عربيتى كيا علبه الردياتير اللى فوق انشرخت فرحت اصلحها قالولى الردياتير محجر طب ايه الحل نغيره بواحد إماراتى احسن
قلت وماله وغيرته بالفعل المهم انى بدرس فى هندسة القاهرة بشرح اوتوكادفطلعت لى مكافئة قلت اقبضها ويا ريتنى ما عملت كده اول ما خرجت من الكلية لقيت نور التابلوه انفصل وبعدها عييت واضريت لآخذ 9 حقن من العيار التقيل المهم المكافئة ضااااااااااعت ودلوقتى بقيت مشكلة التابلوة اللى ما بينورش روحت عند واحد بتاع عدادات ركب لمبات.وقلى خلاص كل ما خد مطب من مطبتنا بعيد عنك النور يفصل واخبط التابلوة خبطة محترمة يقوم يرجع تانى
المهم ما اطولش عليك قول طول رحت للراجل ففك التابلوه وشد منه فيشتين كبار وقالى ان فى بنتين فى الخريطة سايبين فاهالحمهم والمشكلة اتحلت الحمد لله وبدأت الاحظ ارتفاع لامبير الحرارة عن المعتاد ولكن ليس بالكثير ده طبعاً متزامن مع تغير الردياتير فما خدش واديت بس لاقيت الحرارة ما شاء الله بتعدى النص حاجة جميلة بعيد عنك على طول روحت عند ميكانيكى غيرنا الثرموستات بتاعة كوعة المياه وجربنا حساسس حراره اصلى توكيل والدنيا ذى ما هيه فى ناس قالت ان الردياتير الأماراتى بياخد كميه مياه اكبر من الأصلى بتاعها وده بيحتاج ان المروحة تدور اكثر من وقتها المعتاد حتى تستطيع تبريد كميه المياه ولما كان دورانها محدد كانت المياه لاتبرد جميعاً لذا فالحرارة مرتفعة وناس قالت ان الألومنيوم المصنوع منه ردياتير التوكيل اخف من الأماراتى لذا يبرد سريعاً كلام كله حلو بس ......................زهقت طبعاً فروحت للمعللللللللم الأسطى عاطف ابراهيم أستاذ الردياتير فى مصر موجود فى منطقة ابو قتادة فى شارع ترعة الزمر بين محطتى مترو انفاق فيصل وجامعة القاهرة بالقرب من محطة فيصل معلش يا عم عاطف نركب الردياتير القديم بعد تسليكه ونشوف الحرارة قالى يا باش مهندس مش مشكلة ردياتير على فكرة الردياتير اللى ركب جديد كان بتاعه المهم طاوعنى وجرب يا جدع انت تعيش يا حاج نفس الحرارة .طب الحل ايه جاب ثرمومتر غريب طويل جداً لحد 130 درجة تقريباً ووضعة فى زور الردياتير وقاس الحرارة وعند 82 درجة فتحت الثرموستات ودارت المروحة والعداد فوق النص قالى يا هندسة عيب المشكلة مشكلة امبير و خدنى ورحنا على بتاع الآمبيرات واسمة الأسطى محمد شوقى عنده ورشتين واحدة فى الدقى بعد مخبز الجهاد وناصية مجمعات الأهرام والثانى فى ابو قتاده الشارع الموازى لشارع ترعة الزمر بجوار مسجد اسمة ابو بكر الصديق شوف يا عم وحاكينا لة القصة فك وقال الأسورة (الموبينه) مفوته وكل ما ها يقعد اكتر ها يفوت اكتر طب غير يا عم وعاد مؤشر الحرارة كما كان وارتحت من الأرق
ها اكتب لكم هنا احسن ناس اتعاملت معاهم فى الصنايعيه الجامدين
1- الأسطى محمد فوزى خدمه جميع سيارات كيا
العنوان :الف مسكن بجوار البن البرازيلى اما دولفن اطلبه 01006190628ها يبعت حد من عنده يجيبك
واللى يقولك حراق شوية فى السعر اقولك مش مهم الحاجة ها تعملهل مرة واحدة
2- الأسطى عاطف ابراهيم 01001506972-37348465
العنوان :كوبرى ثروتمن عند الجامعة تزل اقصى اليمين وتلف يمين فى يمين الى ابو قتادة وانت واقف امام مستشفى بولا ق اسأل فين شارع ترعة الزمر
3- الأسطى سعيد 01226593856 بتاع العدادات جنينة ناميش السيدة زينب ويا ريت هو اللى يشتغلك فى العربية
الأسطى محمد شوقى 01005077489 بتاع العدادات فى ابو قتاده بجوار مسجد ابو بكر الصديق و الدقى ناصية مجمعات الآهرام بعد كوبرى الدقى فى اتجاه الجامعة ويديره ابنه حسام 01011936658