السادة الافاضل - انا عندى مشكلة فى الاكصدامات بتاعة عربيتى مش راكبة كويس - حد يعرف سمكى كويس اتعامل معاة
شكرا
http://www.youtube.com/watch?v=iZ5si...eature=related
عرض للطباعة
السادة الافاضل - انا عندى مشكلة فى الاكصدامات بتاعة عربيتى مش راكبة كويس - حد يعرف سمكى كويس اتعامل معاة
شكرا
http://www.youtube.com/watch?v=iZ5si...eature=related
في واحد في الدقي ... شارع التحرير
الناصية بتاعت جاد
في سمكري هناك اسمه اسامه
الواد دا عفريت و في وقت قياسي..
ايلي معرفي عليه واحد صاحبي عنده معرض عربيات
روحله و قله من طرف صفوت بتاع معرض سفير
للأسف نمرته ضاعت مني بس انا على يوم الاتنين ايلي جاي حوديله عربيتي عشان الاكصدامات
انا شوفت شغله في ياري كانت مخبوطه في الاكصدام يصراحه كانت شكلها مش هاترجع زي الاول عملها 10/10 و وداها الصبح استلمها بليل
ده اكبر عيب فى الفكترا ومضايقنى جدا
كل فتره اروح اشدهم تانى
بس المشكله انى بتعامل مع ناس خارج القاهره :)
اشكركم جدا على الاهتمام
حاشوف الراجل بتاع الدقى الى قال علية عمر
انا فعلا كان يهمنى انة يكون شغلة نضيف
تحياتى
المشكلة دي عندي برضة .. الاكصدام الخلفي حاسس انه شبة واقع من الجنب الشمال رحت لسمكري قالي ان اللي بيمسك الاكصدام ده كلبسات ومن غيرها الاكصدام حيبقى مش مستقر في مكانه قلتله أجيبها منين قاللي حتلاقيها في الحرفيين بس غالية شوية .. قام ثبتلي الاكصدام مؤقتا بمسمار علشان الاكصدام كان واقع خالص .. بصراحة خلى شكله غبي جداا و البوية اتقشرت طبعا بس أعمل ايه كنت مستعجل .. شكلي حأجيب الكلبسات دي وأرش الاكصدام .. ... أما الاكصدام الأمامي فحاسس أنه برده عايز كلبسات وحاجة تانية انه من عند الفانوس الأمامي اليمين داخل لجوة فبالتالي الفانوس باين أنه بارز لبرة .. سألت واحد قالي لازم أغير الاكصدام علشان مشروخ من قدام وبالتالي رجع لورا من ناحية الفانوس وصعب يرجع تاني .. واحد تاني قالي ان في حاجة زي الفل أو الاسنفج الناشف مخصوصة للموضوع ده بتتحشر بين الاكصدام وبين جسم العربية علشان تعمل الكونتور الحلو بتاعة الاكصدام وتمنع رجوعه لورا .. حد يا جماعة عنده خبرة بموضوع الاسفنج الناشف ده أو موضوع الكلبسات دي ؟ ولو في سمكري حلو في الموضوع ده يا ريت حد يفيدني .. ولو حد يعرف سعر الاكصدامات يقول .. وشكــــرا
فعلا في طقم فليين بيركب تحت الاكصدام هما 3 قطع GM :original: حتي الفليين ده GM انا جبتهم من الحرفيين بحوالي 110 جنيه
فعلا العربيه كان فيها اصلا فليين عادي اللي بييجي مع الاجهزة