طيب وليكوى مولى رأيك فيه ايه ؟ :36_7_7[1]:
عرض للطباعة
لاجل الامانه بس عشان ما نظلمش نوع معين
ال 10-40 حطيته في الاكسنت نقص جامد حطيتلها 5-40 بردو نقص :crying1:
هأروح أشوفها مالها الاسبوع الجاي
5-30 كريم فوزي استخدمه و كان بيحط ال 5000
أول غيار زيت نقص منه ربع أو نص كيلو و الغيار اللي بعديه اشطه سليم
و كريم فوزي عيشته كيكات أصلا !
انا حاطط ال 5-40 بس لاجل الامانه ما سافرتش بيها الا مره أو اتنين غير ان انا ما كنتش موجود في التوكيل عشان أشوف ساعه الغيار كان ناقص ولا لا
بس ابن التيييييييييييت كان نازل اسود اسود بغباوه و نازل مياه أوي (انا شفته في التفريغ)
و انا قرصي بيبقي نقله لكن سفر سفر و طير ما عملتش كده بفالفولين خالص
صاحبي حاطه في امبريزابيقول عليه زيت ابن ناس بس انت عارف الامبريزا خشنه قد ايه
و كان حاطط قبليه كاسترول و بيشكر كاسترول في ال COLD START UP
بيقول كاسترول أشد في النقطه ديه بس الصوت أنعم مع فالفولين
فيه كتيييييييييييير جربوه فـ مواتير تربو T-JET و TSI وبيقولوا تمام
بس أنا مجربتوش الصراحة؟!!
شوف ياباشا
ماينفعش تحط زيت 10w-60 (الإيدج-سبورت) فـ عربية موتورها صغير وفستك (البيكانتو 1.1 والياريس 1.3)؟!!!
البيكانتو جابت طقم تاكيهات؟؟!!! والياريس صوت الموتور فيه rattling-noise وبتآكل زيت -أكثر من الطبيعى- والـECL نورت!!
والتوكيل قالو المشكلة فـ وحدة الـVVT-i (وفيه مركز قاله عمود كامة)؟!! :B4_039:
- واضح أنها مشكلة وش-سلندر فـ العربيتين؟؟!!!
الزيت الثقيل 10w-60 بيبقى صعب أوى فـ الـCold-Start، وهما مشيوا ورا كلام الفتايين بتاع الزيت اللى قاله بيقعد 18000-20000 كم؟!!
دا زيت عايز موتور 2000cc وطالع، أو مواتير تربو متونة كمان.
بالنسبة للفالفولين
معظم اللى جربوه بيشكروا فـ صوت الموتور Ok
بس فيه شكوى عامة من نص الزيت.. وفعلا فيه كومنتات على اللزوجة الضايعة :plusone2:
بس خد بالك الـfeedback دى بتختلف من واحد للتانى، حسب حالة الموتور وطريقة السواقة؟!!
يعنى ماتاخدش بالكلام إلا لما تجربه أو تلاقى فيه تكرار للمشكلة!
لون العبوة دهبي ولزوجتها 5w/40
دي العبوة بتاعته وعلى فكرة التوصيل بتاعه مجاني داخل القاهرة الكبرى
http://2.bp.blogspot.com/_N63HVTTQ4D..._Layer%2B1.jpg
كلام سليم جدا
يمكن المشكلة مبتكونش في الزيت بقدر ما بتكون في ان الموتور اتعود على زيت ايه !
يعني مينفعش يكون موتور معدي ال 100000 كم على زيوت معدنية وتيجي عاوز تنقله على زيت تخليقي
اعتقد هتكون معادلة صعب جدا ان الزيت يظبط مع الموتور دا وساعتها مبتكونش مشكلة زيت بقدر ما هي مشكلة موتور ومشكلة مستخدم !
انا لااثق الا بشل
نفسي الاقي amosil
من الاخر بقي
فعلاً الكلام دا صح جداً ومظبوط جداً وانا ذات نفسي لما بروح التوكيل أغير زيت بشتري علبة زيت شيل الألترا من أي بنزينة شل نضيفة عشان أضمن انها مش مغشوشة ولا مضروبة تحت السلم
وعشان المرة الوحيدة اللي غلطت فيها وسمعت كلام التوكيل في أني أحط موبيل 1 خلي صوت الموتور عالي جداً بطريقة ملحوظة والموتور كان بيسخن والعربية كانت بتصقف كتير
والموضوع دا أنا ذكرته في موضوع هنا قبل كدا ونصحت الناس تبعد عن موبيل وان., وأن الأعلانات عنه أنو رقم واحد مش كفاية انت جرب واحكم واشتري من بنزينه سمعتها كويسة او محل كبير عشان تضمن ان الزيت مش مضروب
والتجربة خير دليل. وأحتمال علبة الزيت اللي أشتراها صاحب الموضوع كانت مضروبة او
لأن زيت كاسترول مش وحش للدرجة دي
الـValvoline وليكوي مولي مع أحترامي ليهم بس انا مش بطمن ليهم, أنو زيت الماني وبالسعر دا
انا الصراحه بستخدم موبيل 1 من الزيرو والحمدلله زي الفل و بغيره كل 10000 ومش بينقص غير كمية بسيطه لا تذكر ... قلت اجرب نوع تاني طالما الناس كلها مش عاجبها موبيل 1 ... جربت كاسترول edge 5w40 ومالاحظتش اي فرق تماما بين الاتنين لا في صوت الموتور ولا الاداء ولا اللزوجه ولا معدل البخر ولا استهلاك البنزين ... الاتنين زي بعض ... يمكن بس كنت بلاحظ ان مروحة الردياتير كانت بتشغل اوقات اقل مع كاسترول ممكن يكون احسن في التبريد .. بس غالبا دي تهيؤات
في رأيي اهم حاجه تختار درجة اللزوجه الانسب لمحرك عربيتك وحالته وتشتري الزيت من مكان موثوق فيه .. مش هتفرق كتير البراند طالما انك مستخدم عادي مش بتاع سباقات ومواتير تيربو
انا حتى بفكر أوفر فلوسي واجرب التعاون 1 التخليقي بس قلبي مش مطاوعني .. وان كنت اعتقد انه مش هيفرق حاجه عن موبيل وشل ... هما بيعملو اعلانات ويصرفو على الدعاية زي مساحيق الغسيل والزبون هو اللي يدفع الفرق من جيبه !!!