ستيبترونيك

**john55** · 04-06-2012 10:49 AM

بصراحه انا مجربتش امشي علي الوضع المانيول في العربيه بس عايز استفسر ايه فائده الوضع المانيول وهل انا ماشي علي d ونقلت للوضع المانيول فيه خطر علي الموتور او الفتيس وهل له اهميه في طلوع الكباري او النزول منها ولو بدات الحركه علي الغيار 2 في مطلع مثلا في حمل علي الموتور وشكرا

**akmm** · 04-06-2012 11:19 AM

متابع ؟

**atyam** · 04-06-2012 11:58 AM

عادى جدا انا مشيت عليه وبيقلب العربية كانها مانوال بالظبط
ومفيش مشكله تنقل من على ال d للمانوال او العكس

**verna2008auto** · 04-06-2012 01:04 PM

ودانك مع صوت الموتور
وعينك علي لفاتة RPM

وماتنساش .. كل عربية مهما كانت حديثة ..لازم تديلها الوقت في التسخين صباحا ( تلينها ) علشان الزيت يدخل في كل الامكان بتاعتة ويعمل الليونة المطلوبة
وبلاش ( الامريكاني ) او تحميلك علي غيار وقت طويل علشان ما يبقاش فية
over heating علي الموتور

**mody3on** · 04-06-2012 01:09 PM

المشاركة الأصلية كتبت بواسطة verna2008auto

وماتنساش .. كل عربية مهما كانت حديثة ..لازم تديلها الوقت في التسخين صباحا

مفيش الكلام ده يا باشا في العربيات الجديدة خالص :)

**verna2008auto** · 04-06-2012 01:14 PM

المشاركة الأصلية كتبت بواسطة mody3on

مفيش الكلام ده يا باشا في العربيات الجديدة خالص :)

(( فيتو يا باشا )) V
اسأل اكتر واعرف اكتر ..ها تعرف ..
ان (( لازم يكون لاي ميكانيزم Hardware )) وقت للتحضير
وماتنساش .. دي مش سيارة سباق ..
وحتي ولو برده لازم يكون فية وقت للتحضير

**mody3on** · 04-06-2012 01:37 PM

المشاركة الأصلية كتبت بواسطة verna2008auto

(( فيتو يا باشا )) v
اسأل اكتر واعرف اكتر ..ها تعرف ..
ان (( لازم يكون لاي ميكانيزم hardware )) وقت للتحضير
وماتنساش .. دي مش سيارة سباق ..
وحتي ولو برده لازم يكون فية وقت للتحضير

انا مقريتش الكلام ده في كاتالوج العربية ومعتقدش مكتوب في اي كاتالوج لعربية 2012

**mahmoud_afifi** · 04-06-2012 01:40 PM

المشاركة الأصلية كتبت بواسطة john55

بصراحه انا مجربتش امشي علي الوضع المانيول في العربيه بس عايز استفسر ايه فائده الوضع المانيول وهل انا ماشي علي d ونقلت للوضع المانيول فيه خطر علي الموتور او الفتيس وهل له اهميه في طلوع الكباري او النزول منها ولو بدات الحركه علي الغيار 2 في مطلع مثلا في حمل علي الموتور وشكرا

بالنسبه لتحويل الجير للوضع المانيوال في المطالع مش خطر على العربيه نهائي بس هيكون قدامك مشكلة واحده ان العربيه هتريح منك لورا (زي اي عربيه مانيوال) انما في الوضع الاوتو العادي مش هتريح على الي وراك.

واهمية الوضع المانيوال لو انت ليك في الشد وعاوز تستفيد بمميزات المانيوال في السحب والتجميع.

**MohammedAladel** · 04-06-2012 03:31 PM

أخى العزيز : عادى جدا انك تنقل من ع ال d للمانيوال وانت سايق يعنى مثلا ماشى 90 ك\س ورحت حركت عصا الفتيس من غير ما تدوس أى حاجة هتنقل معاك بسهولة وهتبقى نقلت على الغيار التالت وخليك مثلا ماشى على 40 ونقلت يبقى نقلت على الغيار التانى خليك مثلا ماشى على 140 على الرابع وحاولت ترجع للأول بالخطأ العربية فيها نظام كنترول مش هيسمحلك انك ترجع الغيار والعربية سريعة لازم توصل للحد الأدنى للغيار ولو انت على مطلع وانت على المانيوال الستبترونيك أكيد فيه حمل ع الموتور وفيه عربيات هتقبل التانى وتطلع معاك عادى وفيه عربيات ممكن ما تقبلوش وترجعلك الغيار ع الأول يعنى مثلا انا عندى رينو ميجان ببقى واقف وأروح أجيب الفتيس على المانيوال وأجيب الغيار التالت وأجرب أطلع تطلع معايا بس ع التانى لأنه مكتوب عندى فى الشاشة رقم الغيار بس للأمان أطلع ع الأول وعامة الكلام دا بيبقى أكثر حمل ع الموتور فى العربية المانيوال لأن العربية الأوتوماتيك ليها سيستم معين بتكيف نفسها وأساسا الستبترونيك مش مانيوال هو مش أكتر من انه بيخليك تختار نقلة الغيار يعنى طالع م طلع وأو عايز تشد عشان تعدى من عربية مش أكتر لكن مش بيديك عزم المانيوال