايا والباقي يكون بسيط ياخده على كام شهر وأخلص
وحاليا مركز فى الابيزا بدور على واحدة تكون لقطة ربنا يسهل
شكلي هفتح موضوع فى قسم السيات أقول للناس هناك تدورلي لو حد عنده
ده رأيي كامل مكمل وأهم حاجة تستخير ومتستعجلش وتدعى ربنا يهديك للي فيه الخير ليك لأن ممكن يكون خيرك فى حاجة انت مش مستنيها
ولو هتشتري مستعمل أصبر اصبر اصبر ومتتغرش ومتقتنعش ان فيه حاجة مبتتعوضش - كل كويس فيه أحسن منه بس المهم تكون دورت ولما تقرر تشتري حاجة تاخد فرصة كاملة للقرار - وفللي العربية وارفعها ونزلها واختبرها ولو صاحبها واثق منها مش هيعارض
انا شخصيا شايف ان الواحد ميشتريش من تاجر
انا عاوز لما اشتري العربية اشتريها من صاحبها اللى استلمها زيرو واخدها من تحت بيته علشان أكون عارف تاريخها
وأعرف كل الصيانة اللي هوا عملها من ساعة الزيرو وتكاليفها كام علشان أعرف أحسبها كويس
ربنا يسهل ويرزقنا الخير
جزاكم الله خيرا
ايه اللى بيحصل ده انا روحت امبارح معرض رياض عمران فى باب اللوق سألت على 128 مو 2008 قاللى ب 43 ألف مصدقتش؟؟؟!!!! يا نهار ابيض!!!!:hang: