السلام عليكم
.
قصيدة بالعامية
من كلمات اخوكم أحمد فارما
.
http://im29.gulfup.com/2012-06-04/1338776097861.jpg
.
إسمع ياأخ
لو كنت إنت في يوم معتقل
أو خلف سور
مانا كنت زيك ..غرقان في الديون..مكسور
وعلشان مايركبنيش الأمير إبن الامير
دفعت دمي في التحرير
حرمت أمي من يوم فرحتي
وعلشان بلدنا تعيش .. إخترت المصير
ونزلت إنت بعدي..وشاركتني مجدي
ومشيت ورجعت تاني ... وتاني
أخدت من ده كتير
تجيلي لو ليك مصلحة تقف جمبي
مرة تقول ورايا
" يسقط نظام "
ومرة تقول
" يحيا المشير "
مرة تقول عليا.. بلطجي وبرشمجي
ومرة تقول .. كلاب إلي في التحرير
نسيت إن الكرسي .. دفعت انا تمنه
نسيت دمي .. نسيت دموع أمي
ماكنش ده التغييرإلي إندفع تمنه .
مكنش ده تمن ألف روح من ولاد بلدي
وأنا إلي قلت أنك بقيت في البرلمان سندي
راجع تقولي إديني صوتك
علشان مايطلعش الفشيق فوقك
إديني صوتك ده انا الأصلح .. انا الأنفع
سوا إنت .. سوا الفشيق
يكش تولـــــع