سؤال لخبراء البوما - مؤشر البنزين بيعلق

**Egy_fan** · 04-06-2012 03:54 AM

السلام عليكم. طبعا احنا بنعيش ازمه طاحنه فى البنزين علشان كده انا كل مره بحط فيها بنزين بفول العربيه على الاخر خالص.
اخر مرتين فولت لاحظت انى لما بدور العربيه بلاقى مؤشر البنزين بيعلق و يفضل مكانه تحت الصفر ومش بيتحرك خالص. ابطل العربيه و بعدين ادور مرتين او تلاته الاقيه يشتغل و يرجع يقف على maximum لأنى بكون مفول
ياريت سبب المشكله و لو فى طريقه للحل

شكرا و اعتذر عن الاطاله

**dr_hady4447** · 04-06-2012 08:04 AM

عندى نفس المشكلة

ودا لما افول للزور بس

انما لو حطيت اقل من كدة مبيعلقش

بس دى بتحصل مرة واحدة او مرتين كل تفويلة

**مصراوي جدا** · 04-06-2012 10:33 AM

دي مشكلة بتحصل احيانا في البومة فعلا وهي بعد الكشف على عوامة البنزين اما بيتم اصلاحها او بيتم تغييرها

**Egy_fan** · 04-06-2012 12:06 PM

انا فعلا فولت كتير مع اول فصله للمسدس و المشكله لم تظهر لكن علشان ازمه البنزين كنت بفول مع اخر فصله و بدأت المشكله تظهر

اعتقد ان الحل فعلا هو التفويل مع اول فصله علشان نحافظ على العوامات

شكرا للردود

**MohammedAladel** · 04-06-2012 12:28 PM

بصراحة اول مرة أعرف ان المسدس بيفصل

**dr_hady4447** · 07-06-2012 03:38 AM

المشاركة الأصلية كتبت بواسطة ramy reda

فى مشكلة عندتا فى مصر و هى تفويل السيارة و دة اكبر غلط لمل بتفول السيارة مش بيكون عندها نفس تتنفس مثل الانسان فيا ريت اى حد عاوز بفول يقول مع اول فصلة للمسددس يقف ميكملش علشان العوامة الى جوة التنك بتبوظ من التفويل على الاخر

عندك حق
مش لازم نفول للزور

**M!SHO** · 07-06-2012 05:35 AM

+ متفولش والعربيه دايره

**eng_mero82** · 07-06-2012 01:18 PM

انا لسة النهاردة حاسس بالمشكلة دى بس مشكلتى اختلفت شوية انا عربيتى بومة 2012 1600 اول مرة فولت فيها العربية عملت معايا 428 كيلو بس من غير الشرطة الاخيرة وتانى مرة عملت حوالى 360 كيلو بس اختفت الشرطة الاخيرة وانا واقف مستنى دورى فى البنزينة بس الغريب انى لما فولت اخدت 38 لتر بس وده طبعا قليل لان التنك اصلا 50 لتر وجيت النهاردة وانا عند 29 كيلو اختفت اول شرطة وبعد شوية رجعت تانى وبعدين اختفت تانى انا كنت ابتديت اشك ان العربية بتستهلك بنزين كتير لكن بعد كلامكم فهمت ان ممكن يكون فى مشكلة فى موضوع العوامة فايه رايكم اروح التوكيل ولا اعمل ايه وخصوصا ان العربية فى الضمان

**szaalouk** · 07-06-2012 09:45 PM

المشاركة الأصلية كتبت بواسطة eng_mero82

انا لسة النهاردة حاسس بالمشكلة دى بس مشكلتى اختلفت شوية انا عربيتى بومة 2012 1600 اول مرة فولت فيها العربية عملت معايا 428 كيلو بس من غير الشرطة الاخيرة وتانى مرة عملت حوالى 360 كيلو بس اختفت الشرطة الاخيرة وانا واقف مستنى دورى فى البنزينة بس الغريب انى لما فولت اخدت 38 لتر بس وده طبعا قليل لان التنك اصلا 50 لتر وجيت النهاردة وانا عند 29 كيلو اختفت اول شرطة وبعد شوية رجعت تانى وبعدين اختفت تانى انا كنت ابتديت اشك ان العربية بتستهلك بنزين كتير لكن بعد كلامكم فهمت ان ممكن يكون فى مشكلة فى موضوع العوامة فايه رايكم اروح التوكيل ولا اعمل ايه وخصوصا ان العربية فى الضمان

طالما العربيه في الضمان يبقي علي التوكيل علي طول و خد حقك و الصح ان العوامه تتغير و هي عباره عن مجموعه فلتر البنزين بالكامل لأنها بتبقي وحده واحده جوه التنك .