انا معايا نوبيرا 2 مانيوال موديل 99 1600 سي سي اتنبن كامه وانا غاوى جرى و شد و كده عايز اعرف انقل امتى عند ار بي ام مناسب يدبنى عزم شديد و ف نفس الوقت ماحملش المكنه اووى فوق طاقتها
انا معايا نوبيرا 2 مانيوال موديل 99 1600 سي سي اتنبن كامه وانا غاوى جرى و شد و كده عايز اعرف انقل امتى عند ار بي ام مناسب يدبنى عزم شديد و ف نفس الوقت ماحملش المكنه اووى فوق طاقتها
وشكرا مقدما لراجاله النوبيرا الى انا باذن الله هنضم ليكو بس بعد امتحاناتى هتلاقونى معاكو انشالله ف اسوان و على فكره انا من بورسعيد و لو احتاجتو اى حاجه من هنا انا تحت امركو اخوكم احمد الدمرداش
3000 rpm العادي
لو بتشد جامد ييبقى عند 6000 بس ما يبقاش ده العادي
لو بتجري اوي يبقى 4000 او 4500
بص ياباشا لو عايز القيادة الموفرة يبقى تنقل ع r.p.m 3 و دا طبعا مش مناسب للشد ,,, لكن لما تحب تجرى ابقى انقل ع 5 او 6 بالكتير اوى و الكلام دا اقصده ع عربية r.p.m بتاعها اخرة 8 و دا معظم الحاجات اللى موجودة ف مصر لكن فى شركات بتنزل r.pm اخرة 5 او 6
صون العربية تصونك
الف شكككر ليكم اوووى يارجاله بجد شرف ليا انى انضميت لجروب بالنشاط ده وانا فعلا بنقل على اربعه او خمسه بالكتير
"صون العربيه تصونك" مقتبس
قعلا ياباشا الكلام ده صحيح لان العربيه كل ماتديها اهتمام تاخد منها اداء انا الحمد لله بقدر استطاعتى مباكلش مطبات وانا بجرى بحط بنزين 92 ف العادى لو عارف انى هشد او طالع على طريق يبقى 95 وش و حاطط بوجيهات سبليت فاير و طقم فلتر تربو بالزور بتاعه سيموتا اصلى جايلى من بره
طالما مش هتخش ريد زون يبقى انت فى السليم
بس طبعا بيأثر على العمر الافتراضى للمكنه
و ربنا يستر طريقك
انا بنقل على اربى ام من 2الى 3---بس لو بشد مع عربيه تانيه بنقل على 6500 لفه فى الدقيقه
انا عن نفسي بنقل في المعتاد على 4 بس دلوقتي نزلت ل 3 عشان نار البنزين
والله انا اقصى سرعه وصلتلها 205 او 210 ع الصحراوى بس الحمد لله ثبات العربيه كان تمام جدا كنت بجرب العفشه الكونى ف العربيه كانت واطيه جدا ف ثباتها كان روعه وكنت مركب دعايم الشاسيه ف البطاحات ورا و قدام ف بصراحه كانت زي الفل وكمان بنزين 95 وزيت متور ليكوى مولى
وبعدين العين متعلاش عن الحاجب يا باشا حضرتك عملت اكتر من كده بعربيتك انا قريت قصه الشد بتاعتك مع الفنتزيا و السيراتو و بصراحه معجب بحضرتك جدا
في النوبيرا عشان تحس بمتعت عزمها و سحبها ادي لحد 5 و 6 rPm
انا عن نفسي لما بشد بخوش في ال red zoon
أنقل كالآتى
فى فى الرينج بتاع التلت الوسطانى للعداد من غير الرد زون
يعنى لو عدادك 8 آلاف والرد زون بتبدأ من 7 آلاف يبقى عندنا 6000 لفة ننقل فى حدود التلت التانى منها يعنى من 2000 ل 4000
فيه عربيات عزلها عالى مش هتحس بصوت الموتور قوى غير لما عدد لفات الموتور يبقى عالى !!!