احنا عندنا في اسكندرية واحد اتمسك و ماطلعش الأ بعد 18 سنة و محدش يعرف عنه حاجة و لما طلع مكنش ليه ورق
عرض للطباعة
احنا عندنا في اسكندرية واحد اتمسك و ماطلعش الأ بعد 18 سنة و محدش يعرف عنه حاجة و لما طلع مكنش ليه ورق
السلام عليكم و رحمة الله و بركاته
بالظبط كده يا فندم, من أيام عبد الناصر و الكلاب دى, بيتصرفوا على أنهم يعبدوا النظام و الثورة -ثورة 52- و عبد الناصر و ربنا ده مش فى الحسبان خالص, عالم على قدر لا يستهان بيه من القذارة !!!!!!!!
واحد كان محبوس فى السجن الحربى أيام عبد الناصر و طبعا متروق آخر ترويق و يقول للظابط, حرام عليكما, هتروحوا من ربنا فين !!!!, يقوم الظابط الكلب يرد عليه و يقوله: ربنا مين يا بن الكلب, ماهو مرمى فى الزنزانة اللى جمبك (أستغفر الله العلى العظيم, تعالى الله عما يقولون علوا عظيما).
ماهو راخر الكلب حمزه بسيونى مات موته بشعة.
أنا بس بحاول أوصل للناس الصورة كانت عاملة ازاى, بس للأسف, اللى على عينه غشاوة, مش هتنزال الا اذا ربنا أراد, أنا عندى قصص و حكايات واقعية اتحكتلى من شاب جارنا فى المنصورة, اتحبس سنتين بدون أى تهمة و ماطلعش الا أما ثورة 25 يناير قامت, و عنده كلام عن أساليب التعذيب, تتكتب فى مراجع, بس للأسف, فيه ناس عندها الشباب المصرى يتحبس و يتعمل فيه كده و أكتر, و لا أن الاسلاميين يمسكوا البلد, كله فدا النظام, النظام بأه اللى بنفديه بأغلى حاجة ده, هيدينا ايه مش مهم, المهم أن يكون فيه نظام يدوس علينا بالجزمة و خلاص, لأن ده الطبيعى, أن يكون فيه نظام, بيحبس ولادنا و يغتصب شرفنا و خلاص, ده الوضع الطبيعى !!!!!!!!!!!, ايه المقابل باه, مش مهم يكون فيه مقابل, و لله الأمر من قبل و من بعد.
لا حول ولا قوه الا بالله
انا شايف ان فى ناس عايشة و بتحب الاهانة لمجرد الاهانة .. و الجزمة فوق رقبته... تحت اى مسمى بقى ( استقرار- وقف البلطجية - البلد مش هتمشى غير بواحد مفترى ... الخ
وناس نفسها تعيش بكرامة...كفاية مذلة
اللهم اصلح امورنا .. وولى علينا من يتقيك فينا
ان شاء الله خير
ربنا هيصلح شان هذه الامة لاننا قدمنا الخير واختارنا الخير فربنا مش هيجبلنا غير الصالح
ولعل الي احنا فية ده خير واحنا منعرفش عشان يقسم الظالم مرة واحده وياخذه اخذ عزيز مقتدر
ان شاء الله هنتخب مرسي مش عاشن مرسي ولاخوان عشان خاطر شفيق واعوانة
أنس حسن
نصيحة لشباب الإخوان .. لما تيجي تقنع حد أنه ينتخب مرسي ياريت متحاولش تصوره على أنه الرجل الخارق !! ، الناس بقت بتفهم ، مرسي لا كان ولا هيكون شخص مقنع أن الناس تنتخبه ، اقنع الناس ببرنامج أو كلمهم عت خطر الفلول ، زيادة عن كده مرسي بيضرك ف الدعاية مش بيفيدك