ارجو معرفة رايكم فى السيارة سوزوكى سويفت من حيث قطع الغيار الصيانة السعر لو راشة برة والاداء والمتانة
عرض للطباعة
ارجو معرفة رايكم فى السيارة سوزوكى سويفت من حيث قطع الغيار الصيانة السعر لو راشة برة والاداء والمتانة
سيارة جيدة
اذا الحالة العامة ممتازة توكل علي الله
سيارة واطية هتتعبك في المطبات والمناطق الشعبية
هي تعتبر عربية يابانية جميلة وعملية وشبابية تصلح لأسرة صغيرة... يعيبها... ضيق الصالون نسبيا والمكيف بيتقلها ونسبيا صاجها خفيف
ادخل قسم السوزوكي واعرف عنها كل اللى انت عاوزه
في نقطه تخلي باىلك منها العربيه دي ياباني لحد موديل 1993 وبيكون فيها ار بي ام 1994 مش ياباني ولو فيها ار بي ام بيكون ملعوب فيها
وانا هبيع عربيتي واشتري واحده
عمليه جدا قطع غيار تمام التمام مفيش بعد كدة و اسعارها تمام و اى ميكانيكى يشتغل فيها تاخد بنزين 80 عادى عربيه دمها خفيف و لذيذة جدا ............ بس داخل المدينه يا باشا هتطلع على طريق العربيه مش امان خالص طبعا العربيه جرايه و موتورها حلو بيخليك تجرى بس لو حد لمسك النتيجه مش حلوة غير عربيات تانيه ممكن تتشقلب بيها على الطريق و تطلع سليم .... صاجها ضعيف نسبيا بس مقارنه بعربيات اليومين دول هى اقوى عفشتها بتشنشن بسرعه كل سنه و نص تقريبا بس اطمن حاجتها رخيصه و دة اللى مخلى حاجتها مبتعمرش .... العربيه عاليه عن الارض كتيير مبتحكش فى المطبات ... النظيف منها يعمل من 26 الى 33 و يا سلام لو وقعتلك على واحدة اوتوماتيك تبقى وقعت واقف و فتيسها الاوتوماتيك ارخص فتيس فى مصر ب 750 جنيه يعنى تجيب العربيه تمحطها و اخر السنه تروح تجيب فتيس و تركبو و ترجعها جديدة
واطية دي شتيمة ولا قصدك منخفضة :F_eyeb1[1]: الصراحة هي مش منخفضة على الارض هي عادية جداً واعلى عن الارض من عربيات كتير ... وتقبل تحياتي
جبت من الاخر بس موضوع الفتيس الاتوماتيك ده جديد وبالنسبة للثبات انا ابن خالى بسافر بالسويفت من الجيزة الى سوهاج ومفيش مشاكل الحمد لله على الطريق بتسد معاه ما شاء الله