بروتون ساجا اوتوماتيك Or لانوس الاتنين زيرو
و ايه مقترحاتكوا الاخرى لحد 75000
عايز اعتمادية و قطع غيار مريحة و حجم معقول ملحوظة العربية لاسرة
عرض للطباعة
بروتون ساجا اوتوماتيك Or لانوس الاتنين زيرو
و ايه مقترحاتكوا الاخرى لحد 75000
عايز اعتمادية و قطع غيار مريحة و حجم معقول ملحوظة العربية لاسرة
الساجل أفضل كتيييييير طبعا من اللانوس، بس مشكلة البروتون ككل عدم توافر قطع الغيار بالتوكيل
يعنى اخلينى فى اللانوس و خلاص
الساجا واكلا دماغى :(
كلو بيمشي على أربع عجلات .... أنا رأيي لانوس عشان قطع الغيار و سهولة الصيانة و سعر إعادة البيع الكويس و السريع كمان (تبقى ما خسرتش فلوسك قدر المستطاع). أنا و لله الحمد العربية معاية بقلها أربع سنين و 85,000 كم و عمري ما ودتها توكيل أو مركز خدمة - كلو عند مكانيكي عادي و إستهلاك بنزين كويس و تكييف كويس و موديني و غيبني ... أي نعم مش برستيج خرافي يعني بس هي مقضية الغرض و أنا مش زعلان و لله الحمد تاني و تالت و بنسبالي السيارة هي مكانة بتوصل ما بين نقطتين يوم ما بتعمل ده بكون سعيد فعلاً و ربنا يوصلنا كلنا بالسلامة و يبعد عننا الحوادث و العين و كل الأذية دي. لو البروتون حضرتك شايفها حلوة و مالو بردو، هو الواحد بيشتغل و يتعب ليه مش عشان يجيب إلي في نفسو بردو ؟ ربنا يعمل لحضرتك الافضل. أخوك أحمد سامي
خليك في المضمون
ايه اللي يخليك تدبس في عربيه فشلت في مصر
عربيه لاتكاد تري في الشارع غير كل شهرين مره علي ماتشوف واحده واوقات يمكن اكتر
الكلام ده بحكم ان شغلي يتطلب ان كل يومي ممكن يكون في الشارع
بصراحه ماشفتهاش غير مره او اتنين من ساعه ما نزلت السوق
حبيت تصلحها
تلف حوالين نفسك علشان تلاقي قطعه غيار حتي توكيلها نفسه حسب ملاك بروتون مافيهوش قطع غيار
او حبيت تببيعها تدوخ بيها
لان مالهاش زبون
طب ما تاخد بصة على رينو لوجان يا باشا
الكلام عن توكيل بروتون ........ و توافر قطع الغيار ........... مُبالغ فيه جدا و لا واحد من اللي ذم في التوكيل و العربية راكب بروتون !!!
على العموم لو أنت عايزة راحة بال
توافر قطع غيار ........... طبعا اللانوس تكسب و زي ما قالك الأستاذ أحمد سامي ........ العربية حلوة و منتشرة .
بالنسبة للساجا و توكيل بروتون .......... كل الكلام اللي أتقال هنا في الموضوع من أغلب الناس مُبالغ فيه .
لا توكيل بروتون من أسوء ما يكون ............ و لا العربية فاشلة
الساجا بتبيع كويس و مش بتقعد عند التوكيل و زيها زي الجين 2 في حتة الأنتشار .
الفرق ان الجين 2 موجودة من 2006 .
بالمناسبة ........... أنا مش شغال في التوكيل
أنا بتعامل معاهم من 2007 في الجين 2 .
