عرض للطباعة
اعتقد انهم بنفس السعر ونفس الامكانيات انتو رايكو ايه عشان انا بصراحه ناوى اجيب حاجه من الاتنين انا الاول كنت هجيب ماتيريا لما سمعت عن الاى 30 قولت هيونداى بقت بتفهم و تعمل حاجه حلوه فا انتو رايكو ايه يمكن انا عشان معايا هيونداى اكسنت معقدانى من الهيونداى كلها فا قولولى يا شباب انى الاحسن و ايه الامكانيات و كدا مع العلم ناوى اجبها تقسيط ازاى كانت دى او دى هدفع 55000 واقسط الباقى
انا راى ان الهيونداى لسه منعرفش نظامها ايه و متجربتش فى السوق و انما الماتيريا
متجربه و ناس كتير شكروا فيها بس بصراحه انا عن نفسى محبتش شكلها بس دى عمليه اذواق و فى الاخر انت لما تركب عربيه مرتاحلها و مريح بالك من مشاكلها هتبقى مطمن
و لو تقدر تصبر شويه و تشوف اداء الهيونداى فى البلد هيكون احسن
بصراحة الi30 شكلها حلو من بره و جوه (بس مش كل الالوان حلوة فيها).
اما الماتيرا فهى بالنسبالى شكلها كويس من بره , بالنسبة لناس كتير شكلها وحش و عاملة زى الصندوق.
من جوه الماتيرا وحشة اوى و فقيرة جدا جدا جدا.
انا رايى ال i30 احلى و احسن بكتير و 1600cc كمان و فيها حاجات حلوة زى مشغل الmp3.
الi30 تكنولوجيا جديدة
هات واحدة سودا ;)
بس اعتقد ان الماتيريا للامكانيات اللى فيها مشكله و سعرها حلو و كل حاجه اير باج و جنوط و Abs و شكلها بصراحه مشكله بس انا مستنى فعلا اشوف الناس اللى هتشترى الاى 30 تقول رايها
لو عايز عربية شبابية وجري والكلام دة يبقي الـ I30 بس هاتتعب مع التوكيل لو لا قدر الله ظهر مشاكل..غير انك هاتكون من اول الناس ايلي هاتجرب العربية ...وتاخد المخاطرة دي..
اما لو عاوز عربية واسعه وعائلية ومحترمة ..وتوكيلها نضيف..وياباني...يبقي الماتيريا..
ما انا مستنى اى حد يشتريها تقعد معاه شهر وله حاجه اكون انا سالت على تقسيط دى و دى و اشوف و اطقس كدا عنهم و فعلا لان انا معايا هيونداى و مجرب التوكيل :d فا هشوف وربنا يسهل ان شاء الله ادعولى يتم الموضوع دا على خيييراقتباس:
المشاركة الأصلية كتبت بواسطة hero
ال i30 تحفة فعلا - و سيارة هاشتباك محترمة في فئة الجولف و الاسترا و البيجو 307 و البرافو .
كمان 1600 و موتور متطور جدا .
الماتريا لا غبار عليها بس مشكلتها ان ملهاش منافس تقليدي ... بس شخصيا افضل ال i30 .
ال اي 30 تكنولوجيا جديده و كفائه عاليه الكل يشهد بها
غير الجوائز اللي واخداها عالميا
الماتيريا حلوه برضه بش شكلها تحتيه ميه علامه استفهام
الماتيرا فئة من العربيات لسه ما انتشرتش في مصر .... فئة الميني فان والفئة دي تضم حاليا :
الدايهاتسو الماتيرا 100-107
الهيونداي الماتريكس85-90
سكودا رومستر 108-
كيا كرانز بس غاليه عشان 2000 سي سي
رينو سينك 150 - 165
الاوبل كانت عارضه عربيتين من نفس الفئة (زافيرا وواحده تانيه) وبيقولو ها تنزل في خلال شهر والسعر في حدود 130 الف بفتيس ايزي ترونيك بتاع الاوبل
فولكس فاجن نزلت عربيه من نفس الفئة السنه اللي فاتت بس ضايعه
المهم مميزات الميني فان ايه بقه
- الصالون بيديلك احساس بالوسع نتيجه لارتفاع السقف
- المساحه المخصصه للارجل اكبر لوضعية الكراسي العالية
- مساحة التحميل في الشنطة اكبر رأسيا وبتبقى مهوله لو الكراسي الخلفيه بتتشال او تنثني للامام يبقى معاك عربيه نص نقل
- عربيات مناسبه للرحلات والتخييم و دي ثقافه مش منتشره في مصر قوي
عشان كده العربيات دي كلها لم تحقق اي انتشار في مصر باستثناء الماتريكس وده راجع لسعرها المنافس
اللي بيدفع اكتر من السعر بتاع الماتريكس بيبقى عايز عربيه شياكه وبرستيج وفي عرف المصريين الشياكه في العربيه الطويله ....... السيدان يكسب في الاخر
انا شخصيا شايف العربيات دي ممتعه وعمليه جدا في الاستخدام اليومي ومناسبه للسفر بدون مشاكل .... لاني لما بسافر يومين باخد الشقه كلها معايا تقريبا ( ملابس ولعب وعجل وسكوتر ووووووو ..........)
