الموضوع: أستفسار لأهل الأسكندرية عن أبراج طومسون

السلام عليكم و رحمة الله و بركاته
بعد إذنكم سؤال لأهل الأسكندرية الكرام
نزل يوم الجمعة هذا الأعلان

كنت عايز أعرف فين منطقة طوسون و مستواها إيه؟
و حد راح الأبراج المعلن عنها فى الأعلان؟
و إيه شروط الحجز لان مفيش أى رقم تليفون أستعلم منه مكتوب العنوان بس
و لكم جزيل الشكر مقدماً

المشاركة الأصلية كتبت بواسطة amr.elsayed

طوسون دى قبل ابو قير بشوية ... وفيها اماكن كويسة وفيها اماكن مش حلوة وفيها تكاتك وكدة يعنى الى حد ما شعبية بس مش اوى وفى مساكن ضباط طوسون ودى مثلا نضيفة وكويسة
لكن بالنسبة لمكان المشروع معرفش الحقيقة فين فى طوسون بس سعر المتر يوحى بانها مش بالمستوى المطلوب
بالاضافة ان مساحة الوحدة صغيرة اوى يعنى 63 متر دى صغيرة جداا بس ممكن تنفع شاب بيبدأ حياته وعنده استعداد انه يكبر بعد كدة
........................
بس عارف فى فكرة حلوة جدا لو مكانها كويس ... ممكن تاخد شقتين جنب بعض ويتفتحوا على بعض حتبقى المساحة الكلية 126 متر ب 140 الف جنيه ودة سعر تحفة بالنسبة لاسعار اسكندرية
حدعبس شوية كدة ورا الموضوع ولو وصلت لحاجة حقولك

أشكرك جزيلآ أستاذ عمرو على الأهتمام و الرد
أنا لقيت الشقة رخيصة جدآ ففكرت أخذها كشقة مصيف
جزاك الله خيرآ على تعبك و مجهودك
و أتمنى لو عرفت أى معلومة كتابتها فى الموضوع
تحياتى و أحترامى لشخصكم الفاضل