الساجا ولكن لمصر لانوس
دا على أساس إن احنا ما بنشوفش المواضيع اللي بيعملها أعضاء القسم عندكم ومشاكلهم مع التوكيل، والراجل اللي غير المقصات والمساعدين أول ما جاب العربية وما كانوش موجودين واستنى فترة، وتيل الفرامل اللي لو موجود في التوكيل (طبعا دا إذا كان متوفر) بيبقى مصري، والعضو الثاني اللي أول ما اشترا العربية والريموت بايظ وكل شهر يركبله بطارية والتوكيل فشل في إصلاح العيب.. وإنكم مسميينه (ذل العرب) بدل (عز العرب).. حاول تبقى موضوع شوية لو سمحت.. وحلو قوي موضوع الذم في التوكيل ده.. تحياتي
أنا زعلان جدا ......... جدا ......... مكنتش متوقع رد زي ده يا أستاذ حسين ؟
و كمان فوق ده كله
محدش من اللي رد معاه عربية بروتون ............... أو جرب التوكيل تجربة شخصية ؟؟؟
فمين اللي يكون موضوعي ؟
مش كل واحد يقرأ كلمة على الأنترنت .......... يعمم كل الحاجة
العفو يا أستاذ حسين و مفيش أي مشكلة
بس أنا تعليقي الأصلي كان تجربة واقعية في التعامل مع التوكيل لمدة 5 سنوات كاملة بعربيتين بروتون مش عربية واحدة .
فأنا بس اللي ضايقني
أنكم بتاخدوا التجارب السيئة مقياس .
لو دخلت أي قسم هاتلاقي ناس كتيرة مش طايقة التوكيل بتاعها و بتقول فيه كلام وحش .
بس فأنا ردت من واقع تجربتي ........ و أكيد مش هاغش الناس
التوكيل مش واو ......... و مش وحش قوي كدا زي ما الناي بتكتب .
التوكيل زيه زي أي توكيل مصري
و عز العرب يعيبه بس أن قطع الغيار الغير أستهلاكيه مش متوفرة على طول و ممكن في الضمان تضطر تنتظر علشان قطعة الغيار توصل .....
إنما كتوكيل و صيانة ...... كويسين و المعاملة كويسة
قطع الغيار خارج التوكيل متوفرة و مفيهاش مشاكل
اللي ممكن يشتكي ........ اللي منتظر قطعة غيار في الضمان و منتظرها توصل من ماليزيا .
بمناسبة التيل المصري (بروتون أعتمدته قبل ما عز العرب يبيعه )
حصل خير، بس أنا عاوز اتناقش معاك في حاجة، لو ربنا كرم حضرتك بعربية نيسان حلوة كده قشقاش أو جوك (قول آمين) هاتعرف يعني إيه توكيل محترم (نيسان) فأنا بتكلم من هذا المنطلق.. أنا معاك إن أغلب التوكيلات في مصر مش كويسة، بس بنسب.. يعني رينو ونيسان ممتازين جدا كل قطع الغيار الاستهلاكية وغير الاستهلاكية موجودة وبيتم تغيير أي حاجة فيها مشكلة في العربية في الضمان بدون مناهدة.. وعلى فكرة الشكاوى من عز العربية أكثر من الشكر ووالله انا ما جايب الكلام ده من عندي.. تحياتي لحضرتك وآسف للمرة الثانية
ياباشا مفيش آسف و لا حاجة و كلنا هنا أخوات و المنتدى كله على رأسي من فوق .
بالنسبة لموضوع التوكيل
أنا مش بدافع عن عز العرب لأني عارف أنه عنده مشاكل و فيه توكيلات تانية أحسن .
بس أنا الكلام مُبالغ فيه ...... بس كدا .
أنا عارف بروتون من أول يوم أشتريت فيه و عارف مشاكل التوكيل
و في 2007 بروتون مكنتش معروفة في مصر زي دلوقتي و مع ذلك أشتريتها و كنت عارف مشاكل التوكيل .
أما موضوع عدد الناس اللي بتشكر و بتذم .
أدخلى على الفاس بوك ........ و شوف مجموعة الجين 2 كلب بتاعة مصر
و أنت هاتلاقي أغلب الناس بتشكر مش بتذم .
ممكن يكون الناس هنا عددهم أقل و اللي عنده مشكلة بيعرضها و مفيش حد بيشكر إلا القليل و بالتالي أنت بتكون أنطباع أن المشاكل أكتر .
مع الأعتراف بوجود مشاكل طبعا .
في عز العرب بالمناسبة
بيغيروا أي حاجة تبع الضمان من نفسهم
و ممكن أنت تلاقي المهندس بيقولك ........ أنت محتاج تغير كذا كذا و من غير أصلا ما أنت تكون عارف .
هي المشكلة أن أحيانا قطع الغيار لازم تنتظر لوصولها من ماليزيا .