نرجع للسؤال بقه
الماتيرا عربيه ياباني بسعر 107 بتاخد فيها كماليات تكلفك في العربيه الهيونداي الكوري حوالي 117 تقريبا يعني الياباني ارخص من الكوري
وكمان وكيل الكوري بدون منافس أسوء وكيل عربيات في مصر
والموضوع مش موضوع يا باني وكوري الموضوع ان نفس العربيتين بعد 5 سنين شوف دي حالتها ايه ودي حالتها ايه
عن تجربه للكوري لا يصلح لحاله الشوارع بتاعت مصر ......... هي عربيات جميله بس عايزه شوارع حرير ... غير كده العربيه ها تشخلل في خلال 3 - 4 سنين بالكتيير ومش هاترجع تاني زي الاول لو عملت فيها ايه خصوصا مع مستوى الخدمه السيئ عند الوكيل.
لو عاجباك I30 بص على السوبارو امبريزا اعتقد انهم كانو بيحاولو يقلدوها
وفرق السعر بينهم ضعيف جدا ولا يستحق التضحية بالامبريزا
لو عندك اى استفسار عن ال I30 انا تحت امرك انا معايا بقالها اسبوعين تقريبا
بجد العربية ممتازة جدا و انا مش ندمان خالص خالص على اختيارى
بس انا حقولك بأمانة العفشة ناشفة شوية بس الثبات خرااااااااااااااافة
و على فكرة واسعة جدا من الداخل
موتورها ممتاز 122 حصان
اوتوماتيك كويس و سلس
ثباتها ممتاز
بدام قسط يبقى لا دى ...ولا دى
الخسارة هاتبقى مضاعفة (فايدة +سعر اعادة بيع )
يعنى ممكن توصل الخسارة اكتر من نص تمن العربية
حرام
شكرا يا باشا انا كان نفسى اسمع الكلام دا عن العربيات اللى تشبه الماتيريا بس بصراحه انا عجبانى الماتيريا جدا و الحمد الله استقريت عليها بس لسه بشوف نظام تقسيط كويس و اجبها علطوووول بأزن الله و ادعووووولى اجبها ان شاء اللهاقتباس:
المشاركة الأصلية كتبت بواسطة Migo123
الف مبروووووووك مقدما و ربنا يوفقك
كنت بشوف فيلم" مسجون ترانزيت" امبارح تور الشريف كان عايز يشتري عربية فصلاح عبد الله قاله اشمعنا العربية دي بالذات فيه أحسن منها راح قايله "الركوبة أمزجة" عجبتني أوي الكلمة دي وهي فعلا واقعيةاقتباس:
المشاركة الأصلية كتبت بواسطة king_de_egypt
يعني أنا مثلا الماتيرا دي بالنسبالي شايفها انها المفروض يرخصوها "تحت الطلب" مش "ملاكي" :) لكن هي عاجباك فتوكل على الله وهاتها:3gears: لان مهما أقنعناك بغيرها من الملاكي مش هتقتنع الا بسيارة تكريم الانسان دي :)
توكل على الله يا باشا وان شاء الله مش هتندم ---- سيبك من كلام الناس اللي مش عاجبهها الشكل المهم يبقى عاجبك انت----- بس برضه توقع لما تجيبها شوية سخافه من نوعيه ان البواب يضحك اول ما يشوفها او واحد غلس يوقف جنبك في الاشاره ويطلع راسه من الشباك ويقولك ............. وحدووووووووووووووهاقتباس:
شكرا يا باشا انا كان نفسى اسمع الكلام دا عن العربيات اللى تشبه الماتيريا بس بصراحه انا عجبانى الماتيريا جدا و الحمد الله استقريت عليها بس لسه بشوف نظام تقسيط كويس و اجبها علطوووول بأزن الله و ادعووووولى اجبها ان شاء الله
على فكره التقسيط بتاعها مباشر مع الوكيل من غير بنك
ودي ميزه كبيره
روح فرع المعادي
او فرع المهندسين اللي في شارع السودان
وربنا يوفك ان شاء الله
يا جماعة انا شايف الماتيريا شكلها ملوكي و شيك جدا و تحس انها عربية انجليزية كلاسيك .. و قلت يمكن انا فضائي .. سألت صحابي رأيهم فيها .. قالولي عربية تحفة و شيك جدا !
ماهو لو هنقارن اشكال العربيات كدة .. يبقي مثلا الجيب شروكي شبه اوتوبيس المدرسة .. ! و ده غير واقعي .. و الله يا جماعة العربية فيها جمال و ذوق عالي
و نازلة متفيمة و جنوط و اي بي اس و مش اي كلام و ووكيل قوي
رأيي لو هي عاجباك متترددش .. عربية حلوة اوي و من العربيات اللي بتنقي صاحبها علي رأي دكتور احمد سامي
ههههههههههههههههههههههههه ههههههه وحدووووووووووووه هههههههههههههههههه هقولو لا اله الا الله :) يا عم اللى يقول يقول المهم ان الواحد يركب العربيه اللى مريحاه شكلا و مضمونا و بعدين فى ناس كتييير حابه شكلها و فى ناس مش حابهاقتباس:
المشاركة الأصلية كتبت بواسطة Migo123
انا رأيي ماتيريا بغض النظر عن شكلها الغرييييييييييييييييييييي ييييييييييييب
ربنا يوفقك فى اختيارك ومبروك مقدماً ومتهتمش باى حاجة مدام مستريح
بس العربية اسمها دايهاتسو مش عارف ليه الشعب المصرى كله بيقول عليها دايهتسون
:)
الماتيريا من غير تردد (العربية جميلة جدا وفيها كل وسائل الأمان - توكيل محترم)
يعيبها إعادة البيع
الماتيريا يابانى فيها كل الكماليات وأرخص من الفئة الأولى الأوتوماتيك فى I30 الفاضية