استفسار قانوني من الاخوه المحامين ؟

بسم الله الرحمن الرحيم
السلام عليكم ورحمة الله وبركاته

عايز اسئل عن موقفي القانوني لو سمحتم

انا عندي سيارات نقل معدات حفارات ولوادر وكدا و عندي سائق كان في نقله و لما الحفار نزل من علي العربيه السواق كان واقف علي الارض بين الحفار و العربيه و الحفار خبطه وهو بيلف زنقه بين الحفار و المقطوره و طبعا في شهود علي الحادثه
صوره توضيحيه

http://www4.0zz0.com/2012/06/03/14/766800558.jpg

وتم حجز السياره و الحفار وسائق الحفار للفحص الفني و العربيه و الحفار و السائق اخلي سبيلهم دلوقتي و اتسجلت قتل خطاء و كان من ضمن الشهود قريب السائق المتوفي و شاف الحادثه لانه كان شغال معاه في اليوم ده

حاليا الوضع احنا عرضنا علي اهل المرحوم مبلغ مالي و مرتب شهري لاسرته و هم مش راضين و بيقولوا اللي تحكم بيه المحكمه احنا هنوافق عليه

عايز اعرف الموقف القانوني الخاص بي الان

و عايز اعرف الموقف القانوني لصاحب الحفار اللي خبط السائق

تقريبا مفيش حاجة عليك ... و بكبيرها اوى ممكن تاخد سنة مع ايقاف التنفيذ

المحكمة هتجازي صاحب العمل عشان مسئولية المتبوع عن اعمال تابعه وان السائق يعمل لديك بس اللى هتحكم بيه المحكمة هيكون مع ايقاف التنفيذ 6 شهور مثلا والسائق ايضا هيعاقب ومسئولية رب العمل مخففة وده ف الشق الجنائي اما الشق المدني فهتحكم بالتعويض ع رب العمل وثم رب العمل يرجع ع السائق الذي دهس العامل بالمبلغ اللى دفعه كتعويض للمتوفي ، انا محامى مبتدا بس ف وظيفة حكومية وشغلي تحقيقات ومع مجلس الدولة ومش ف التعويضات ولا المساءلات الجنائية بس انا اتكلمت ع حسب مادرست ايام الكلية
نظرة شخصية للموضوع حتى لو المحكمة حكمت فاتمنى انك تظل عند عرضك ع اهل المتوفي وكون رحيم بيهم

اقتباس:

---

المشاركة الأصلية كتبت بواسطة alex_life1989

تقريبا مفيش حاجة عليك ... و بكبيرها اوى ممكن تاخد سنة مع ايقاف التنفيذ

---

طب سنه ليه مع ان كل اللي حصل ان الحفار خبطه في عربيتي يعني انا مليش اي زنب في الموضوع غير انه شغال عندي ؟

الف شكر لحضرتك

اقتباس:

---

المشاركة الأصلية كتبت بواسطة moody_687

المحكمة هتجازي صاحب العمل عشان مسئولية المتبوع عن اعمال تابعه وان السائق يعمل لديك بس اللى هتحكم بيه المحكمة هيكون مع ايقاف التنفيذ 6 شهور مثلا والسائق ايضا هيعاقب ومسئولية رب العمل مخففة وده ف الشق الجنائي اما الشق المدني فهتحكم بالتعويض ع رب العمل وثم رب العمل يرجع ع السائق الذي دهس العامل بالمبلغ اللى دفعه كتعويض للمتوفي ، انا محامى مبتدا بس ف وظيفة حكومية وشغلي تحقيقات ومع مجلس الدولة ومش ف التعويضات ولا المساءلات الجنائية بس انا اتكلمت ع حسب مادرست ايام الكلية
نظرة شخصية للموضوع حتى لو المحكمة حكمت فاتمنى انك تظل عند عرضك ع اهل المتوفي وكون رحيم بيهم

---

طب يا فندم انا عايز اعرف حاجه انا عندي مكتب صغير يعني لما بيجي سواق عندي مش بيمضي ع عقد ولا الكلام ده .. كل اللي بيحصل باخد صورة بطاقته و صورة رخصته و خلاص فكدا مفيش اي عقود او اوراق رسميه

اما بالنسبه لعرضي الخاص بالمرتب انا معنديش مشكله يستمر عشان اولاده يقدروا يعيشوا لكن انا مستغرب تصرف اهله

والف شكر لحضرتك ع الاستشاره