السلام عليكم
انا العربيه عندى بولو 2001 طرمبة الباور فيها زنه ودا لان اللى انا شارى منع العربيه كلن حاطط زيت باور احمر والصوت بيعلى مع دوسة البنزين فهل فى حل للموضوع ده وسعر الطرمبه كام جديده او استعمال
ولكم جزيل الشكر
عرض للطباعة
السلام عليكم
انا العربيه عندى بولو 2001 طرمبة الباور فيها زنه ودا لان اللى انا شارى منع العربيه كلن حاطط زيت باور احمر والصوت بيعلى مع دوسة البنزين فهل فى حل للموضوع ده وسعر الطرمبه كام جديده او استعمال
ولكم جزيل الشكر
بص يا باشا
انا معايا بولو 2001 وفيها مكنة الباور بتعمل زنة جامدة بس لما تيجى تلف الدريكسيون , اما لما تكون واقف مبتحركش الدريكسيون فصوت الزنة بيقل خالص
وطبعا دى مشكلة فى مكنة الباور ولازم تتغير بس طالما الدريكسيون لسه ناعم معاك يبقى مش مهم تغيره دلوقتى وتستنى لحد ما يتقل فى ايدك وبعدين غيره
بس انا عن نفسى صوت الزنة مضايقنى جدا وناوى اغير مكنة الباور ان شاء الله رغم ان الدريكسيون ناعم فى ايدى
اما سعرها استيراد مش اقل من 350 جنيه
شكرا على اهتمام حضرتك انا الحقيقه جبت الزيت ابو 50 ىجنيه الابيض وحطيته وشيلت الاحمر الصوت الى حد ما قل والباور نعم نسبيا لكن انا ان شاء الله ناوى اغيرها لان هى صوتها بيكون عالى على عدد لفات 3000 لفه يعنى وانا ماشى على ال90 كم اسف على الاطاله ولكن لى سؤال هل البولو المصرى بتنزل بمصفحه حديد ولا لا
تقصد ايه ب البولو المصرى ؟؟؟
وبالنسبة للمصفحة فدى ممكن تبص من فوق وخصوصا من اليمين هتلاقى المصفحة تحت او ممكن تنزل تحت العربية وممكن وانت بتغير زيت فى بنزينة بيرفعها بالمكبس فساعتها بص براحتك
ودى انا شوفتها بعينى لانى مش خبير اوى اصلى لسه جايب البولو يدوبك من كام شهر بس فشخانى مصاريف بصراحها حاجتها غالية اوى لدرجة انى بقيت بخاف ان اى حاجة فيها تبوظ وبقيت بعاملها بقطنة
نسيت اقولك صحيح ان تغيير الزيت ملوش معنى لان صوت الزنة جاى من البلوف نفسها وخدها من اخوك اصلى مهندس ميكانيكا ولما بقف مع صنايعى ببقى عارف هوا بيعمل ايه وليه بس مبحسسش الصنايعى علشان ميحطنيش فى دماغه
لما تفتح غطا قربة زيت الباور ولقيت الزيت بيلف فى القربة كأنه فى خلاط يبقى دى مكنة الباور مفيهاش كلام تانى